21-Apr-2024

ସୁବର୍ଣ୍ଣପୁର ( ମନୋରଞ୍ଜନ ତ୍ରିପାଠୀ )
 ସୋନପୁର ସଦର ବ୍ଳକ ପିପିଲିପାଲି ସ୍ଥିତ ବିଶ୍ଵ ଭାରତୀ ଚିନ୍ତନ ଶିକ୍ଷା ନିକେତନ ବିଦ୍ୟାଳୟର ୧୪ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି।ଏହି ଅବସରରେ ସୋନପୁର ଜିଲ୍ଲାର ପ୍ରଥମ  ବେସରକାରୀ ବିଦ୍ୟାଳୟ ଭାବରେ ସ୍ମାର୍ଟ କ୍ଲାସ୍ ର ଶୁଭାରମ୍ଭ ହୋଇଛି । ବିଦ୍ୟାଳୟର ପ୍ରାଣ ପ୍ରତିଷ୍ଠାତା ଶ୍ରୀଯୁକ୍ତ ଅକ୍ଷୟ କୁମାର ସାହୁଙ୍କ ଅଧ୍ୟକ୍ଷତାରେ  ସଭାକାର୍ଯ୍ୟ ଅନୁଷ୍ଠିତ ହୋଇଥିଲା। ଏହି ସଭାରେ ମୂଖ୍ୟ ଅତିଥି ଓ ମୂଖ୍ୟ ବକ୍ତା ଭାବେ ବିଶିଷ୍ଟ ଶିକ୍ଷାବିତ ଡ଼ଃ. ଜ୍ୟୋତିରଞ୍ଜନ ବହିଦାର ଓ  ସୋନପୁର ମାଟିର ସୁନାମଧନ୍ୟ ଐତିହାସିକ ତଥା କବି ଶ୍ରୀଯୁକ୍ତ ସୁଦାମ ନାଏକ ଯୋଗଦେଇ ଛାତ୍ରଛାତ୍ରୀମାନଙ୍କୁ ଜୀବନର ଦିଗଦର୍ଶନ ଦେଇ ଦୃଢ ଆତ୍ମବିଶ୍ବାସ କିପରି ଶୀର୍ଷ ସ୍ଥାନକୁ ପହଞ୍ଚାଇ ଥାଏ ତାହା ବୁଝାଇଥିଲେ ଏବଂ ସଦା ସର୍ବଦା ନିଜର ମନୋବଳ ଓ ଆତ୍ମବିଶ୍ବାସକୁ ସୁଦୃଢ ରଖିବାକୁ ପରାମର୍ଶ ଦେଇଥିଲେ। ମୂଖ୍ୟ ବକ୍ତା ଶ୍ରୀଯୁକ୍ତ ସୁଦାମ ନାଏକ  ତାଙ୍କ ସ୍ବରଚିତ କେତୋଟି ପୁସ୍ତକ ବିଦ୍ୟାଳୟକୁ ଉପହାର ସ୍ୱରୂପ ପ୍ରଦାନ କରିଥିଲେ। ଏହି ସଭାଟି  ବିଦ୍ୟାଳୟର ମାତୃଭାଷା ଶିକ୍ଷକ ଶ୍ରୀଯୁକ୍ତ ଚିତ୍ତରଞ୍ଜନ ଭୋଇଙ୍କ ପରିଚାଳନାରେ ପରିଚାଳିତ ହୋଇଥିଲା ଏବଂ ଇତିହାସ ଶିକ୍ଷକ ଶ୍ରୀଯୁକ୍ତ ବାସୁଦେବ ବିଶି ବିବରଣୀ ପାଠ କରିଥିଲେ । ସଭା  ଶେଷରେ ବିଦ୍ୟାଳୟର ବରିଷ୍ଠ ଶିକ୍ଷକ ତଥା ଗଣିତ ଶିକ୍ଷକ ଶ୍ରୀଯୁକ୍ତ ସୁଶିଲ କୁମାର ଗାଇଗରିଆ ଧନ୍ୟବାଦ ଅର୍ପଣ କରିଥିଲେ ଏବଂ   ବିଦ୍ୟାଳୟର ସମସ୍ତ କର୍ମଚାରୀ, ଅଭିଭାବକ,  ଛାତ୍ରଛାତ୍ରୀ ଉପସ୍ଥିତ ଥିଲେ  ।