08-Apr-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): କଣ୍ଟାମାଳ ବ୍ଲକ ତୁର୍କା ପ୍ରଗଣା ତଥା ନାରାୟଣପ୍ରସାଦ ପଞ୍ଚାୟତ ଅନ୍ତର୍ଗତ ଭାଞ୍ଜିବେଡା ଗ୍ରାମରେ କନ୍ଧ ସମାଜର ଏକ ବୈଠକ ଅନୁଷ୍ଠିତ ହୋଇଯାଇଛି l ଆଞ୍ଚଳିକ କନ୍ଧ ସମାଜ ଉନ୍ନୟନ ପରିଷଦ ସଭାପତି ସାମନ୍ତ ମାଝୀଙ୍କ ଆହ୍ୱାନକ୍ରମେ ବିଭିନ୍ନ ପ୍ରଗଣାର କନ୍ଧ ସମାଜ ପ୍ରତିନିଧି ଯୋଗଦେଇ ଆଦିମାତା ଆଦିଶକ୍ତିଙ୍କୁ ପୂଜାର୍ଚ୍ଚନା କରିଥିଲେ l ପରେ ସଭାପତି ଶ୍ରୀ ମାଝୀଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ବିଲବିଟ ପ୍ରଗଣା ସଭାପତି ବିବତ୍ସ କଅଁର, ଉପସଭାପତି ସର୍ବେଶ୍ୱର ଭୋଇ, କୁଦୁର୍କା ପ୍ରଗଣା ସଭାପତି ଦେବାଧି ମଲିକ, ମହାସିଙ୍ଗ ପ୍ରଗଣା ସଭାପତି ରବିଚନ୍ଦ୍ର ମାଝୀ, ତୁର୍କା ପ୍ରଗଣା ଉପସଭାପତି ରାଜେନ୍ଦ୍ର ଭୋଇ, ସମ୍ପାଦକ ଧର୍ମୁ କଅଁର, ଆଞ୍ଚଳିକ କନ୍ଧ ସମାଜ ଉନ୍ନୟନ ପରିଷଦର ଉପଦେଷ୍ଟା ବିପିନ ଭୋଇ, ପବିତ୍ର ଝାଙ୍କର, କୋଷାଧକ୍ଷ ବଂଶୀଧର ମାଝୀ ପ୍ରମୁଖ ଯୋଗଦେଇ ବିଭିନ୍ନତା ମଧ୍ୟରେ କନ୍ଧ ସମାଜର ସ୍ଥିତି, ସାମାଜିକ ଉନ୍ନତି, ପାରମ୍ପରିକ ପୂଜା ପଦ୍ଧତି ବିଷୟରେ ଆଲୋଚନା କରିଥିଲେ l ସଦସ୍ୟ ସୁଦାମ ଭୋଇ ଧନ୍ୟବାଦ ଦେଇଥିଲେ l ଦିଗାମ୍ବର ଭୋଇ, ବିପିନ ମାଝୀ, ଗଣେଶ୍ୱର ଭୋଇ, ପୂର୍ଣ୍ଣଚନ୍ଦ୍ର ମଲିକ, ସାଧୁ କଅଁର ପ୍ରମୁଖ ସହଯୋଗ କରିଥିଲେ l