19-Dec-2020

  ସମ୍ବଲପୁର (ଦେବାଶିଷ ବେହେରାଙ୍କ ରିପୋର୍ଟ)-  ଶୁକ୍ରବାର ଦିନ ହଠାତ ସନ୍ଧ୍ୟା ୬ ଘଣ୍ଟା ସମୟରେ ସମ୍ବଲପୁର ବିଜେପି ପକ୍ଷରୁ ଜିଲ୍ଲା ଯୋଗାଣ ଅଧିକାରୀଙ୍କ କାର୍ଯ୍ୟାଳୟରେ ସମ୍ବଲପୁର ଜିଲ୍ଲା ଯୋଗାଣ ଅଧିକାରୀ ରାମ ଚନ୍ଦ୍ର ଟୁଡୁଙ୍କୁ ଘେରାଇ କରାଯାଇଥିଲା । ମଣ୍ଡି ରେ ପଡି ରହିଥିବା ଲକ୍ଷ ଲକ୍ଷ ବସ୍ତା ଧାନ ଓ ମିଲରଙ୍କ ଦ୍ଵାରା ଧାନର ବେନିୟମ କଟନୀ ଛଟନୀ ବିରୁଦ୍ଧରେ  ନାରାବାଜି କରାଯାଇଥିଲା l ପ୍ରାୟ ଦୁଇ ଘଣ୍ଟା ଧରି ସରଗରମ ଆଲୋଚନା ପରେ ଯୋଗାଣ ଅଧିକାରୀ ଙ୍କୁ ଚେତାବନୀ ଦେଇ ଫେରିଛି ଜିଲ୍ଲା ବିଜେପି । ଆଗକୁ କୌଣସି ମିଲର ଦ୍ୱାରା ଯଦି କୌଣସି ପ୍ରକାରର କଟନୀ ଛଟନୀ ହୁଏ ଓ ମଣ୍ଡିରେ ଧନ ପଡି ରୁହେ ତାହେଲେ ଯେଉଁ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହେବ ସେଥିପାଇଁ କେବଳ   ଯୋଗାଣ ବିଭାଗ ଓ ଜିଲ୍ଲା ପ୍ରଶାସନ ହିଁ ଦାୟୀ ରହିବ ବୋଲି ଚେତାବନୀ ଦିଆଯାଇଛି l

ରେଙ୍ଗାଲି ବିଧାୟକ ତଥା ରାଜ୍ୟ ବିଜେପି  ଉପସଭାପତି  ନାଉରି ନାଏକ, ପୂର୍ବତନ କୁଚିଣ୍ଡା ବିଧାୟକ ତଥା ବିଜେପି ରାଜ୍ୟ ସାଧାରଣ ସମ୍ପାଦକ ରବି ନାରାୟଣ ନାଏକ, ଜିଲ୍ଲା ପରିଷଦ ଅଧ୍ୟକ୍ଷ ରାଧେଶ୍ୟାମ ବାରିକ, ଜିଲ୍ଲା ସଭାପତି  ଗିରିଶ ପଟେଲ, ରେଢ଼ାଖୋଲ ବିଧାୟକ ପ୍ରାର୍ଥୀ ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟ ଦେବେନ୍ଦ୍ର ମହାପାତ୍ର, ଶ୍ରୀମତୀ ଅନ୍ନପୂର୍ଣ୍ଣା ବାରିକ, ମୃତ୍ୟଞ୍ଜୟ ପାଣିଗ୍ରାହୀ, ସମୀର ରଞ୍ଜନ ବାବୁ, ମାନସ ରଞ୍ଜନ ବକ୍ସି, ଅଶ୍ୱିନୀ ମାଝୀ, ସରୋଜ କୁମାର ଘଡାଇ, ଶମ୍ଭୁ ବରେଳିଆ, ମହେନ୍ଦ୍ର ମିଶ୍ର, ଅମୋଘ ପାଣିଗ୍ରାହୀ, ରାଧେଶ୍ୟାମ ପ୍ରଧାନ, ପ୍ରଦୀପ କୁମାର ବେହେରା, ବିରେନ୍ଦ୍ର କୁମାର ଚୌଧୁରୀ, ମହମ୍ମଦ ହାସିମ, ସଞ୍ଜୀବ ଖଣ୍ଡେୱାଲ ଓ ବହୁ ଜିଲ୍ଲା ବିଜେପି ଓ କୃଷକ ମୋର୍ଚ୍ଚା ପଦାଧିକାରୀ ଗଣ ଉପସ୍ଥିତ ଥିଲେ