06-May-2024

ବଲାଙ୍ଗିର(ପ୍ରେରଣା ଖବର): ଏକ ଜନମଙ୍ଗଳ ରାଷ୍ଟ୍ରରେ ରାଜ୍ୟ ହେଉ କି କେନ୍ଦ୍ର ସରକାର ତାର କର୍ତ୍ତବ୍ୟ ହେଲା ସ୍କୁଲରେ ଶିକ୍ଷକ, ଡାକ୍ତରଖାନାରେ ଡାକ୍ତର, ଯୁବକଙ୍କୁ ରୋଜଗାର ନିଶ୍ଚିତ କରିବା ଦରକାର, କିନ୍ତୁ ଦୁଃଖର କଥା ରାଜ୍ୟରେ ବିଜେଡି ଦୀର୍ଘ ୨୪ବର୍ଷ ଓ କେନ୍ଦ୍ରରେ ବିଜେପି ୧୦ବର୍ଷର ଶାସନରେ ଶିକ୍ଷକ, ଡାକ୍ତର ଓ ରୋଜଗାରର ମରୁଡି ଦେଖାଯାଇଛି l ଅଞ୍ଚଳର ଅର୍ଥନୈତିକ ଅଭିବୃଦ୍ଧି ପାଇଁ ଶିକ୍ଷା କ୍ଷେତ୍ରରେ ଦରକାର ଶିକ୍ଷକ, ଚିକିତ୍ସା ପାଇଁ ଡାକ୍ତର ଓ ଯୁବକଙ୍କୁ ରୋଜଗାର ଦେବାରେ ଉଭୟ ସରକାର ସମ୍ପୂର୍ଣ୍ଣ ବିଫଳ ବୋଲି ଆଜି ଦେଓଗାଁ ବ୍ଲକ ଅନ୍ତର୍ଗତ ଦେଶଣ୍ଢ, ବ୍ରାହ୍ମଣୀଜୋର ଓ ବନ୍ଧପଡା ଠାରେ 

ଅନୁଷ୍ଠିତ ଜନ ଆଶୀର୍ବାଦ ସଭାରେ ବଲାଙ୍ଗୀର ବିଧାନସଭା ସଭାପତି ପାଇଁ ପ୍ରତିଦ୍ବନ୍ଦିତା କରୁଥିବା କଂଗ୍ରେସ ଦଳର ପ୍ରାର୍ଥୀ ସମରେନ୍ଦ୍ର ମିଶ୍ର ନିଜ ବକ୍ତବ୍ୟରେ କହିଛନ୍ତି l 
ଏହି ନିର୍ବାଚନୀ ସଭାରେ ସେ ଆହୁରି ମଧ୍ୟ କହିଛନ୍ତି ଯେ ଗୋଟିଏ ରାଜ୍ୟ ସରକାର ପାଇଁ ୨୪ ବର୍ଷ ଗୋଟେ ବହୁତ ବଡ ସମୟ ସାମାଜିକ ସୁରକ୍ଷା ଅନ୍ତର୍ଗତ ଭତ୍ତା ହେଉ କି ଗରିବଙ୍କ ପାଈଁ ପକ୍କା ଘର ହେଉ, ଏ ସମସ୍ତ ସୁବିଧା ସମସ୍ତ ହିତାଧିକାରୀ ଏହି  ସମୟ ଭିତରେ  ପାଇଯିବା ଦରକାର, କିନ୍ତୁ ଦୁଃଖର କଥା ସରକାର ତ ନିଶ୍ଚିତ ଭାବେ ନିର୍ବାଚନ ସର୍ବସ୍ବ ଯୋଜନାରେ ଲୋକଙ୍କୁ ଭୁଆଁ ବୁଲାଉଛି, ଏହି ସମୟ ଭିତରେ ସରକାରରେ ସମସ୍ତ କ୍ଷମତା ଅକ୍ତିଆର କରିଥିବା ରାଜପରିବାର କେବଳ ବିଧାୟକ ଓ ସାଂସଦ ପାଣ୍ଠିରେ ବଲାଙ୍ଗୀରର ଵିକାଶକୁ ସୀମିତ କରି ରଖିଥିଲେ, ତେଣୁ ଆଗାମୀ ନିର୍ବାଚନରେ ଏମାନଙ୍କୁ ପୁଣିଥରେ ଲୋକେ ବରଖାସ୍ତ କରିବେ ଓ କଂଗ୍ରେସ ବିଧାୟକ ପ୍ରାର୍ଥୀ ଓ ଲୋକସଭା ପ୍ରାର୍ଥୀ ଉଭୟଙ୍କୁ ହାତ ଚି଼ହ୍ନରେ ଭୋଟ ଦେଇ ବିଜୟୀ କରନ୍ତୁ ବୋଲି ସମରେନ୍ଦ୍ର ମିଶ୍ର କହିଥିଲେ । 
ବ୍ଲକ କଂଗ୍ରେସ ସଭାପତି ରାମଜି ଚୌଧୁରୀଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ମାନ୍ୟବର ବଲାଙ୍ଗୀର ବିଧାୟକ ନରସିଂହ ମିଶ୍ର ନିଜ ବକ୍ତବ୍ୟରେ କହିଥିଲେ  ଗତ ୧୦ ବର୍ଷରେ 

ବଲାଙ୍ଗୀରରେ ତାଙ୍କ ବିକାଶମୂଳକ କାର୍ଯ୍ୟ ଓ ଲୋକ ସମ୍ପର୍କକୁ ଲୋକେ ଠିକ୍ ଭାବରେ ତର୍ଜମା କରନ୍ତୁ ଏବଂ ବଲାଙ୍ଗିର ନିର୍ବାଚନ ମଣ୍ଡଳି ବିକାଶ ପାଇଁ କଂଗ୍ରେସ ଦଳର  ବିଧାୟକ ଓ ସାଂସଦଙ୍କୁ ବିଜୟୀ କରନ୍ତୁ ବୋଲି ଜନସାଧାରଣଙ୍କୁ ଅନୁରୋଧ କରିଥିଲେ। କଂଗ୍ରେସର ଗ୍ୟାରେଣ୍ଟି କାର୍ଡରେ ସବୁ ବର୍ଗର ଲୋକଙ୍କ ଉନ୍ନତି ପାଇଁ ଥିବା ବ୍ୟବସ୍ଥା ଉପରେ ସମବେତ ଜନତାଙ୍କୁ ଅବଗତ କରାଇଥିଲେ। ଆଜି ଅନୁଷ୍ଠିତ ଏହି ନିର୍ବାଚନୀ ସଭାମାନଙ୍କରେ ଅନ୍ୟମାନଙ୍କ ମଧ୍ୟରେ କନ୍ତେଶ୍ଵର ପଧାନ, ଦେଷଣ୍ଢ ସମିତି ସଭ୍ୟ ରୁଦନା ଧରୁଆ ସ୍ୱାୟମ୍ବର ମେହେର , କଳାକାର ବେହେରା, ନିତ୍ୟାନନ୍ଦ ବେହେରା ପ୍ରମୁଖ ମଞ୍ଚାସୀନ ଥିଲେ