17-Dec-2020

ବଲାଙ୍ଗୀର, (ପ୍ରେରଣା ଖବର)- ବଲାଙ୍ଗୀର ଜିଲ୍ଲାରେ ପାନୀୟ ଜଳ ସମସ୍ୟା, ରାସ୍ତା ଘାଟ ଓ ଅନ୍ୟାନ୍ୟ ସାଂଘାତିକ ସମସ୍ୟା ରହିଛି । ତେବେ ବଲାଙ୍ଗୀର ଓକିଲ ସଂଘ କେବଳ କୋର୍ଟ
ରୁମ୍  ଭିତରେ ନିଜର କାର୍ଯ୍ୟକୁ ସୀମିତ ନରଖି ଆଗାମୀ ଦିନରେ ବଲାଙ୍ଗୀରର ବୁଦ୍ଧିଜୀବୀ, ସାମାଜିକ ସଂଘଠନ ଓ ଦଳମତ ନିର୍ବିଶେଷରେ ସମସ୍ତଙ୍କୁ ଏକତ୍ରିତ କରି ବଲାଙ୍ଗୀରର ଅଧିକାର ପାଇଁ ଲଢ଼େଇ କରିବ ବୋଲି ନିଷ୍ପତ୍ତି ନେଇଛି । ଆଜି ଏହି କ୍ରମରେ ଜିଲ୍ଲା ଓକିଲ ସଂଘ ପକ୍ଷରୁ ନବନିର୍ବାଚିତ ସଭାପତି ପ୍ରବୀଣ କୁମାର ମିଶ୍ରଙ୍କ ସଭାପତିତ୍ୱରେ ଏକ ସାମ୍ବଦିକ ସମ୍ମିଳନୀ ଅନୁଷ୍ଠିତ ହୋଇଥିଲା । ବଲାଙ୍ଗୀରର ବିଭିନ୍ନ ସମସ୍ୟା ଓ ତାର ସମାଧାନ ଦିଗରେ ଓକିଲ ସଂଘ ସବୁବେଳେ ଆଗକୁ ଆସିଛି ଓ ଆଗାମୀ ଦନରେ ନିଜର ନ୍ୟାର୍ଯ୍ୟ ଦାବି ପୂରଣ ପାଇଁ ସମସ୍ତଙ୍କ ସହଯୋଗରେ ରାଜରାସ୍ତାକୁ ଓହ୍ଲାଇବ ବୋଲି ଜିଲ୍ଲା ଓକିଲ ସଂଘର ସଭାପତି ଶ୍ରୀ ମିଶ୍ର ପ୍ରକାଶ କରିଛନ୍ତି । ସଂଘର ସଂପାଦକ ବାସୁଦେବ ରଥ ନିଜ ବକ୍ତବ୍ୟରେ ଓକିଲ ମାନଙ୍କ ଅଧିକାର ପାଇଁ ଆମେ ସବୁବେଳେ କାମ କରି ଆସିବୁ ଏବଂ ଏଥିପାଇଁ ସମସ୍ତଙ୍କ ସହଯୋଗ ଆବଶ୍ୟକ ବୋଲି କହିଥିଲା । ଏହି ଅବସରରେ ସିଭିଲ କୋର୍ଟ ପରିସରରେ ମହିଳା ଓକିଲ ମାନଙ୍କ ପାଇଁ ଏକ ନୂତନ ପ୍ରକୋଷ୍ଠ ଉଦ୍‌ଘାଟିତ ହୋଇଥିଲା । ଏହି ସାମ୍ବାଦିକ ସମ୍ମିଳନୀରେ କୋର୍ଟ ର ସମସ୍ତ ମହିଳା ଓକିଲ ଉପସ୍ଥିତ ରହି ଜିଲ୍ଲା ଓକିଲ ସଂଘର ଏହି ପଦକ୍ଷେପକୁ ପ୍ରଶଂସା କରିଥିଲେ