14-Nov-2023

ବୀରମହାରାଜପୁର , (ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଜଟେସିଂହା ପଞ୍ଚାୟତ ଅନ୍ତର୍ଗତ ବଡ଼ଖମାର ଠାରେ ୧୧ ତମ ଶ୍ୟାମାକାଳୀ ପୂଜା ଅବସରରେ ମହିଷାସୁର ଦରବାରର ତୃତୀୟ ସନ୍ଧ୍ୟା ରେ  ନାଟକ  ପରିବେଷଣ ହୋଇଥିଲା। ପ୍ରଥମେ ମହାରାଜା ମହିଷାସୁର ଓ ଶମ୍ଭୁ  ନିଶୁମ୍ଭୁ ଙ୍କ ସହ ନଗର ପରିକ୍ରମା କରି ରାଜ ଦରବାରରେ ପହଞ୍ଚିଥିଲେ। ମହିଷାସୁର ଙ୍କ ଆଦେଶ କ୍ରମେ କମିଟି ସଭାପତି ଗୈାରିଶଙ୍କର ପାଣିଗ୍ରାହୀ ଙ୍କ ନେତୃତ୍ବରେ ରାଜ ସଭା ଆୟୋଜିତ ହୋଇଥିଲା। ଏଥିରେ ରାଜକୀୟ ଅତିଥି ଭାବେ ବଲାଙ୍ଗୀର ପିସିସି ଯୁବ ସଭାପତି ଆକବର ଖାଁ,  ପୂର୍ବତନ ଜିଲ୍ଲା ପରିଷଦ ସଭ୍ୟ ରାଜଗୋପାଲ ପାଣିଗ୍ରାହୀ , ଜିଲ୍ଲା ପରିଷଦ ସଭ୍ୟ ଲବ କୁମାର ସାହୁ, ଜିଲ୍ଲା ସୋସିଆଲ ମିଡ଼ିଆ ସଭାପତି ପ୍ରିୟବ୍ରତ ସାହୁ, କଂଗ୍ରେସ ବୀରମହାରାଜପୁର ବ୍ଳକ ସଭାପତି ବସନ୍ତ ମହାକୁର  ପ୍ରମୁଖ ଉପସ୍ଥିତ ରହି ମହାରାଜାଙ୍କ ପ୍ରଶ୍ନର  ଉତ୍ତର ପ୍ରଦାନ କରିଥିଲେ।  ନାଟ୍ୟାଭିକ୍ରମେ ମହିଷାସୁର ଙ୍କୁ ବୋଧ ପାଇଁ ଦେବଲୋକଙ୍କ ଚକ୍ରାନ୍ତ ଓ ଦୁର୍ଗାଙ୍କ ଜନ୍ମ ଉପରେ ନାଟକ ପରିବେଷଣ  ହୋଇଥିଲା ।  ବିଲମ୍ବିତ ରାତ୍ରି ପର୍ଯ୍ୟନ୍ତ ଦର୍ଶକ ମନଭରି ଉପଭୋଗ କରିଥିଲେ। ଏଥିରେ ସଭାପତି ଗୈାରିଶଙ୍କର ପାଣିଗ୍ରାହୀ, ସମ୍ପାଦକ ମନୋଜ କର୍ମୀ, ଖଣ୍ଡହତା ସମିତି ସଭ୍ୟ ବିନୋବାନନ୍ଦ ପ୍ରଧାନ,  ସହଦେଵ ମହାକୁର, ଆଶିଷ ସାହୁ , ଗୋକୁଳାନନ୍ଦ ସାହୁ, ଚିମ୍ମୟ ମହାପାତ୍ର,ଶିନ୍ନିବାସ ଦାସ, କ୍ଷେତ୍ରପାଳ ପଧାନ, ଶ୍ରବଣ ସାହୁ, ଶିବରାମ ବେହେରା, ଯଜ୍ଞେଶ୍ଵର ନାଏକ,  ହେମନ୍ତ ପଧାନ, ଉମାକାନ୍ତ ଭୋଇ, ଦୟମନ୍ତି ସାହୁ, ଜୟକୃଷ୍ଣ କର୍ଣ୍ଣ, ବିନାୟକ ମିର୍ଦ୍ଧା, ବିନୋଦ ମହାକୁର, ବସନ୍ତ କର୍ମୀ, ସତଞ୍ଜୟ ନାଏକ, ମାଗୁଣି କର୍ଣ୍ଣଙ୍କ ସହ ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ।