15-Aug-2023

ଆଗଲପୁର, (ବିନୋଦ କୁମାର ଦୀପ) କେଉଁଟ, କୈବର୍ତ୍ତ ଏବଂ ଧୀବର ହଟାଅ ଆନ୍ଦୋଳନ ଆଗଲପୁର କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ହୋଇଥିଲା l ଏହି ଆନ୍ଦୋଳନ ର ଆବାହକ ଡିଙ୍ଗର କୁମ୍ଭାର, ମୁଖ୍ୟ ଅତିଥି ଅବସର ପ୍ରାପ୍ତ  ଅତିରିକ୍ତ ପୋଲିସ ଅଧିକ୍ଷକ ହେମସାଗର ନନ୍ଦ, ସମ୍ମାନିତ ଅତିଥି ଅବସର ପ୍ରାପ୍ତ ଡେପୁଟି କଲେକ୍ଟର ବିଜ୍ଞାନ କୁମ୍ଭାର, ସମାଜସେବୀ ଶ୍ରୀ ବିଜୟ ମହାନନ୍ଦ, ଆଇନଜୀବି ଖଗେଶ୍ୱର ନାଗ, ବହୁଜନ ସମାଜ ପାର୍ଟୀ ଜିଲ୍ଲା ସଭାପତି ଦ୍ରୋଣ କୁମ୍ଭାର, ଅବସର ପ୍ରାପ୍ତ ବ୍ଲକ ଶିକ୍ଷା ଅଧିକାରୀ ଆରୁଣୀ ମହାନନ୍ଦ, ରୋଥ ଗ୍ରାମ ପଂଚାୟତ ସରପଞ୍ଚ ଜୟଲାଲ ସିନ୍ଦୁର, ଅଶୋକ ବାରିକ, ଲାଲମନ ନାଗ ତଥା ଗଣ୍ଡା, ଘାଷି ଓ ଚମାର ସମାଜର ଅନେକ ବରିଷ୍ଠ ବୁଦ୍ଧିଜୀବି ଉପସ୍ଥିତ ଥିଲେ l 

ଏହି କାର୍ଯ୍ୟକ୍ରମକୁ ଝସକେତନ ମହାନନ୍ଦ ପରିଚାଳନା କରିଥିଲେ ଏବଂ ଆଗାମୀ 2024 ମସିହାରେ ଯେମିତି କେଉଁଟ, କୈବର୍ତ୍ତ ତଥା ଧିବର ସବର୍ଣ୍ଣ SC ମାନଙ୍କୁ ବିଧାନସଭା ଓ ଲୋକସଭା ନିର୍ବାଚନ ଯେଉଁଠି ସଂରକ୍ଷଣ ଅଛି ସେଠି ଟିକେଟ ନ ଦିଆଯିବାକୁ ଆଗଲପୁର ତହସିଲଦାର ସୁଶ୍ରୀ ସାରୋଜା ବେହେରା ଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ଦାବି ପତ୍ର ପ୍ରଦାନ କରାଯାଇ ଥିବାବେଳେ 15 ଶହ ରୁ ଉର୍ଦ୍ଧ ଲୋକଙ୍କ ଏକ ବିଶାଳ ରେଲି ହୋଇଥିଲା l