23-Nov-2023

ବିନିକା(ହିମାଂଶୁ ଶେଖର ପୁଟେଲ): କଲେଜରେ ଅଧ୍ୟୟନରତ ଛାତ୍ରଛାତ୍ରୀ ମାନଙ୍କ ଦକ୍ଷତା,ଶକ୍ତି ଓ ତାଙ୍କର ପରିଚୟକୁ ବୃଦ୍ଧି କରିବା ପାଇଁ ରାଜ୍ୟ ସରକାର ପଦକ୍ଷେପ ସ୍ୱରୂପ ସମସ୍ତ କଲେଜକୁ ଅନୁଦାନ ଯୋଗାଇ ଦେଉଛନ୍ତି ।ଏହି ଅବସରରେ ବିନିକା ସିଦ୍ଧାର୍ଥ ଡ଼ିଗ୍ରୀ କଲେଜରେ ଅଧ୍ୟୟନରତ ଛାତ୍ରଛାତ୍ରୀ ମାନଙ୍କ ପ୍ରତିଭାର ବିକଶିତ ପାଇଁ ଅର୍ଥାତ କ୍ରୀଡାର ପ୍ରୋତ୍ସାହନ, ସାଂସ୍କୃତିକ ପ୍ରତିଯୋଗିତା, ସାମାଜିକ କାର୍ଯ୍ୟ ଆଦି କ୍ଷେତ୍ରରେ ଉନ୍ନତି ପାଇଁ ରାଜ୍ୟ ସରକାରଙ୍କ ସମନ୍ଵିତ ଯୁବ ବିକାଶ କାର୍ଯ୍ୟକ୍ରମ(ଆଇୱାଇଡିପି) ତରଫରୁ ୪ ଲକ୍ଷ ଟଙ୍କା ଅନୁଦାନ ମଞ୍ଜୁର କରିଥିବାରୁ କଲେଜ କର୍ମଚାରୀ ତଥା ଛାତ୍ରଛାତ୍ରୀ ମହଲରେ ଖୁସିର ଲହରୀ ଖେଳିଯାଇଛି । ଏହି ପରିପ୍ରେକ୍ଷୀରେ ଆଜି ସୁବର୍ଣ୍ଣପୁର ଜିଲ୍ଲାପାଳ ବିମଳେନ୍ଦୁ ରାୟ ମୁଖ୍ୟଅତିଥି ଭାବେ ଯୋଗଦେଇ ଭଗବାନ ବିଷ୍ଣୁଙ୍କ ଠାରେ ଦୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦ୍ଘାଟନ କରି ସମୟ ଆସିଛି ଯୁବ ଶକ୍ତି ନିଜର ଦକ୍ଷତାକୁ ପରିପ୍ରକାଶ କରିବା ସହିତ ମନରେ ଦୃଢ ଲକ୍ଷ୍ୟ ରଖି ନିଜର ପ୍ରତିଭାକୁ ଜାହିର କରନ୍ତୁ ।ଯାହା ଫଳରେ ନିଜେ ସଶକ୍ତ ହେବା ସହ ନିଜ ଅଞ୍ଚଳ ଓ ରାଜ୍ୟର ବିକାଶ ଆଗେଇବ ବୋଲି କହିଥିଲେ। ଅଧ୍ୟାପକ ବିଶ୍ୱନାଥ ମିଶ୍ରଙ୍କ ସଂଯୋଜନାରେ ଅନୁଷ୍ଠିତ ସଭାରେ କଲେଜ ଅଧ୍ୟକ୍ଷ ଡ଼ ଧୀରେନ୍ଦ୍ର କୁମାର ନାୟକ ସଭାପତିତ୍ବ କରି ଯୁବ ସମାଜ ତଥା ଉପସ୍ଥିତ ଛାତ୍ରଛାତ୍ରୀ ମାନଙ୍କୁ ଦୃଢ ମନୋବଳ ରଖି ଏହି ମହତ କାର୍ଯ୍ୟକ୍ରମରେ ସାମିଲ ହୋଇ ନା ରଖିବାକୁ ପରାମର୍ଶ ଦେଇଥିଲେ । ଅନ୍ୟ ମାନଙ୍କ ମଧ୍ୟରେ ସମ୍ମାନିତ ଅତିଥି ଭାବେ କାର୍ଯ୍ୟକ୍ରମରେ ଅଧ୍ୟାପକ ତଥା ଆଇୱାଇଡିପି ନୋଡାଲ ଅଫିସର ଗୋପାଳ କୃଷ୍ଣ ଦାଶ, ସଂସ୍କୃତ ଅଧ୍ୟାପକ ହରିଶ୍ଚନ୍ଦ୍ର ହୋତା ଉପସ୍ଥିତ ରହି ସରକାରଙ୍କ ଏହି ଯୋଜନାରେ ଯୁବ ଶକ୍ତି ଅଧିକରୁ ଅଧିକ ସାମିଲ ହୋଇ ନିଜର ପାରଦର୍ଶିତା ଅର୍ଜନ କରିବାକୁ କହିଥିଲେ। ପ୍ରାରମ୍ଭରେ କଲେଜ ଅଧ୍ୟକ୍ଷ ଡ଼ ନାୟକଙ୍କ ରଚିତ ସଙ୍ଗୀତକୁ ଅଧ୍ୟାପିକା ଜାନକୀ ସାମନୀ ଓ ଲାଇବ୍ରେରୀଆନ  ଭାରତୀ ବାବୁ ସୁନ୍ଦର ସ୍ଵରରେ ଗାନ କରି ସମସ୍ତଙ୍କ ମନରେ ଉତ୍ସାହ ସୃଷ୍ଟି କରିଥିଲେ । ଶେଷରେ ନୋଡାଲ ଅଫିସର ତଥା ଇଂରାଜୀ ବିଭାଗ ବରିଷ୍ଟ ଅଧ୍ୟାପକ ବାଣୀ ପ୍ରସାଦ ବିଶ୍ଵାଳ ଧନ୍ୟବାଦ ଅର୍ପଣ କରିଥିଲେ ।ପରେ ସମସ୍ତଙ୍କ ମନୋରଞ୍ଜନ ପାଇଁ ଛାତ୍ରଛାତ୍ରୀ ମାନଙ୍କ ଦ୍ଵାରା ବିନିକାର ମୁକ୍ତିତୀର୍ଥ ପାପକ୍ଷୟ ଘାଟ ଉପରେ ସଙ୍ଗୀତ ଗାନ କରି ନୃତ୍ୟ ପରିବେଷଣ

କରିଥିଲେ ।ଅନୁଷ୍ଟିତ ଏହି କାର୍ଯ୍ୟକ୍ରମ ପରିଚାଳନାରେ କଲେଜର ସମସ୍ତ ଷ୍ଟାଫ ସହଯୋଗ କରିଥିଲେ।
ସେହିପରି ସିଦ୍ଧାର୍ଥ ଜୁନିଅର କାର୍ଯ୍ୟକ୍ରମକୁ ମଧ୍ୟ ଜିଲ୍ଲାପାଳ ଉଦ୍ଘାଟନ କରିଥିଲେ। ଏହି ଅବସରରେ କଲେଜ ଅଧ୍ୟକ୍ଷା ରେଖା ପଧାନଙ୍କ ଅଧ୍ୟକ୍ଷତାରେ  ଅନୁଷ୍ଟିତ ସଭାରେ ମୁଖ୍ୟ ଅତିଥି ଜିଲ୍ଲାପାଳ ଶ୍ରୀ ରାୟ ସରକାରଙ୍କ ଏହି ମହତକଂକ୍ଷୀ ଯୋଜନାର ସଫଳ ପାଇଁ ଯୁବ ଶକ୍ତି ନିଜର ଦକ୍ଷତା ପ୍ରତିପାଦନ କରିବାକୁ ପରାମର୍ଶ ଦେଇଥିଲେ । ସମ୍ବାନୀତ ଅତିଥି ଭାବେ ବିନିକା ମହିଳା ଜୁନିଅର କଲେଜ ଅଧ୍ୟକ୍ଷ ପଞ୍ଚାନନ ସାହୁ, ଅଧ୍ୟାପକ ଝସକେତନ ମେହେର ଯୋଗଦେଇ ଛାତ୍ରଛାତ୍ରୀ ମାନଙ୍କୁ କ୍ରୀଡା ସାମାଜିକ ଓ ସାଂସକୃତ ସମନ୍ୱିତର ଉଦେଶ୍ୟ ଉପରେ କହିଥିଲେ l ଅଧ୍ୟାପକ ଧନେଶ୍ୱର ସାହୁ ମଞ୍ଚ ପରିଚାଳନା କରିଥିବା ବେଳେ ଖେଳ ଶିକ୍ଷକ ନାରାୟଣ ଚୌଦୁରୀ ଧନ୍ୟବାଦ ଅର୍ପଣ କରିଥିଲେ l ପ୍ରାରମ୍ଭରେ କଲେଜ ଷ୍ଟାଫ ଓ ଛାତ୍ରଛାତ୍ରୀ ମାନେ ଜିଲ୍ଲାପାଳଙ୍କୁ ସ୍ଵାଗତ ସମ୍ବର୍ଦ୍ଧନା ଜଣାଇ କଲେଜକୁ ପାଛୋଟି ଆଣିଥିଲେ ।