24-Nov-2023

ବଲାଙ୍ଗୀର(ପ୍ରେରଣା ଖବର)- ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂଦେଓ ଗତ ଦୁଇ ଦିନ ଧର ବଲାଙ୍ଗିର ସଦର ବ୍ଲକ ଓ ଦେଓଗାଁ ବ୍ଲକର ବିଭିନ୍ନ ଗ୍ରାମ ପରିଦର୍ଶନ କରି ଲୋକଙ୍କ ସୁଖଦୁଃଖ ବୁଝିଥିଲେ। ଗସ୍ତ ବେଳେ ବିଭିନ୍ନ ଗ୍ରାମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନା ସଂପର୍କରେ ଲୋକଙ୍କ  ବୁଝାଇ ଥିଲେ । ସାଂସଦଙ୍କ ଆଂଚଳିକ ଉନ୍ନୟନ ପାଣ୍ଠିରୁ ଗାଁର ଉନ୍ନତିମୂଳକ କାମ ପାଇଁ ପାଇଁ ଅନୁଦାନ ମଞ୍ଜୁର କରାଯାଇଛି । ବଲାଙ୍ଗୀର ସାଂସଦ ଶ୍ରୀମତୀ ସିଂଦେଓ ନିଜର କର୍ମୀ ମାନଙ୍କ ସହ 

ବଲାଙ୍ଗୀର ସଦର ବ୍ଲକ  କୁଡାସିଂହା ମଣ୍ଡଳର ସିକାଛିଡା, ସାଆଂତମୁଣ୍ଡା, ଚିକଲବାହାଲ, କୁଡାସିଂହା, ନୂଆଁପଡା, ସାହାଜବାହାଲ, କୁଠୁଲ୍ଲା, ଭୁତିଆରବାହାଲ, କୁମ୍ ପଥର, ଫଟକରା ଆଦି ଗାଁ ପରିଦର୍ଶନ କରି ଲୋକଙ୍କ ବିଭିନ୍ନ ମୌଳିକ ସମସ୍ୟା ଉପରେ ଆଲୋଚନା କରିଥିଲେ । ସେହିପରି ଦେଓଗାଁ ବ୍ଲକର ରୁଗୁଡିପାଲି, ମୁକୁନ୍ଦପୁର, ମୁଣ୍ଡପଲା, ବଡବନ୍ଧ, ଗୌରଗୋଠ, ରତାଖଣ୍ଡି, ଗୁଡଖାପଲା, କୁଲତା ପଡା, ଅର୍ଜୁନପୁର ଆଦି ଗାଁ ଗସ୍ତ କରି ସାଂସଦ ଶ୍ରୀମତୀ ସିଂଦେଓ କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ଯେପରି ଲୋକଙ୍କ ପାଖରେ ପହଂଚି ପାରିବ ସେ ନେଇ କୋକଙ୍କୁ ବୁଝାଇ ଥିଲେ । ରାଜ୍ୟସରକାରଙ୍କ ଚରମ ଅପାରଗତାର ଫଳସ୍ୱରୂପ ଆଜି ଗୁଡଭେଲା ବ୍ଲକର ମେଗା ଇରିଗେସନ୍ ପ୍ରୋଜେକ୍ଟ ଏ ଅଂଚଳର ଲୋକଙ୍କ କୃଷି  ଓ ପାନୀୟ ଜଳ ସମସ୍ୟା ଦୂର କରିବାରେ ବିଫଳ ହୋଇଛି l

ଏ ନେଇ  ଗୁଡଭେଲା ଓ ଦେଓଗାଁ ବ୍ଲକର ବିଭିନ୍ନ ଅଞ୍ଚଳରେ ଗ୍ରମବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ତେଣୁ ଲୋକଙ୍କ ପାନୀୟ ଜଳ ସମସ୍ୟା ଦୂର କରିବା ପାଇଁ ସରକାର ତୁରନ୍ତ ପଦକ୍ଷେପ ଗ୍ରହଣ କରିବାକୁ ସାଂସଦ ଶ୍ରୀମତୀ ସିଂଦେଓ ଦାବି କରିଛନ୍ତି । ଆଜିର ଗସ୍ତ ସମୟରେ ସାଂସଦଙ୍କ ସହିତ ବରିଷ୍ଠ ବିଜେପି ନେତା ଗୋପାଳଜୀ ପାଣିଗ୍ରାହୀ, ପୀତାମ୍ବର ଖମାରୀ, ପୁରୁଷୋତ୍ତମ ସାହୁ, ଅମିତ ସିଂନୀନା, ବାସୁଦେବ ସିଂ ନୀନା, ସୁକଦେବ ବାଗ, କର୍ତ୍ତାର ସିଂହ ଓ ଶତାଧିକ ବିଜେପି କର୍ମୀ ସାମିଲ ହୋଇ ଥିଲେ ।