14-Aug-2023

ବରଗଡ:-ବରଗଡ ସହରରେ ଅବାଧ ଡମ୍ଫର ଓ ହାଇୱା ଟ୍ରାଫିକ ନିୟମ ଉଲଙ୍ଘନ କରି ବାଲି,ଗେଟି,ଚିପ୍ସ ଏପରିକି ମାଟି ଚାଲାଣ କରୁଥିବା ଅଭିଯୋଗ ପରେ ମଧ୍ୟ ଜିଲ୍ଲା ପ୍ରଶାସନ ପକ୍ଷରୁ କୈାଣସି କାର୍ଯ୍ୟାନୁଷ୍ଠାନ ନହେବା ଫଳରେ ଅଧିକାଂଶ ସମୟରେ ବୁଲା ଗାଈଗୋରୁ ଦୁର୍ଘଟଣାରେ ଆହତ ହୋଉଛନ୍ତି।ଗତ ରାତିରେ ଏକ ବୁଲା ଷଣ୍ଢ କୁ ଏକ ଡମ୍ଫର ପିଟି ଦେବା ଫଳରେ ବରଗଡ ଜିଲ୍ଲା ଏସ.ପି ଅଫିସ ସମ୍ମୁଖ ଦୋକାନ ପାଖରେ ରକ୍ତାକ୍ତ ହୋଇ ପଡିଥିବା ଜଣାପଡିଛି।ଶିଙ୍ଗ ଭାଙ୍ଗିବା ଓ ଗୋଡ଼ ଭାଙ୍ଗିଯାଇ ଷଣ୍ଢଟି ମୃତ୍ୟୁସହ ସଂଗ୍ରାମ କରୁଛି।ପ୍ରାଣିଧନ ଡାକ୍ତର ସାମୟିକ ଚିକିତ୍ସା କରି ଛାଡ଼ି ଚାଲିଯିବା କେତେଦୂର ଠିକ ଆପଣ ମାନେ ବିଚାର କରନ୍ତୁ।ଏହି ରାସ୍ତା ଦେଇ ବୀର ଜବାନଙ୍କ ପାର୍ଥିବ ଶରୀର କୁ ନେଇ ପୋଲିସ ବାହିନୀ ଯିବାବେଳେ ମଧ୍ୟ ଏହି ଦୃଶ୍ୟ ସେମାନଙ୍କ ଆଖି ଆଢୁଆଳରେ ରହିଯାଇଥିଲା।ବରଗଡ ସହରର ଏସ.ପି ଅଫିସ ଛକ,ଗାନ୍ଧୀ ଛକ,ଭଟଲି ଛକ ଅଞ୍ଚଳ ତଥା ନଦୀ ପଡାରେ ଅବାଧ ଗାଈଗୋରୁ ରାସ୍ତା ଉପରେ ଛିଡା ହୋଇ ଟ୍ରାଫିସ ସମସ୍ୟାରେ ବାଧକ ସୃଷ୍ଟି ହେଉଥିବା ବେଳେ,ଜିଲ୍ଲା ପ୍ରଶାସନର ମୁଖ୍ୟ ଆଇ.ଏ.ଏସ ଜିଲ୍ଲାପାଳ ଥିବା ସତ୍ତ୍ୱେ ଜିଲ୍ଲା ପ୍ରଶାସନ ଏବଂ ପୈାରପରିଷଦର ପ୍ରଶାସନ ନିଦ୍ରାରେ ଶୋଇଥିବା ଭଳି ଜଣାଯାଏ।ଅଧିକାଂଶ ଚୋରାଚାଲାଣକାରୀ ଗାଈ ଗୋରୁଙ୍କୁ ଦୁର୍ଘଟଣା ଘଟାଇ ଟ୍ରାଫିକ କୁ ଭୂକ୍ଷେପ ନକରି ଚାଲି ଯାଉଥିବା ବେଳେ,କୈାଣସି କାର୍ଯ୍ୟାନୁଷ୍ଠାନ ହେଉନଥିବା ବରଗଡ ସହରରେ ଗାଈଗୋରୁଙ୍କ ପାଇଁ ଏକ ଅଭିଶାପ ସଦୃଶ।ଏମିତି କି ବହୁ ଗାଈଗୋରୁ ସହରରେ ପଡିରହିଥିବା ଜରି ଖାଇ ମୃତ୍ୟୁ ବରଣ ହେଉଥିବା ମଧ୍ୟ ଜଣାଯାଏ।