14-Nov-2023

ବଲାଙ୍ଗିର (ପ୍ରେରଣା ଖବର ): ବଲାଙ୍ଗୀର ସହରର ନିକଟସ୍ଥ ମଧିଆପାଲି ରୁ ଚାଷୀ ମାନଙ୍କ ଏକ ଟ୍ରାକ୍ଟର ଏବଂ ବାଇକ ରାଲି ର ଆୟୋଜନ କରାଯାଇଛି । ଚାଷୀ ମାନଙ୍କ ହେଉଥିବା ଶୋଷଣ ବିରୋଧରେ ଆଜି ମିଳିତ କୃଷକ ମଞ୍ଚ ବଲାଙ୍ଗିର ଓ ସୋନପୁର ଜିଲ୍ଲା ତରଫରୁ ଏକ ବିଶାଳ ଚାଷୀ ସବେଶ ର ଆୟୋଜନ କରାଯାଇଛି । ଏହି ଅବସରରେ ମଧିଆପାଲି ରୁ ଚାଷୀ ମାନଙ୍କ ଏକ ଟ୍ରାକ୍ଟର ଏବଂ ବାଇକ ରାଲି ର ଆୟୋଜନ କରାଯାଇଥିଲା । ଶହ ଶହ ସଂଖ୍ୟା ରେ ଚାଷୀ ମାନେ ଟ୍ରାକ୍ଟର ଓ ବାଇକ ଧରି ଶୋଭାଯାତ୍ରା ରେ ସାମିଲ ହୋଇଥିଲେ । ମଧିଆପାଲି ରୁ ଟ୍ରାକ୍ଟର ରାଲି ବାହାରି କୋଶଳ କଳାମଣ୍ଡଳ ପର୍ଯ୍ୟନ୍ତ ଯାଇଥିଲା । ଧାନର ସର୍ବନିମ୍ନ ସହାୟକ ମୂଲ୍ୟ ୫୦୦୦ ଟଙ୍କା କୁ ବୃଦ୍ଧି, ଚାଷ ପାଇଁ ବ୍ୟବହୃତ ବିଜୁଳି ବିଲ ସମ୍ପୂର୍ଣ୍ଣ ଛାଡ କରିବାକୁ ଦାବି କରିଯାଇଥିଲା । ଭାରତର ଅନ୍ୟାନ୍ୟ ରାଜ୍ୟ ରେ ଧାନର ସର୍ବନିମ୍ନ ମୂଲ୍ୟ ଅଧିକ ରହିଥିବା ବେଳେ ଓଡ଼ିଶାରେ ତାକୁ ବୃଦ୍ଧି କରାଯାଉନାହିଁ । ଯାହା ଫଳରେ ଓଡିଶା ର ଚାଷୀ ନିଜର ପରିଶ୍ରମ ମୁତାବକ ପାରିଶ୍ରମିକ ପାଇ ପାରୁନାହିଁ । ପୁଣି ଚାଷୀ ଙ୍କୁ ବୋନସ, ବିନା ସର୍ତ୍ତ ରେ ଚାଷୀ ଙ୍କ ଶସ୍ୟ କ୍ରୟ କରିବାକୁ ଶୋଭାଯାତ୍ରା ମାଧ୍ୟମରେ ଦାବି କରାଯାଇଥିଲା ।