15-Jan-2024

ଲୋଇସିଂହା, (ବିନୋଦ କୁମାର ଦୀପ) ମା ଉଗ୍ରତାର ସାଂସ୍କୃତିକ କଳାକାର ସଂଘ କୁସଂଗ ଆନୁକୂଲ୍ୟରେ ମକର ମିଳନ ଉତ୍ସବ ସ୍ଥାନୀୟ କୁସଙ୍ଗାଇ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି l ଉକ୍ତ ଉତ୍ସବ ରେ ଶତାଧିକ କଳାକାର ନିଜ ନିଜ ର କଳା ପରିଦର୍ଶନ କରିଥିଲେ l ଲୋକକଳା, ଲୋକବାଦ୍ୟ, ଲୋକନୃତ୍ୟ ଯଥା ଦଣ୍ଡନାଚ, କରମା, ହଲିଆ ଗୀତ, କୀର୍ତ୍ତନ୍ୟ, ରାମଲୀଳା ଆଦି ପରିବେଷଣ କରାଯାଇଥିଲା l ପୁରୀଜିଲ୍ଲା, ବ୍ରାହ୍ମଗିରି ର ମା ବିନ୍ଧେଶ୍ୱରୀ କଳା ପରିଷଦ ଦ୍ୱାରା ଚଇତି ଘୋଡାନାଚ ପରିବେଷଣ ଉଚ୍ଚ ପ୍ରଶଂସନୀୟ ହୋଇଥିଲା l ପ୍ରମୋଦ କୁମାର ଲେଙ୍କା, କୁଳମଣି ପଧାନ ଓ ସାଥି ମାନଙ୍କ ଦ୍ୱାରା ଉକ୍ତ ଘୋଡାନାଚ  ଦର୍ଶକ ଙ୍କ ମନ ମୋହିଥିଲା l ଅପରାହ୍ନରେ ସାଂସ୍କୃତିକ ସଭା ଅନୁଷ୍ଠିତ ହୋଇଥିଲା l  ଗୋଲକ ବିହାରୀ ଙ୍କ ସଭାପତିତ୍ୱ ରେ ଏହି କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ବିଜେଡି ରାଜ୍ୟ ପରିଷଦ ସଭ୍ୟ ନିହାର ରଞ୍ଜନ ବେହେରା ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଲୋଇସିଂହା ବ୍ଲକ କଳାକାର ସଂଘ ସଭାପତି ସରୋଜ ବିଶ୍ୱାଳ, ସୁରସଂଗମ ସମ୍ପାଦକ ସରୋଜ ମହାକୁର, ସଂଘର ଆବାହକ ଗୋଲକ ବିହାରୀ ପଟେଲ ଉପସ୍ଥିତ ଥିଲେ l ପ୍ରତିବର୍ଷ ପରି ଏ ବର୍ଷ ଦାମୋଦର ଭୋଇ 'ସ୍ମୃତି ସମ୍ମାନ' ଶ୍ରୀ ଦାଶରଥୀ ଦାସ କୀର୍ତନ୍ୟ ଗାୟକ ଙ୍କୁ ପ୍ରଦାନ କରାଯାଇଥିଲା l ସ୍ବର୍ଗତ ଦାମୋଦର ଭୋଇ ଙ୍କ ନାତି ଭବାନୀ ଶଙ୍କର ଭୋଇ ସମ୍ବର୍ଦ୍ଧନା ସମୟରେ ଉପସ୍ଥିତ ଥିଲେ l ଉକ୍ତ କାର୍ଯ୍ୟକ୍ରମ କୁ ସଂଯୋଜନା କରିଥିଲେ ଦ୍ଵିତୀୟl ଦେହେରି, ପ୍ରେମାନନ୍ଦ ପଟେଲ, ଉଦ୍ଧବ ସା, ପ୍ରଫୁଲ୍ଲ ତୁମଳିଆ l ସହଯୋଗ କରିଥିଲେ କରୁଣାକର ବାଗ, ସୁବଳ ଖଟୁଆ, ଗୋପାଳ ହୋତା, ଦଶରଥୀ ଦାସ, ଉଦ୍ଧବ ବେହେରା, ରତନ ପୃଷ୍ଟି,ସୁଶାନ୍ତ ପଟେଲ, କାଳିଆ ସାହୁ, ବଦ୍ରି ନାରାୟଣ ରାଉତ l ଶେଷରେ ଧନ୍ୟବାଦ ଅର୍ପଣ କରିଥିଲେ ପ୍ରଫୁଲ୍ଲ ତୁମଲିଆ l