31-May-2024

ବଲାଙ୍ଗିର(ପ୍ରେରଣା ଖବର): ବଲାଙ୍ଗିର ସଦର ବ୍ଲକ ସଦାଇପାଲି ପଲ୍ଲିଶ୍ରୀ ହାଇସ୍କୁଲ ଠାରେ ପ୍ରଧାନ ଶିକ୍ଷକ ବୃନ୍ଦାବନ ମହାକୁରଙ୍କ ସଭାପତିତ୍ୱରେ ସ୍କୁଲ ପରିସରରେ  ଅବସରକାଳୀନ ସମ୍ବର୍ଦ୍ଧନା ପର୍ବ ଅନୁଷ୍ଠିତ ହୋଇଯାଛି । ଆଜିର ଏହି ପର୍ବରେ ବିଦ୍ୟାଲୟର ପ୍ରତିଷ୍ଠାତା ଡ. ଶ୍ରୀକର ମିଶ୍ର ମୁଖ୍ୟଅତିଥି ଭାବରେ ଯୋଗ ଦେଇଥିବା ବେଳେ ସମ୍ମାନୀତ ଅତିଥି ଭାବରେ ଓଷ୍ଟା ପୂର୍ବତନ ସଭାପତି ବିନୋଦ ବିହାରୀ ପାଣିଗ୍ରାହୀ, ସଦାଇପାଲି ଗ୍ରାମ ପଂଚାୟତର ସମିତି ସଭ୍ୟ ଗୁଲାପ ବାଗ, ବିଦ୍ୟାଲୟ ସଭାପତି ଫକୀରମୋହନ ଥାଟି ମଞ୍ଚାସୀନ ଥିଲେ l ଦୀର୍ଘ ବର୍ଷ ହେବ ଜିଲ୍ଲାର ବିଭିନ୍ନ ସ୍କୁଲରେ ଶିକ୍ଷକ ଭାବରେ କାର୍ଯ୍ଯ କରି ଆସୁଥିବା କଳା ଶିକ୍ଷକ ସୁଧୀର କୁମାର ନାଏକ ଏବଂ ଚତୁର୍ଥ ଶ୍ରେଣୀ କର୍ମାଚାରୀ ଭାବରେ କାର୍ଯ୍ଯ କରି ଆସୁ ଥିବା ଭଜରାମ ମିଶ୍ର ଉଭୟ ଆଜି ତାଙ୍କର କାର୍ଯ୍ୟକାଳ ସମ୍ପୂର୍ଣ୍ଣ ହୋଇଥିବାରୁ ଅବସର ନେଇଛନ୍ତି । ଆଜି ବିଦ୍ୟାଲୟ ପରିସରରେ ଶତାଧିକ ପୁରାତନ ଛାତ୍ରଛାତ୍ରୀ ଏବଂ  ବିଦ୍ୟାଲୟର ପୁରାତନ ଓ ନୂତନ କମିଟି ସଦସ୍ୟଙ୍କ ଉପସ୍ଥିରେ ଉଭୟ ଶ୍ରୀ ନାଏକ ଏବଂ ଶ୍ରୀ ମିଶ୍ରଙ୍କୁ ଅବସରକାଳୀନ ସମ୍ବର୍ଦ୍ଧନାରେ ମାନପତ୍ର ଓ ଉପଢ଼ୌକନ ଦେଇ ସମ୍ବର୍ଦ୍ଧନା ଦିଆଯାଇଥିଲ । ବିଦ୍ୟାଲୟ ପକ୍ଷରୁ ଚିନମୟୀ ଦାଶ, ସୁଧାନିଧି ମିଶ୍ର, ସଂସ୍କୃତୀ ପଟ୍ଟନାୟକ, ଜଗନ୍ନାଥ ସାହୁ, ଲବ ବିଶ୍ୱାଲ, ଦୀଲିପ ନାଏକ, ସୁନାଧର ନାଏକ, ଦିନ ବନ୍ଧୁ ବାଗ ପୁରାତନ ଛାତ୍ରଛତ୍ରୀ ନାରାୟଣ ପ୍ରସାଦ ମିଶ୍ର, ପ୍ରଦୀପ୍ତ କୁମାର ମିଶ୍ର, ରମାକନ୍ତ ନାଏକ, ପୃଥିରାଜ ପଟେଲ, ପବିତ୍ର ନାଏକ, ଶୁନିଲ ରାଉତ କମିଟୀର ସଦସ୍ୟ ମାନଙ୍କୁ ମଧ୍ୟରୁ ପ୍ରମୋଦ କୁମାର ମିଶ୍ର, ରମେଶ ନାଏକ, ସତ୍ୟବାଦୀ ନାଏକ, ବିରଚିଂ ନାରାୟନ ସାଏ ପ୍ରମୁଖ ଯୋଗ ଦେଇଥିଲେ ।