07-Feb-2024

ବଲାଙ୍ଗୀର(ପ୍ରେରଣା ଖବର ):  ବଲାଙ୍ଗୀର କିଛି ଅଫିସରଙ୍କ ପାଲଟିଛି ଆଶ୍ରୟସ୍ଥଳୀ। ଟାଣୁଆ ନେତାଙ୍କ ଆଶୀର୍ବାଦରେ ବଳୀୟାନ ହୋଇ ଉଠିଛନ୍ତି କିଛି ସରକାରୀ କର୍ମଚାରୀ।ସେମାନଙ୍କ ମଧ୍ୟରୁ ବଲାଙ୍ଗୀର ଜିଲ୍ଲା ଶିକ୍ଷା ବିଭାଗରେ କାର୍ଯ୍ୟରତ ଥିବା ଜିଲ୍ଲା ଶିକ୍ଷା ଅଧିକାରୀ।ତାଙ୍କର ଗରମ ମିଜାଜ୍ ପାଇଁ ସେ ବେଶ ଚର୍ଚ୍ଚିତ।ମେରି ମର୍ଜି ରେ ସେ ଚଳାଇଛନ୍ତି ବଲାଙ୍ଗୀର ଶିକ୍ଷା ବିଭାଗ।ନିକଟରେ ସନ୍ଦେହାନ ଜାଲ ଶିକ୍ଷକ ମାନଙ୍କ ଗ୍ରେଡେସନ କରି ପ୍ରମୋସନ୍ ଦେଇଥିବା ବିଷୟ ଚର୍ଚ୍ଚା ହେଉଛି।ସଇଁତଳା ବ୍ଲକ ଅଧୀନରେ ଥିବା ଜୈନେକ ଶିକ୍ଷକ ଯିଏ କାମରାଜ ମଦୂରାଇ ୟୁନଭରସିଟି ରୁ ସ୍ନାତକ ଡିଗ୍ରୀ ହାସଲ କରି ସେହି ସାର୍ଟିଫିକେଟ ବଳରେ ପ୍ରମୋସନ୍ ହାତେଇ ନେଇଥିବା ବିଷୟ ବହୁବାର ଗଣମାଧ୍ୟମ ରେ ପ୍ରକାଶିତ ହୋଇଥିଲେ ମଧ୍ୟ କୌଣସି ପ୍ରତିକ୍ରିୟା ଦେଖାଯାଇନାହିଁ।ସରକାରଙ୍କ ନିୟମ ଅନୁଯାୟୀ ରାଜ୍ୟ ବାହାର ୟୁନିଭରସିଟି ରୁ ପାଇଥିବା କୌଣସି ଶିକ୍ଷ୍ୟାଗତ ପ୍ରମାଣ ପତ୍ର ସେହି  ୟୁନଭରସିଟିର ଅଥେଣ୍ଟିକେସନ୍ ଆସିଲା ପରେ ସେହି ପ୍ରମାଣ ବଳରେ ପ୍ରମୋସନ୍ ଦେବାର ନିୟମ ଥିବା ଡିଇଓ ମହାଶୟଙ୍କୁ ଜଣା ଅଛି।ପ୍ରମୋସନ୍ ପାଇଥିବା ଶିକ୍ଷକଙ୍କ ସାର୍ଟିଫିକେଟ ଜାଲ ଥିବା ସନ୍ଦେହ କରି ସଇଁତଳା ବ୍ଲକ ଶିକ୍ଷା ଅଧିକାରୀ ବଲାଙ୍ଗୀର ଡିଇଓ ଙ୍କୁ ଲିଖିତ ଜଣାଇଥିଲେ।ବଲାଙ୍ଗୀର ଡିଇଓ ସଇଁତଳା ଶିକ୍ଷl ଅଧିକାରୀଙ୍କ ଚିଠିକୁ ଅଣଦେଖା କରି କାହିଁକି ଏଭଳି ପଦକ୍ଷେପ ନେଲେ ଏ ପର୍ଯ୍ୟନ୍ତ ଜଣା ପଡିନାହିଁ।ବଲାଙ୍ଗୀର ଜିଲ୍ଲା ଶିକ୍ଷ୍ୟା ଅଧିକାରୀ ଅନେକ ସମୟରେ ଶିକ୍ଷକ ହେଉ କି ଜନସାଧାରଣ ହୁଅନ୍ତୁ ବା ସାମ୍ବାଦିକ ହୁଅନ୍ତୁ ତାଙ୍କ କର୍କଶ ଭାଷା ସମସ୍ତଙ୍କୁ ଅତିଷ୍ଟ କରୁଥିବା ଚର୍ଚ୍ଚା ହୁଏ। ତାଙ୍କର ଗରମ ମିଯାଜ୍ ପାଇଁ ସେ ବେଶ ଚର୍ଚ୍ଚିତ।ଚର୍ଚ୍ଚା ହୁଏ କୁଆଡେ ଜିଲ୍ଲା ଶିକ୍ଷା ଅଧିକାରୀ ଟାଣୁଆ ନେତାଙ୍କ ଅଭୟବାଣୀ ବଳରେ ନିଜକୁ ବଳୀୟାନ ଭାବୁଛନ୍ତି। ଡିଇଓ ଙ୍କ ବଲାଙ୍ଗୀର ଜିଲ୍ଲାରେ କାର୍ଯ୍ୟକାଳ ଶେଷ ହୋଇଥିଲେ ମଧ୍ୟ ତାଙ୍କୁ ଟାଣୁଆ ନେତା କାହିଁକି ବିଦାୟ କରୁ ନାହାନ୍ତି ବୋଲି ଚର୍ଚ୍ଚା ଜୋର ଧରିଛି।