15-Aug-2023

ନୂଆପଡ଼ା: ସିନାପାଲି(ବିଶି ଚନ୍ଦନ ମାଝୀ ):  ସିନାପାଲି ବ୍ଲକ ରାଣୀମୁଣ୍ଡା ପଞ୍ଚାୟତସ୍ଥିତ  ମାଝୀପଡ଼ା ଉଚ୍ଚ ବିଦ୍ୟାଳୟର ବିଭିନ୍ନ ସମସ୍ୟା କୁ ନେଇ ଅଭିଭାବକ ଓ ବିଦ୍ୟାଳୟ କମିଟି ସଦସ୍ୟ ସିନାପାଲି ଗୋଷ୍ଠି ଶିକ୍ଷା ଅଧିକାରୀ, ବିଡ଼ିଓ, ତହସିଲ୍ ଦାର, ଥାନାଧିକାରୀଙ୍କୁ ଭେଟି ଦାବି ପତ୍ର ପ୍ରଦାନ କରିଛନ୍ତି l ମାଝୀପଡ଼ା ବିଦ୍ୟାଳୟ ସନ୍ ୧୯୭୫ରେ ସ୍ଥାପିତ ହୋଇଥିଲା l ଏହି ବିଦ୍ୟାଳୟକୁ ୨୦୨୨ରେ ଉନ୍ନୀତ ଉଚ୍ଚ ବିଦ୍ୟାଳୟରେ ନାମିତ କରି ରୂପାନ୍ତରିତ୍ କରାଯାଇଛି l ଏହି ବିଦ୍ୟାଳୟରେ ନିଯୁକ୍ତ ପ୍ରଧାନ ଶିକ୍ଷକ ଲକ୍ଷ୍ମଣ ହରିଜନ ଓ ସହକାରୀ ଶିକ୍ଷକ ଦିବାକର ଶଗଡ଼ିଆ ଛାତ୍ର ଛାତ୍ରୀ ମାନଙ୍କୁ ଠିକ୍ ଭାବରେ ଶିକ୍ଷାଦାନ କରୁ ନ ଥିବା ବେଳେ ଅନେକ ସମୟରେ ମଦ ପିଇ ଆସିବା, ମଦ ବୋତଲ ମଧ୍ୟ ଅଭିଭାବକ ମାନେ ଜବତ କରିଥିବା ଅଭିଯୋଗ ହୋଇଛି l ପରିଚାଳନା କମିଟି ସଦସ୍ୟ ଗାଳିଗୁଲଜର ଶିକାର ହେଉଥିବା ମଧ୍ୟ ଅଭିଯୋଗ କରିଛନ୍ତି l ଅଭିଯୋଗର ୩ଦିନ ମଧ୍ୟରେ ଅନ୍ୟତ୍ର ବଦଳି ଦାବି ପୂରଣ ନ ହେଲେ ଅନିରିଧିଷ୍ଠ କାଲ ପାଇଁ ସ୍କୁଲ ଆଗରେ ଧାରଣା ଦେବାକୁ ଚେତାବନୀ ଦେଇଛନ୍ତି l ଶିକ୍ଷକଦ୍ୱୟଙ୍କ ଏପରି ଆଚରଣ ଯୋଗୁଁ ବିଦ୍ୟାଳୟରେ ସଦାସର୍ବଦା ବିଶୃଙ୍ଖଳା ସୃଷ୍ଟି ହେବା ସହ ଛାତ୍ର

ଛାତ୍ରୀ ମାନଙ୍କୁ ଏହାର କୁପ୍ରଭାବ ପକାଉଛି ବୋଲି ବୁଦ୍ଧି ଯିବି ମହଲରେ ଚର୍ଚ୍ଚା ହେଉଛି l ସେହିପରି ବିଦ୍ୟାଳୟ ପାଚେରୀ ନିର୍ମାଣ, ଆବଶ୍ୟକ ଶ୍ରେଣୀ ଶିକ୍ଷକ, ଆବଶ୍ୟକ ଟେବୁଲ ସମେତ ଅନେକ ସାମଗ୍ରୀ ଯୋଗାଇବା ପାଇଁ ଦାବି ପତ୍ରରେ ଉଲ୍ଲେଖ କରା ଯାଇଛି l ଦୁର୍ବଳ ମାଝୀ, ଗଣେଶ ରାମ ମାଝୀ, ହେଜରାମ ମାଝୀ, ବିରସିଂ ମାଝୀ, ନାରାୟଣ ମାଝୀ ସମେତ ଅନେକ ପରିଚାଳନା କମିଟି ସଦସ୍ୟ ତଥା ଅଭିଭାବକ ମାନେ ଉପସ୍ଥିତ ରହି ଦାବି ପତ୍ର ପ୍ରଦାନ କରିଥିଲେ l