18-Dec-2020

ସମ୍ବଲପୁର:(ଦେବାଶିଷ ବେହେରାଙ୍କ ରିପୋର୍ଟ) - ଜିଲ୍ଳାର ବିପର୍ଯ୍ୟସ୍ତ ଆଇନଶୃଖଳା ପରିସ୍ଥିତିର ପ୍ରତିକାର କରିଛି ଜିଲ୍ଲାର ଓକିଲ ସଂଘ । ଗତ କିଛି ଦିନ ହେବ ସମଗ୍ର ଜିଲ୍ଲାରେ ହତ୍ୟା, ଚୋରି ସହ ବ୍ୟାପକ ନିଶା କାରବାର ଚାଲିଛି ବୋଲି ଅଭିଯୋଗ କରିଛି ସଂଘ । ପଶ୍ଚିମ ଓଡିଶାର ପ୍ରଶାସନିକ ବ୍ୟବସ୍ଥାରେ ସମ୍ବଲପୁର ଜିଲ୍ଲା ଏକ ପ୍ରମୁଖ ଜିଲ୍ଲା ହୋଇଛି । ଜିଲ୍ଲାରେ ଖାଲି ପଡିଥିବା ଏସପି, ଡିଜି ପଦ ତୁରନ୍ତ ପୂରଣ କରିବା ଦାବିରେ ସମ୍ବଲପୁର ଜିଲ୍ଳା ଓକିଲ ସଂଘ ପକ୍ଷରୁ ରାଜ୍ୟ ସରକାରଙ୍କ ଉଦ୍ଦେଶ୍ଯରେ ଦାବିପତ୍ର ପଠାଯାଇଛି । ଜିଲ୍ଳା ଓକିଲ ସଂଘ ସଭାପତି ଡ. ପ୍ରମୋଦ କୁମାର ରଥ ଏକ ସାମ୍ବାଦିକ ସମ୍ବିଳନିରେ ସିଧାସଳଖ ଅଭିଯୋଗ କରିଥିଲେ ଯେ ଜିଲ୍ଲାରେ ଆଇନ ଶୃଖଳା ସମ୍ପୂର୍ଣ୍ଣ ବିପର୍ଯ୍ୟସ୍ତ ହୋଇପଡିଛି । ଜମି ମାଫିଆମାନେ ସକ୍ରିୟ ହୋଇ ନିରୀହ ଆଦିବାସୀଙ୍କୁ ଅଳ୍ପ ଟଙ୍କା ଦେଇ ସେମାନଙ୍କ ଜମିକୁ ଦଖଲ କରିଛନ୍ତି । ଜିଲ୍ଲା ପ୍ରଶାସନ ମାଫିଆଙ୍କୁ ଚିହ୍ନଟ କରି ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନିଆଯାଉ ବୋଲି ଓକିଲ ସଂଘ ଦାବି କରିଛି