26-Apr-2024

ସୋନପୁର ( ମନୋରଞ୍ଜନ ତ୍ରିପାଠୀ )ଓଡିଶାର ବୀର ମାଟି ସୋନପୁର ରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ୨୦୨୪ ଲୋକ ସଭା ଓ ବିଧାନ ସଭା ର ନିର୍ବାଚନ ପ୍ରଚାର ର ଶୁଭାରମ୍ଭ କରିଥିଲେ l ସୋନପୁରର ରାମେଶ୍ବର ଷ୍ଟାଡିୟମ୍‌ରେ ଆୟୋଜିତ ବିଶାଳ ନିର୍ବାଚନ ରାଲିକୁ ସମ୍ବୋଧିତ କରି ଯିଏ ମା ମାଟି  ଓଡ଼ିଆ ର ଭାଷା ସଂସ୍କୃତି କୁ ବୁଝି ପାରେନି ସେ ସରକାର କେବେ ବି ଓଡ଼ିଶା ର ବିକାଶ କରି ପାରିବନି ବୋଲି ଏଥର ଲୋକେ ନବିନ ସରକାରକୁ ଗାଦି ଚ୍ୟୁତ କରିବା କୁ ମନସ୍ଥ କରିଛନ୍ତି ବୋଲି ମତ ରଖିଥିଲେ l  କ୍ଷେତ କୁ ପାଣି ନାହିଁ, ମେଡ଼ିକାଲ ରେ ଡାକ୍ତର ନାହିଁ, ଯୁବକ ଙ୍କୁ ଚାକିରି ନାହିଁ, ଲୋକ ଙ୍କୁ ସୁରକ୍ଷା ନାହିଁ ତ କଣ କରିଛି ଏ ସରକାର ବୋଲି ଧିକ୍କାର କରିଥିଲେ l ସେ କହିଛନ୍ତିଯେ, ନବୀନ ସରକାରଙ୍କ ୨୪ ବର୍ଷ ଶାସନକାଳରେ ଓଡ଼ିଶା ଅନେକ ପଛକୁ ଚାଲିଯାଇଛି । ଯେଉଁଠି ଡବଲ ଇଂଜିନ ସରକାର ହୋଇଛି, ସେଠି ବିକାଶ ହୋଇଛି ।

ତେଣୁ ଓଡ଼ିଶାକୁ ଏବେ ବିକାଶ, ସମୃଦ୍ଧଶାଳୀ କରିବାର ସମୟ ଆସିଛି । ସମୟ ଆସିଛି ଦେଶ ଓ ଦୁନିଆଁ ର ଶିଳ୍ପ କୁ ଜଳ ସେଚନ କୁ ଓଡ଼ିଶାରେ ପହଞ୍ଚାଇବା ବୋଲି ଶପଥ କରିବାକୁ କହିଥିଲେ l  ଏଵଂ ଡବଲ ଇଞ୍ଜିନ ସରକାର ଆସିଲେ ଏ ଅଞ୍ଚଳ ରେ ଟେକ୍ସଟାଇଲ, ଏଗ୍ରୋ ବେସ୍ ଇଣ୍ଡଷ୍ଟ୍ରି ଘୋଷୋଣା ସହ ମୁଖ୍ୟ ମନ୍ତ୍ରୀ ଙ୍କ ହିଞ୍ଜିଳି ଓ କଣ୍ଟାବାଞ୍ଜି ନିର୍ବାଚନ ଅଞ୍ଚଳ ରୁ ପ୍ରଥମେ ଦାଦନ ରୋକିବା ବୋଲି ଦୃଢ଼ ପ୍ରତିଶୁତି ଦେଇଥିଲେ l ଲୋଇସିଂହା ବିଜେପି ବିଧାୟକ ପ୍ରାର୍ଥୀ ଡ .ମୁକେଶ ମହାଲିଙ୍ଗ, ସାଂସଦ ସଙ୍ଗୀତା ସିଂଦେଓ, କେ.ଭି ସିଂହ ଦେଓ, ବଲାଙ୍ଗିର ବିଜେପି ବିଧାୟକ ପ୍ରାର୍ଥୀ ଗୋପାଳଜୀ ପାଣିଗ୍ରାହୀ, ଟିଟିଲାଗଡ଼ ପ୍ରାର୍ଥୀ ନବୀନ ଜୈନ,  ସମ୍ବଲପୁର ବିଜେପି ଲୋକସଭା ପ୍ରାର୍ଥୀ ଧର୍ମେନ୍ଦ୍ର ପ୍ରଧାନ, ବିଜେପି ରାଜ୍ଯ ସଭାପତି ମନମୋହନ ସାମଲ, କଣ୍ଟାବାଞ୍ଜି ପ୍ରାର୍ଥୀ ଲକ୍ଷ୍ମଣ ବାଗ, ଜୟ ନାରାୟଣ ମିଶ୍ର, ପ୍ରଭାସ ସିଂହ, ବରଗଡ଼ ସାଂସଦ ପ୍ରାର୍ଥୀ ପ୍ରଦୀପ ପୁରୋହିତ, କନ୍ନଇ ଡ଼lଙ୍ଗ, ଡି ମୂରଲୀ କ୍ରିଷ୍ଣା, ପ୍ରମୋଦ ମହାପାତ୍ର, ରଘୁ ଜଗଦଳା ପ୍ରମୁଖ ସମ୍ବଲପୁର, ବୌଦ୍ଧ, ବଲାଙ୍ଗିର, ସୁବର୍ଣ୍ଣପୁର ଜିଲ୍ଲା ର ବିଜେପି ର ଷ୍ଟାର୍ ପ୍ରଚାରକ ମାନେ ମଞ୍ଚାସୀନ ଥିଲେ l ପ୍ରଚଣ୍ଡ ଖରା ଗରମ ସତ୍ତ୍ୱେ ସଭାରେ ୪୦ ହଜାର ରୁ ଉର୍ଦ୍ଧ୍ବ ଜନତା ଯୋଗ ଦେଇଥିଲେ l