13-Aug-2023

ଲୋଇସିଂହା(ପ୍ରେରଣା ଖବର ): ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ଲକ୍ଷାଧିକ ଟଙ୍କା ର ଘୋଟାଲା ହୋଇଥିବା ଓ ଏଥିରେ କିଛି ମଧ୍ୟସ୍ଥି ଓ ଦଲାଲ ଙ୍କ ପ୍ରଛନ୍ନ ହାତ ରହିଥିବା ନେଇ ଅଭିଯୋଗ ଆସିଛି l ଏପରି କିଛି ଘଟଣା ଘଟିଛି ବଲାଙ୍ଗିର ଜିଲ୍ଲା ଲୋଇସିଂହା ବ୍ଲକ ରତାଖଣ୍ଡି ଗାଁ ରେ l ସୂଚନାରୁ ପ୍ରକାଶ ଯେ , ଏହି ପଞ୍ଚାୟତର ପ୍ରାୟ ୩୦ ଜଣ ଚାଷୀ ପ୍ରଧାନମନ୍ତ୍ରୀ ଫସଲ ବୀମା ଯୋଜନା ରେ ନିଜର ଜମି ର ଇନସ୍ୟୁରାନ୍ସ କରିଥିଲେ l ପରେ ଚାଷୀ ମାନଙ୍କ ଏକାଉଣ୍ଟ୍ କୁ ଏହି ଯୋଜନାରେ ବୀମା ଟଙ୍କା ମଧ୍ୟ ଡିପୋଜିଟ୍ ହୋଇଥିଲା l ତବେ ଗାଁ ର ଚାଷୀ ଙ୍କ ଅଭିଯୋଗ ମୁତାବକ ରତାଖଣ୍ଡି ପଞ୍ଚାୟତ ତାଲଜୁରି ଗାଁ ର କୃଷକ ସାଥୀ ତରୁଣ ପଟ୍ଟନାୟକ ଏହି ଚାଷୀ ମାନଙ୍କ ଠାରୁ ଇନସ୍ୟୁରାନ୍ସ କରାଇ ଦେବାକୁ କହି ଇନସ୍ୟୁରାନ୍ସ ଟଙ୍କା ର ଅଧା ଟଙ୍କା କମିସନ୍ ବାବଦକୁ ହଡ଼ପ କରିଥିବା ଅଭିଯୋଗ ହୋଇଛି l ଚାଷୀ ମାନଙ୍କ ଅଭିଯୋଗକୁ ନେଇ ଆମେ କୃଷକ ସାଥୀ ଶ୍ରୀ ପଟ୍ଟନାୟକ ଙ୍କୁ ପ୍ରଶ୍ନ କାରିବାରୁ ସେ ଅଭିଯୋଗକୁ ଖଣ୍ଡନ କରିଥିଲେ l ତେବେ ଲକ୍ଷାଧିକ ଟଙ୍କା ର କ୍ଷତି ସହି ଥିବା ଚାଷୀ ମାନେ ଏହି ଘଟଣାରେ ଉଚ୍ଚସ୍ତରୀୟ ତଦନ୍ତ କରିବା ପାଇଁ ଜିଲ୍ଲା କୃଷି ଅଧିକାରୀଙ୍କ ନିକଟରେ ଦାବି କରିଛନ୍ତି l