24-Nov-2023

ପାଟଣାଗଡ଼/ଖପ୍ରାଖୋଲ(ପୁର୍ଣ୍ଣ ଶଶୀ ଶେଖର ରାଓ): ବଲାଙ୍ଗିର ଜିଲ୍ଲା ଖପ୍ରାଖୋଲ  ବ୍ଲକ୍ ର ସଭା ଗୃହଠାରେ ଆଜି ଜିଲ୍ଲା ଶିଶୁ ସୁରକ୍ଷା ୟୁନିଟ୍ ର ଆୟୋଜନ କ୍ରମେ ଖପ୍ରାଖୋଲ ବ୍ଲକ୍ ପାଇଁ ବିଜୁ କନ୍ୟା ରତ୍ନ ଯୋଜନା ର ଶୁଭାରମ୍ଭ କରିଥିବା ବେଳେ ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ରାଜ୍ୟସଭା ସାଂସଦ ନିରଞ୍ଜନ ବିଶି ଯୋଗଦାନ କରିଥିଲେ।ଏହି ଅବସରରେ   ଏବିଇଓ  ସତ୍ୟନାରାୟଣ ମଟାରି , ବ୍ଲକ ଅଧ୍ୟକ୍ଷ ନିରୂପମା ପଟେଲ୍,ବ୍ଲକ ଉପାଧ୍ୟକ୍ଷ ସୁଖିରାମ୍ ସାଣ୍ଡ ବ୍ଲକ

ସାମାଜିକ ସୁରକ୍ଷା ଅଧିକାରୀ କନିଷ୍କ ବିଭାର, ଗ୍ରାମପଞ୍ଚାୟତ ସମ୍ପ୍ରସାରଣ  ଅଧିକାରୀ ବିକାଶ ବାର୍ଲା, ଶିଶୁ ମଙ୍ଗଳ ସମିତିର ସଭ୍ୟା  ଲୀନା ବାବୁ, ଅଧ୍ୟକ୍ଷ  ଲମ୍ବୋଦର ଦୀପ , ଭାରପ୍ରାପ୍ତ ସିଡିପିଓ ଅଞ୍ଜଳି ମିଶ୍ର,ଉପସ୍ଥିତ ରହି ଲୋଗୋ ଉନ୍ମୋଚନ କରିଥିଲେ। ଜିଲ୍ଲା ଶିଶୁ ସୁରକ୍ଷା ୟୁନିଟ ର ସୁରକ୍ଷା ଅଧିକାରୀ ଚୂଡ଼ାମଣି ପଣ୍ଡା ପୋଷ୍ୟ ସନ୍ତାନ ଗ୍ରହଣ, କିଶୋର ନ୍ୟାୟ ଆଇନ, ଶିଶୁ ଗୃହ ଉପରେ ଓ  ବିଭିନ୍ନ ଯୋଜନା , ସଫଳତାର ଉଦାହରଣ ବିଶଦ ଭାବରେ ଜଣାଇଥିଲେ।ଏହି ଅବସରରେ ଅରୁଣା ର ଜିଲ୍ଲା ପରାମର୍ଶଦାତା ପ୍ରମୋଦ ବଗର୍ତ୍ତୀ ପୃଷ୍ଠପୋଷକତା  ସହାୟତା ରାଶି,  ଫୋଷ୍ଟର୍ କେୟାର ବା  ଶିଶୁଙ୍କ ଲାଳନ ପାଳନ ଯତ୍ନ ଓ ମିଶନ୍  ବାତ୍ସଲ୍ୟ ର ମାର୍ଗଦର୍ଶିକାରେ ଗ୍ରାମ ପଞ୍ଚାୟତ ର ଜିପିଡିପି ର ବାର୍ଷିକ ଯୋଜନା ରେ ୫% ଅନୁଦାନ ସ୍ଵତନ୍ତ୍ର ଭାବେ ରଖି କାର୍ଯକାରୀ କରିବାକୁ ବ୍ୟବସ୍ଥା ଥିବାରୁ ବିପଦ ସଙ୍କୁଳ ଅବସ୍ଥାରେ ଥିବା ଶିଶୁ

ମାନଙ୍କ ଯତ୍ନ ନିମନ୍ତେ ଖର୍ଚ୍ଚ କରିପାରିବେ ବୋଲି  ପୁଙ୍ଖାନୁପୁଙ୍ଖ ଭାବେ ଜଣାଇଥିଲେ । ଏହି କାର୍ଯ୍ୟକ୍ରମ ରେ ଖପ୍ରାଖୋଲ ବ୍ଳକ ର ସମସ୍ତ ସରପଞ୍ଚ, ସମିତି ସଭ୍ୟ, ଗଣମାଧ୍ୟମ ପ୍ରତିନିଧି, ବ୍ଳକ କର୍ମଚାରୀ ଉପସ୍ଥିତ ଥିଲେ।ଉକ୍ତ କାର୍ଯ୍ୟକ୍ରମରେ ମନୋରଞ୍ଜନ ଥାନପତି,ସୁଶିଲ କୁମାର ନନ୍ଦ, ଲକ୍ଷ୍ମୀନାରାୟଣ ବିଶି,କୈଳାସ ନନ୍ଦ ଆଶିଷ ଶବର ପ୍ରମୁଖ ସକ୍ରିୟ ଅଂଶଗ୍ରହଣ କରିଥିଲେ।