02-Feb-2024

ତୁଷୁରା (ପଞ୍ଚାନନ ନାଏକ) ତୁଷୁରା ଅବକାରୀ ବିଭାଗ ପକ୍ଷରୁ  ବିଭିନ୍ନ ସ୍ଥାନରେ ଚଢାଉ କରି ୫୨ କେଜି ଗଞ୍ଜେଇ ଓ ୧୪୦ଲିଟର ଦେଶୀ ମଦ ସହ ଗୋଟିଏ ମାରୁତି ସୁଜକି ଓ ଗୋଟିଏ ନମ୍ବର ବିହିନ ବାଇକ ଜବତ କରିବା ସହ ପାଞ୍ଚ ଜଣ ଜଣ ଗିରଫ  କରି କୋର୍ଟଚାଲାଣ କରାଯାଇଥିବା ତୁଷୁରା ଅବକାରୀ ଅଧିକାରୀ ଶ୍ରୀକାନ୍ତ ପାଣିଗ୍ରାହୀ ସୂଚନା ପ୍ରଦାନ କରିଛନ୍ତି। ତୁଷୁରା ଥାନା ଅନ୍ତର୍ଗତ ମହିପୁର ଛକରେ ଅବକାରୀ ବିଭାଗ ପେଟ୍ରୋଲିଂ କରୁଥିବା ବେଳେ ଏକ ମାରୁତି ସୁଜକି କାର ନମ୍ବର ଓଡି ୨୭ ସି ୫୮୩୯ କୁ ସନ୍ଦେହ କରି ଅଟକାଇ ଥିଲେ  । ଯାଞ୍ଚ ପରେ ୫୨କେଜି ଗଞ୍ଜେଇ ବାହାରିଥିଲା। ବୌଦ୍ଧ ଜିଲ୍ଲା ଅନ୍ତର୍ଗତ ଘଣ୍ଟାପଡା ଥାନା ଅଧିନସ୍ଥ ଅଡେର ଗ୍ରାମର ଯଶୋବନ୍ତ ସାହୁ (୩୧ ବର୍ଷ)କୁ ଗିରଫ କରି ଗୁରୁବାର କୋର୍ଟ ଚାଲାଣ କରାଯାଇଛି।  ବରହାକୁନା ଛକଠାରେ ଏକ ବାଇକରେ ତରଭା ଥାନା ଅନ୍ତର୍ଗତ ବାଲିପଟା ଗ୍ରାମର ରାକେଶ ରଣା(୨୨ ବର୍ଷ) ଓ ରମେଶ ରଣା (୨୪ ବର୍ଷ)   ଆସୁଥିବା ବେଳେ ସନ୍ଦେହ କରି ତାକୁ ଅବକାରୀ ବିଭାଗର ଅଧିକାରୀ ମାନେ ଅଟକାଇ ଥିଲେ।  ଯାଞ୍ଚ ପରେ ୭୦ଲିଟର ଦେଶୀ ମଦ ବାହାରିଥିଲା। ଦେଓଗାଁ ଥାନା ଅନ୍ତର୍ଗତ ସାଲେପାଲି ଗ୍ରାମର ଦେବରାଜ ବାଗ (୪୫ ବର୍ଷ)ଙ୍କ ଘର ପଛପଟରୁ  ୨୮ ଲିଟର ଓ ଜଳନ୍ଧର ବେହେରା (୪୮ ବର୍ଷ)ଙ୍କ ଠାରୁ ୪୨ ଲିଟର ଦେଶୀ ମଦ ଜବତ କରିଛନ୍ତି। ଏହି ପେଟୋଲିଙ୍ଗରେ ବିଭାଗର ଡୁଲେଶ୍ବର କୁମ୍ଭାର, ଏଏସଆଇ ମଧୁସୂଦନ ସେଠ, ବିଭୂତି ଭୋଇ,  ଭୋଜରାଜ ବଢାଇ ଆଦି ସାମିଲ ଥିଲେ ।