20-Mar-2024

କଣ୍ଟାମାଲ(ଜୟ କୁମାର ମହାରଣାଙ୍କ ରିପୋର୍ଟ ): କଣ୍ଟାମାଳ ବ୍ଲକ ଘଣ୍ଟାପଡା ପଞ୍ଚାୟତ ଅନ୍ତର୍ଗତ ଶ୍ରୀମାଲ ଗ୍ରାମରେ ଆଞ୍ଚଳିକ କୁମ୍ଭକାର ସଂଘ ଆମ୍ବଗାଁ ର ଆହ୍ୱାନ କ୍ରମେ ପଶ୍ଚିମ ଓଡିଶା କୁମ୍ଭକାର କର୍ମକର୍ତ୍ତା ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି l ସମ୍ବଲପୁର ଜିଲା ସଭାପତି ହରିହର ରଣାଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ପଶ୍ଚିମ ଓଡିଶା କୁମ୍ଭକାର ମହାସଂଘ ସଭାପତି ସୁଶିଲ କୁମାର ରଣା ମୁଖ୍ୟଅତିଥି ଏବଂ ବିଶ୍ୱନାଥ ରଣା, ଓକିଲ ଶେଷଦେବ ରଣା, ନନ୍ଦିକିଶୋର ରଣା, ଇନ୍ଦ୍ରରାଜ ରଣା, ଓମ ପ୍ରକାଶ ରଣା, ଶେଷଦେବ ରଣା ଏବଂ ଅନୁଗୁଳ ସଭାପତି, ପିତାମ୍ବର ପାଣ୍ଡେ, ଲଳିତ ପାଣ୍ଡେ, କୁଶଳେଶ୍ୱର ରଣା, ସମାଜସେବୀ ପିନାକ ରଣା, ଆଇନଜୀବୀ ସୁରେଶ ଚନ୍ଦ୍ର ରଣା, ଆମ୍ବଗାଁ ଗୌନ୍ତିଆ ମୋତିଲାଲ ରଣା ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ମଞ୍ଚାସିନ ଥିଲେ l ଅନ୍ୟ ଜାତିର ଝିଅକୁ ବିବାହ ନକରିବା, କୁମ୍ଭକାର ସମାଜରେ ଭ୍ରଷ୍ଟାଚାର କରୁଥିବା ବ୍ୟକ୍ତିଙ୍କ ବିରୋଧରେ ଦୃଢ ନିନ୍ଦା କରାଯିବା ସହିତ ସେହି ବ୍ୟକ୍ତିକୁ ସମାଜ ଅସହଯୋଗ କରିବା ଏବଂ ଭ୍ରଷ୍ଟାଚାରୀଙ୍କୁ ସହଯୋଗ କରୁଥିବା ଲୋକଙ୍କୁ ମଧ୍ୟ କଠୋର ଦଣ୍ଡବିଧାନ କରିବା ପାଇଁ ସଭାରେ ଅତିଥି ମାନଙ୍କ ଦ୍ୱାରା ମତପ୍ରକାଶ ପାଇଥିଲା l ଶେଷରେ ମୋତିଲାଲ ରଣା ଧନ୍ୟବାଦ ଦେଇଥିଲେ l