07-Feb-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଘଣ୍ଟାପଡ଼ା ପଞ୍ଚାୟତ ଅନ୍ତର୍ଗତ ରେକଡୋଲ ଖେଳ ପଡିଆରେ ଆୟୋଜିତ ୨୦ତମ ମା’ କନ୍ଧେନ ବୁଢି କ୍ରିକେଟ ଟୁର୍ଣ୍ଣାମେଣ୍ଟର ଅନ୍ତିମ ଦିବସର ଫାଇନାଲ ଖେଳରେ ବନ୍ଧପାଲିକୁ ହରାଇ ବିଲେଇବେର୍ଣ୍ଣା ଚମ୍ପିଆନ ଆଖ୍ୟା ଅର୍ଜନ କରିଛି।ଫାଇନାଲ ମ୍ୟାଚରେ ଟସ ଜିଣି ପ୍ରଥମେ ବ୍ୟାଟିଂ କରି ବିଲେଇବେର୍ଣ୍ଣା ଦଳ ଆଠ ଓଭରରେ ଆଠ ଉଇକେଟ ହରାଇ ୮୦ରନ କରିବାକୁ ସମର୍ଥ ହୋଇଥିଲା।୮୧ ରନର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିଲା ବନ୍ଧପାଲି ଦଳ କିନ୍ତୁ ନିୟମିତ ଉଇକେଟ ପତନ ଯୋଗୁଁ ନିର୍ଦ୍ଧାରିତ ଓଭରରେ ୯ ଉଇକେଟ ହରାଇ କେବଳ ୫୫ରନ କରିବାକୁ ସମର୍ଥ ହୋଇ ୨୫ରନରେ ପରାସ୍ତ ହୋଇ ଉପବିଜେତାରେ ସନ୍ତୁଷ୍ଟ ହେବାକୁ ପଡ଼ିଥିଲା। ଉକ୍ତ ଫାଇନାଲ ଖେଳରେ ମୁଖ୍ୟ ଅତିଥିଭାବେ ସ୍ଥାନୀୟ କଣ୍ଟାମାଳ ବିଧାୟକ ତଥା ଯୋଜନା ବୋର୍ଡର ଅଧ୍ୟକ୍ଷ ମହିଧର ରଣା ଓ ଅନ୍ୟତମ ଅତିଥି ଭାବେ କଣ୍ଟାମାଳ ବ୍ଳକର ଉପାଧ୍ୟକ୍ଷ ମହେନ୍ଦ୍ର ରଣା, ଘଣ୍ଟାପଡ଼ା ସରପଞ୍ଚ ରୀତା କହଁର,ଫିରିଙ୍ଗିଆ ବ୍ଳକର ଉପାଧ୍ୟକ୍ଷ ଅଜିତ ସାହୁ, ଅବସରପ୍ରାପ୍ତ ସୈନିକ ଅରୁଣ ଭୋଇ, ଆଦିବାସୀ ନେତା ସତ୍ୟନାରାୟଣ

ମାଝୀ, ସମାଜସେବୀ ପୁରନ୍ଦର ମହାକୁଡ଼, ଆଦିତ୍ୟ ଧରୁଆ, ଶିକ୍ଷାବିତ ହେମନ୍ତ ଭୋଇ, ପ୍ରତାପ କହଁର ପ୍ରମୁଖ ଉପସ୍ଥିତ ରହି ଚମ୍ପିଆନ ଦଳକୁ ଟ୍ରଫି ସହ ନଗଦ ରାଶି ଓ ଉପ ବିଜେତା ଦଳକୁ ଟ୍ରଫି ସହ ନଗଦ ରାଶି ପ୍ରଦାନ କରିଥିଲେ। ସେହିପରି ଚମ୍ପିଆନ ଦଳର ରାଜାକୁ ମ୍ୟାନ ଅଫ ଦି ଫାଇନାଲ ଓ ସିରିଜ ପ୍ରଦାନ କରିଥିଲେ।ମଣ୍ଟୁ ଡାଙ୍ଗ, ଦୟାନିଧି କହଁର ଓ ଯୁଗେ ବିଭାର ଖେଳ ପରିଚାଳନା କରିଥିଲେ। ଅଶୋକ ସାହୁ, ଶିବଶଙ୍କର କାଲସେ,ଦଇତାରୀ ମାହାର, ସୁଜିତ ଓ ଯଦୁମଣୀ  ଧାରା ବିବରଣୀ ପ୍ରଦାନ କରିଥିଲେ। ଟଙ୍କ ମହାନନ୍ଦ, ବିକାଶ ଓ ବିଭୂତି ଭୂଷଣ ସ୍କୋରର ଦାୟିତ୍ୱ ନିର୍ବାହ କରିଥିଲେ। ମୂଖ୍ୟ ସହଯୋଗୀ ଭାବେ ଶ୍ରୀନିବାସ ପାତ୍ର, ଦୁର୍ମନ ବିଭାଗ ସମ୍ରାଟ ସିଂଭୋଇ, ସୌମ୍ୟରଂଜନ ପାତ୍ର, ରାହାସ ବିଭାର ଓ କ୍ରିକେଟ କ୍ଲବର ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ l