17-Apr-2024

ସୋନପୁର (ମନୋରଞ୍ଜନ ତ୍ରିପାଠୀ )
ଓଡ଼ିଶା ର ବରପୁତ୍ର ତଥା ପ୍ରାକ୍ତନ ମୁଖ୍ୟମନ୍ତ୍ରୀ ସ୍ୱର୍ଗତ ବିଜୁ ପଟ୍ଟନାୟକ ଙ୍କ ୨୮ ତମ ତିରୋଧାନ ଦିବସ ଅବସର ରେ ଆଜି ସୁବର୍ଣ୍ଣପୁର ଜିଲ୍ଲା ବିଜୁ ଜନତା ଦଳ ପକ୍ଷରୁ ସକାଳ ୧୦ ଘଣ୍ଟା ୩୦ ମି଼ ରେ ସୋନପୁର ର ଇଷ୍ଟଦେବୀ ମା ସୁରେଶ୍ଵରୀ ଙ୍କ ମନ୍ଦିର ଠାରୁ ଏକ ବିଶାଳ ବାଇକ  ଶୋଭାଯାତ୍ରା ଅନୁଷ୍ଟିତ ହୋଇଥିଲା l ସୋନପୁର ନିର୍ବାଚନ ମଣ୍ଡଳୀ ର ବିଜେଡି ବିଧାୟକ ପ୍ରାର୍ଥୀ ଶ୍ରୀ ନିରଞ୍ଜନ ପୂଜାରୀ ଙ୍କ  ନେତୃତ୍ଵ ରେ ୫୦୦ ରୁ ଊର୍ଦ୍ଧ୍ବ ନେତା କର୍ମୀ ବାଇକ ଶୋଭାଯାତ୍ରା ରେ ଆସି ବିଜୁ ବାବୁ ଙ୍କ ପ୍ରତିମୂର୍ତ୍ତି ରେ ଧୂପ ଦୀପ ପୁଷ୍ପ ମାଲ୍ୟ ସହ ଶ୍ରଦ୍ଧାଞ୍ଜଳି ଅର୍ପଣ  କରିଥିଲେ l ପରେ ପରେ ଏହି ବିଶାଳ ବାଇକ୍ ରାଲି ରେ ଶ୍ରୀ ପୂଜାରୀ  ମଝିପଡ଼ା, କଚେରୀ ଛକ,ଆମ୍ବେଦକର ଓ ବ୍ଲକ୍ ଛକ ଦେ଼ଇ ସହର ପରିକ୍ରମା କରି  ବିଜୁ ଜନତା ଦଳ କୁ ବିପୁଳ ଭୋଟ ରେ ବିଜୟ କରାଇ ଆମ ଜିଲ୍ଲା ତଥା ଓଡ଼ିଶା ର ଦ୍ରୁତ ବିକାଶ କରିବା କୁ  ସାଧାରଣ ଜନତା ଙ୍କୁ ହାତ ଯୋଡ଼ି ନିବେଦନ କରିଥିଲେ l ଏବଂ  ମହାନଦୀ ରୋଡ  ରୟାଲ ପଡ଼ିଆ ଠାରେ ସୋନପୁର ନିର୍ବାଚନ ମଣ୍ଡଳୀ ର ହଜାର ନେତା କର୍ମୀ ଙ୍କ ସହିତ ନବୀନ ବାବୁ ଙ୍କୁ ଷଷ୍ଠ ଥର ପାଇଁ ଓଡ଼ିଶା ର କ୍ଷମତା ରେ  ବସାଇ  ଇତିହାସ ରଚିବାକୁ  ଶପଥ ପାଠ କରିଥିଲେ l ବରିଷ୍ଠ ବିଜେଡି ନେତା ଅଭିମନ୍ୟୁ କୁଶଳ, ଟାଉନ ସଭାପତି ଜନ୍ମଞ୍ଜୟ ପାତ୍ର, ଛାତ୍ର ନେତା ଶାଶ୍ଵତ ମିଶ୍ର, ଦେବାଶିଷ ପଟ୍ଟନାୟକ କାର୍ଯ୍ୟକ୍ରମ କୁ ସଂଯୋଞ୍ଜନା କରିଥିଲେ l