01-Feb-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ) ଯୋଗଦେଇଥିବା ନୂତନ ଜିଲ୍ଲାପାଳ ଜେ. ସୋନାଲ ଗୁରୁବାର ଅପରାହ୍ନ 4ଘଣ୍ଟା 30ମିନିଟ ସମୟରେ କଣ୍ଟାମାଳ ଗସ୍ତରେ ଆସି କଣ୍ଟାମାଲ ଡାକ୍ତରଖାନା ପରିଦର୍ଶନ କରିଛନ୍ତି l 5-ଟି ଓ ଆମ ଓଡିଶା ନବୀନ ଓଡିଶା ଯୋଜନାରେ କଣ୍ଟାମାଳ ଡାକ୍ତରଖାନା ର ରୂପରେଖ ବଦଳିଥିବା ରୂପାନ୍ତରିକରଣ କାର୍ଯ୍ୟର ତଦାରଖ କରିଛନ୍ତି ନୂତନ ନିଁଲ୍ଲାପାଳ ଶ୍ରୀ ସୋନାଲ   lଏହା ସହ କଣ୍ଟାମାଲ ଡାକ୍ତରଖାନାର ପରିମଳ ଓ  ସ୍ୱଚ୍ଛତା ନେଇ ଅସନ୍ତୋଷ ପ୍ରକାଶ କରିବା ସହ କର୍ମଚାରୀ ଓ ଅଧିକାରୀଙ୍କୁ ତାଗିଦ କରିଥିଲେ l ନୂତନ ଜିଲାପାଳ ଭାବେ ଜେ. ସୋନାଲ ଗତକାଲି ଦାୟିତ୍ୱ ଗ୍ରହଣ କରିଛନ୍ତି l ଦାୟିତ୍ୱ ଗ୍ରହଣ କରିବା ପରେ ଜିଲା ର ସ୍ୱାସ୍ଥ୍ୟ ସେବା କୁ ଗୁରୁତ୍ୱ ଦେଇଛନ୍ତି l କଣ୍ଟାମାଲ ଡାକ୍ତରଖାନା ପରିଦର୍ଶନ ସମୟରେ ରୋଗୀ, ରୋଗୀଙ୍କ ସମ୍ପର୍କୀୟ , ଡାକ୍ତର ଓ କର୍ମଚାରୀ ମାନଙ୍କ ସହ କଥା ହୋଇ ବିଭିନ୍ନ ବିଷୟରେ ପଚାରି ବୁଝିଥିଲେ l ଡାକ୍ତରଖାନା ପରିସରରେ କାର୍ଯ୍ୟକ୍ଷମ ହେବାକୁ ଥିବା ଆହାର କେନ୍ଦ୍ର ପରିଦର୍ଶନ ସହ ଚାଲୁ କରାଯିବା ନେଇ ପରାମର୍ଶ ଦେଇଥିଲେ l ତାଙ୍କ ଏହି ପରିଦର୍ଶନ ସମୟରେ ଜିଲ୍ଲା ମୁଖ୍ୟ ସ୍ୱାସ୍ଥ୍ୟ ଅଧିକାରୀ ଡାକ୍ତର ଜୟକୃଷ୍ଣ ମିଶ୍ର,ମନମୁଣ୍ଡା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର ମେଡିକାଲ ଅଫିସର ଡାକ୍ତର ମହେନ୍ଦ୍ର କୁମାର ସୋଏ,କଣ୍ଟାମାଲ ଡାକ୍ତରଖାନା ମେଡିକାଲ ଅଫିସର ଡାକ୍ତର ଜଗଦୀଶ ସେଠି , ବୌଦ୍ଧ ପୂର୍ତ ବିଭାଗୀୟ ଅଧିକ୍ଷଣ ଯନ୍ତ୍ରୀ ଇଂ. ପ୍ରଭାତ କୁମାର ଦାଶ,କଣ୍ଟାମାଳ ସହକାରୀ ନିର୍ବାହୀ ଯନ୍ତ୍ରୀ ଇଂ. ଦୁଷ୍ମନ୍ତ କୁମାର ସାମଲ, କନିଷ୍ଠ ଯନ୍ତ୍ରୀ ରବୀନ୍ଦ୍ର କୁମାର ଅlଚାରୀ ଅଧିକାରୀ , ଜିଲା କାର୍ଯ୍ୟକ୍ରମ ସଂଯୋଜକ ରୂପକ ମହାପାତ୍ରଙ୍କ ସମତେ ଅନ୍ୟ ଅଧିକାରୀ ଓ ମେଡିକାଲ କର୍ମଚାରୀମାନେ ଉପସ୍ଥିତ ଥିଲେ l