31-Jan-2024

କନ୍ଧମାଳ:୩୦/୦୧/୨୦୨୪/(କନ୍ଧମାଳ ଜିଲ୍ଲା ରୁ ମୃତ୍ୟୁଞ୍ଜୟ ଦିଗାଲ ଙ୍କ ରିପୋର୍ଟ )ରାଜ୍ୟ ସରକାର ଗୁଣାତ୍ମକ ମାନର ଶିକ୍ଷା ର ଅଭିବୃଦ୍ଧି ପାଇଁ 5t ଅଧୀନରେ ବିଦ୍ୟାଳୟ ଗୁଡିକର ରୂପାନ୍ତରୀରିତ କାମ କରିଚାଲିଛନ୍ତି I ରାଜ୍ୟର ଅନେକ ବିଦ୍ୟାଳୟ ଏବେ ରୂପାନ୍ତରିତ ହୋଇ ନୁଆଁରୂପ ଧାରଣ କରିଛି I ସୁନ୍ଦର ୱାଲପ୍ରିଣ୍ଟ ଠାରୁ ଆରମ୍ଭ କରି ସ୍ମାର୍ଟ କ୍ଲାସରୁମ ସାଇନ୍ସ ଲ୍ୟାପ ଇ ଲାଇବ୍ରେରୀ ଭଳି ଅନେକ ସୁବିଧା ସୁଯୋଗ ଏହି ବିଦ୍ୟାଳୟ ମାନଙ୍କରେ ରହିଛି I ଏହି ପରିପେକ୍ଷୀରେ ସୋମବାର ଚତୁର୍ଥ ପର୍ଯ୍ୟାୟ ରେ ମଧ୍ୟ୍ୟ ରୂପାନ୍ତରିତ ହୋଇଥିବା ରାଜ୍ୟ ର ଅନେକ ବିଦ୍ୟାଳୟ କୁ ଭରଚୁଆଲ ମାଧ୍ୟ୍ୟମରେ ମାନ୍ୟବର ମୁଖ୍ୟମନ୍ତ୍ରୀ ଲୋକାର୍ପଣ କରିଛନ୍ତି I ସେମାନଙ୍କ ମଧ୍ୟରୁ ଆଦିବାସୀ ବହୁଳ କନ୍ଧମାଳ ଜିଲ୍ଲା ର ମଧ୍ୟ୍ୟ ପ୍ରାୟ ୪୬ ଟି ବିଦ୍ୟାଳୟ କୁ ମଧ୍ୟ୍ୟ ମୁଖ୍ୟମନ୍ତ୍ରୀ ଲୋକାର୍ପଣ କରିଛନ୍ତି I ତେବେ ଜିଲ୍ଲାର ସମସ୍ତ ବିଦ୍ୟାଳୟ ର ରୂପାନ୍ତରିତ କାର୍ଯ୍ୟ ସରିଵା ପରେ ଲୋକାର୍ପଣ ହୋଇଥିବା ବେଳେ ଜିଲ୍ଲାର ଦ୍ଵିତୀୟ ବୃହତ୍ତମ ବ୍ଲକ ଭାବରେ ଜଣାଶୁଣା ଫିରିଙ୍ଗିଆ ବ୍ଲକ ର ଡିଣ୍ଡିରାଗାଁ ପଞ୍ଚାୟତ ଅଧୀନରେ ଥିବା ସରୁକୋଇ ଠାରେ ଥିବା ଉନ୍ନୀତ ଉଚ୍ଚବିଦ୍ୟାଳୟ ର ରୂପାନ୍ତରିତ କାମ ସରିପାରିନଥିଲେ ମଧ୍ୟ୍ୟ ଅର୍ଦ୍ଧନିର୍ମିତ ରୂପାନ୍ତରିତ ବିଦ୍ୟାଳୟ କୁ ଉଦଘାଟନ କରାଯାଇଛି I ବିଭାଗୀୟ ଅବହେଳା ପାଇଁ ଦୀର୍ଘ ବର୍ଷେ ହେଲା ଏହି ବିଦ୍ୟାଳୟ ର ରୂପାନ୍ତରିତ କାର୍ଯ୍ୟସରିପାରିନଥିବା ବେଳେ ଅଧା ଗଢ଼ା ବିଦ୍ୟାଳୟ ର ଉଦଘାଟନ କାର୍ଯ୍ୟକୁ ନାପସନ୍ଦ କରିଛନ୍ତି ସରୁକୋଇ ଗ୍ରାମବାସୀ ଙ୍କ ସହ ବିଦ୍ୟାଳୟ ପରିଚାଳନା କମିଟି ର ସଭାପତି ଙ୍କ ସହ ସମସ୍ତ ସଦସ୍ୟ ଓ ଅଭିଭାବକ ମାନେ I କେବଳ ତିନୋଟି ଶ୍ରେଣୀ କୋଠରୀ ଓ ଗୋଟିଏ ସାଇନ୍ସ ଲ୍ୟାବ ର କାମ କୁ ସମ୍ପୂର୍ଣ କରି ବିଦ୍ୟାଳୟ ଟିକୁ ଉଦଘାଟନ କରିଦେଇଥିବା ବେଳେ ଆହୁରି ସତୁରି ପ୍ରତିଶତ କାର୍ଯ୍ୟ ସରିପାରିନାହିଁ I ବିଦ୍ୟାଳୟ ରେ ନିର୍ମାଣ ହେଉଥିବା ଶୌଚାଳୟ ଠାରୁ ଆରମ୍ଭ କରି ବିଦ୍ୟାଳୟ ର ଫାଟକ ପର୍ଯ୍ୟନ୍ତ ସମସ୍ତ ରୂପାନ୍ତରିତ କାର୍ଯ୍ୟ ବର୍ଷେ ହେଲା ସରିପାରୁନାହିଁ I ଅନ୍ୟପଟେ ଦୀର୍ଘ ବର୍ଷେ ହେଲା କାମ ସାରିପାରୁନାଥୁବାରୁ ଛାତ୍ରଛାତ୍ରୀ ମାନେ ବାଧ୍ୟ ହୋଇ ଗାଁରେ ଥିବା ପ୍ରାଥମିକ ବିଦ୍ୟାଳୟ ରେ ଶ୍ରେଣୀ କୋଠରୀର ଅଭାବ ଥିଲେ ମଧ୍ୟ୍ୟ ପାଠପଢିବାକୁ ବାଧ୍ୟ ହେଉଛନ୍ତି I ଯାହାଫଳରେ ପାଠପଢ଼ାରେ ବ୍ୟାଘାତ ଘଟିଥିବା ବେଳେ ଆଗକୁ ମେଟ୍ରିକ ପରୀକ୍ଷା ଆସୁଥୁବାରୁ ଛାତ୍ର ଛାତ୍ରୀ ମାନେ ଠିକ ଭାବରେ ପାଠପାଢ଼ୀ ନପାରି ଅସନ୍ତୋଷ ବ୍ୟକ୍ତ କରିଛନ୍ତି I ତେବେ 5t ଅଧୀନରେ ପ୍ରାୟ ୫୦ ଲକ୍ଷ୍ୟ ବ୍ୟୟ ଅଟକଳରେ ନିର୍ମାଣ ହେଉଥିବା ଏହି ବିଦ୍ୟାଳୟ ର କାମ ସାରିପାରୁନଥିବା ବେଳେ ଅନ୍ୟପଟେ ଅର୍ଦ୍ଧନିର୍ମିତ ବିଦ୍ୟାଳୟ ର ଉଦଘାଟନ କରିବା ବ୍ଲକ ପ୍ରଶାସନ ଓ ଦାୟିତ୍ୱ ରେ ଥିବା କନିଷ୍ଠ ଯନ୍ତ୍ରୀ ଓ ସହକାରୀ ଯନ୍ତ୍ରୀ ଙ୍କ ସହ ସ୍ଥାନୀୟ ଗୋଷ୍ଠି ଉନ୍ନୟନ ଅଧିକାରୀ ଙ୍କ କାର୍ଯ୍ୟଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି I ତେବେ ଏହି ଘଟଣା ବିଷୟରେ ଦାୟିତତ୍ବ ରେ ଥିବା ସହକାରୀ ଯନ୍ତ୍ରୀ ଜୟପ୍ରକାଶ ଜେନା ଓ ବିଡ଼ିଓ ଙ୍କୁ ପଚାରିବାରୁ ନିଜ ଉପରୁ ଦୋଷ ଛଡ଼ାଇବାକୁ ଯାଇ ବିଦ୍ୟାଳୟ ର ରୂପାନ୍ତରିତ କାମ କରିବା ପାଇଁ ଦାୟିତ୍ୱ ଦିଆଯାଇଥିବା ଠିକାଦାର ଙ୍କ ଅବହେଳା ପାଇଁ କାର୍ଯ୍ୟଟି ସାରିପାରୁନାହିଁ ବୋଲି କହିଥିବା ବେଳେ ସମ୍ପୃକ୍ତ ଠିକାଦାର ଙ୍କୁ ପଚାରିବାରୁ ବ୍ଲକ ପ୍ରଶାସନ ଠିକ ଭାବରେ ବିଲ କରୁନଥିବାରୁ କାମ ସାରିପାରୁନାହିଁ ବୋଲି ସହକାରୀ ଯନ୍ତ୍ରୀ ଓ କନିଷ୍ଠ ଯନ୍ତ୍ରୀ ଙ୍କୁ ଦୋଷ ଦେଇଛନ୍ତି I ତେବେ ଏଠି ସମୃକ୍ତ ଠିକାଦାର ଓ ବ୍ଲକ ପ୍ରଶାସନ ର ଦୋଷ ଲଦାଲୁଦି ମଧ୍ୟରେ ବିଦ୍ୟାଳୟ ର ରୂପାନ୍ତରିତ କାର୍ଯ୍ୟ ଅଧରେ ପଡିରହିଥିବା ବେଳେ ଏହି କାମକୁ ନେଇ ଗ୍ରାମବାସୀ ମାନଙ୍କ ମାଧ୍ୟ୍ୟରେ ଜନ ଅସନ୍ତୋଷ ଦେଖାଦେଇଛି I ଅନ୍ୟପଟେ ଅଭିଯୋଗ କଲେ ଯେଇ ଓ ଏଇ ଗାଳିଗୁଲଜ କରୁଥିବା ଖୋଦ ବିଦ୍ୟାଳୟ ର ପରିଚାଳନା କମିଟି ସଭାପତି ଅଭିଯୋଗ କରିଛନ୍ତି I ଅନ୍ୟପଟେ ବିଦ୍ୟାଳୟ ର ଏଭଳି ଅବସ୍ଥା ପାଇଁ ଯୋଉମାନେ ଦାୟୀ ସେମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନେବା ସହ ବିଦ୍ୟାଳୟ ର ରୂପାନ୍ତରିତ କାର୍ଯ୍ୟ ଶୀଘ୍ର ସରିଵା ପାଇଁ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ଙ୍କ ସହ ବିଦ୍ୟାଳୟ ର ସଭାପତି ଓ ଗ୍ରାମବାସୀ ଦାବି କରିଛନ୍ତି I