09-Feb-2024

ଓଡିଶା ଅନୁସୂଚିତ ଜାତି ତାଲିକାରୁ ନକଲି ଏସ. ସି (କେଉଟ, ଧୀବର , କୈବର୍ତ୍ତ )ଙ୍କୁ ହଟେଇବା ଦାବିରେ ସମ୍ବଲପୁର ଉତ୍ତରାଞ୍ଚଳ ରାଜସ୍ବ ଆଯୁକ୍ତଙ୍କ କାର୍ଯ୍ୟାଳୟ ସମ୍ମୁଖରେ ଅନିର୍ଦ୍ଧିଷ୍ଟ କାଳ ପାଇଁ ଗଣଧାରଣା ଦିଆଯାଇଛି l ଜାନୁଆରୀ ୧୯ ତାରିଖରେ କେ ଡି କେ ହଟାଓ ଦାବିରେ ସମ୍ବଲପୁର ଉତ୍ତରାଞ୍ଚଳ ରାଜସ୍ବ ଆଯୁକ୍ତଙ୍କ କାର୍ଯ୍ୟାଳୟ ଘେରାଓ କରାଯାଇଥିଲା ଏବଂ ପ୍ରଶାସନ ତରଫରୁ ୭ ଦିନ ଭିତରେ ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦିଆଯାଇଥିଲେ ମଧ୍ୟ ପ୍ରଶାସନ ତରଫରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ l  ତେଣୁ ସଂଗଠନ ଅସନ୍ତୋଷ ବ୍ୟକ୍ତ କରିବା ସହ ଦାବିପୂରଣ ହେବା ପର୍ଯ୍ୟନ୍ତ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ସମ୍ୱଲପୁର ଆର.ଡ଼ି.ସି କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦେବାକୁ ନିଷ୍ପତ୍ତି ନେଇଛି l ବୌଦ୍ଧ ଜିଲ୍ଲା ପାଣ - ଗଣ୍ଡା ସମାଜ ବିକାଶ ପରିଷଦର ସାଧାରଣ ସମ୍ପାଦକ ସୁଧାଂଶୁ ଡାଙ୍ଗଙ୍କ ନେତୃତ୍ତ୍ଵରେ ଜିଲ୍ଲାର ୫ ଜଣ ଅନୁସୂଚିତ ଜାତିର ବ୍ୟକ୍ତିବିଶେଷ ଉକ୍ତ ଗଣଧାରଣରେ ଯୋଗ ଦେଇଛନ୍ତି l କେଉଟ, ଧୀବର, କୈବର୍ତ୍ତ ମାନେ ଅସ୍ପୃଶ୍ୟ ନ ହୋଇ ମଧ୍ୟ ଚଞ୍ଚକତା କରି ଅଗଣତାନ୍ତ୍ରିକ ଭାବେ ପ୍ରକୃତ ଅସ୍ପୃଶ୍ୟମାନଙ୍କର ସାମ୍ବିଧାନିକ ଅଧିକାର ଛଡେଇ ସରକାରୀ ନିଯୁକ୍ତି ପାଇବା ସହିତ ରାଜନୈତିକ ପଦପଦବୀ ହାସଲ କରିବା ପାଇଁ ସକ୍ଷମ ହେଉଛନ୍ତି l ତେଣୁ ରାଜ୍ୟ ସରକାର ଉକ୍ତ ଘଟଣା ପ୍ରତି ସ୍ୱତନ୍ତ୍ର ଦୃଷ୍ଟି ଦେବା ସହ ଦାବି ପୂରଣ ନ ହେବା ପର୍ଯ୍ୟନ୍ତ ସଂଗଠନ ପକ୍ଷ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ଗଣଧାରଣା ଦେବା ପାଇଁ ନିଷ୍ପତ୍ତି ନିଆଯାଇଛି l