13-Aug-2023

ବଲାଙ୍ଗିର(ପ୍ରେରଣା ଖବର)- ଆଜି  ବଲାଙ୍ଗିର ପି.ପି.ଏକାଡେମି ଠାରେ ଜିଲ୍ଲା ଯୁବ କଳାକାର ମହାସଂଘ ବଲାଙ୍ଗିର ତରଫରୁ ପଶ୍ଚିମ ଓଡିଶାର ବିଭିନ୍ନ କଳାକାର କେନ୍ଦ୍ର ସରକାରଙ୍କର ସଂସ୍କୃତି ମନ୍ତ୍ରଣାଳୟରୁ  ପାଇଥିବା ସ୍କୋଳାରସିପ, ଫେଲୋସିପ ପ୍ରାୟ ୧ଠ ଗୋଟି ଜିଲ୍ଲାର ୫ଠ ଜଣଙ୍କୁ ସମ୍ବର୍ଦ୍ଧିତ କରାଯାଇଥିଲା ।  କେନ୍ଦ୍ର ସରକାରଙ୍କ ସଂସ୍କୃତି ମନ୍ତ୍ରଣାଳୟ ତରଫରୁ ସବୁ ବର୍ଷ ସ୍କୋଲାରସିପ, ଫେଲୋସିପ ରେ କୋସଲାଞ୍ଚଳର ବିଭିନ୍ନ କଳାକାର ମନୋନୀତ ହୋଇଛନ୍ତି ସେମାନଙ୍କୁ ଉତ୍ସାହିତ କରିବା ତଥା କୋସଲାଞ୍ଚଳର କଳା, ସଂସ୍କୃତି, ଐତିହ୍ୟ ଓ ପରମ୍ପରାକୁ ବିଶ୍ୱଦରବାରରେ ବଂଚାଇ ରଖିବା ପାଇଁ ଜିଲ୍ଲା ଯୁବ କଳାକାର ମହାସଂଘ ତରଫରୁ ପଶ୍ଚିମ ଓଡିଶାର ୧୦ ଜିଲ୍ଲାରୁ ପ୍ରାୟ ୫୦ ଜଣଙ୍କୁ ସମ୍ବର୍ଦ୍ଧିତ କରି ଉତ୍ସାହିତ କରାଯାଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ରାଜ୍ୟସଭା ସାଂସଦ  ନିରଞ୍ଜନ ବିଶି, ଏକ୍ସନ କମିଟି ଆବାହକ ଗୋପାଳଜୀ ପାଣିଗ୍ରାହୀ , ଜିଲ୍ଲା କଳାକାର ସାଂସ୍କୃତିକ ସଂଘର ଜଗଦାନନ୍ଦ ଛୁରିଆ ଏବଂ ଗୋଳାପ ବାଗ, ଜିଲ୍ଲା ଯୁବ କଳାକାର ସଂଘର ସଭାପତି ବିନୋଦ କାଲସାଏ ଏବଂ ଉପଦେଷ୍ଟା ଗୋପାଳ ପଧାନ ପ୍ରମୁଖ ମଂଚାସୀନ ଥିଲେ । ବିରେନ୍ଦ୍ର ପାଣ୍ଡେ ମଂଚ ପରିଚାଳନା କରିଥିଲେ । ଏହି କାର୍ଯ୍ୟକ୍ରମରେ ନବିନ କୁଅଁର, ବ୍ରହ୍ମାନନ୍ଦ ବନଛୋର, କପିଳ ଖମାରୀ, ନିଲାଞ୍ଚଳ ନନ୍ଦ, ଅଶୋକ ଦିପ, ହିମାଂଶୁ ଖମାରୀ, ମନରଞ୍ଜନ ସାହୁ, ରଶ୍ମି ପାତ୍ର, ମିଲି ବାରିକ ପ୍ରମୁଖ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମକୁ ସୋମନାଥ ମିଶ୍ର, ସନ୍ଦିପ ବାଗ, ରବି ଖମାରି, ସୁରେଶ ଡାଙ୍ଗ, ହରିଓମ ପଟେଲ, ବିନୟ ସୁନା, ଅଷ୍ଟମି ନାଗ, ପ୍ରିତମ ଠାକୁର, ରଞ୍ଜିତ ପଧାନ ପରିଚାଳନା କରିଥିଲେ ।