13-Aug-2023

ବଲାଙ୍ଗୀର(ପ୍ରେରଣା ଖବର ): ହିନ୍ଦୁ ଧର୍ମରେ ଗାଈ କୁ ମାତା ଭାବରେ ପୂଜା କରାଯାଏ।ଭାରତ ଏକ ଧର୍ମ ନିରପେକ୍ଷ ଦେଶ।ସବୁ ଧର୍ମର ଲୋକେ ଭାରତରେ ବସବାସ କରୁଛନ୍ତି।ତେବେ ସଭିଏଁ ନିଜ ଧର୍ମ କୁ ସମ୍ମାନ ଦେଇ ବିଧି ପୂର୍ବକ ତାଙ୍କର ପୂଜାବିଧି ପାଳନ କରୁଛନ୍ତି। ତେବେ ହିନ୍ଦୁ ରାଷ୍ଟ୍ରରେ ହିନ୍ଦୁ,ଗାଈ କୁ ମାତା ଭାବେ ପୂଜା କରି ଆସୁଛି।କିଛି ଅମାନୁଷିକ ଧର୍ମ ଦ୍ରୋହି ଅମାନବ ନିଜର ଜୀବିକା ପାଇଁ ଗୋଚାଲାଣ କରୁଥିବା ଦୁର୍ଭାଗ୍ୟ ର ବିଷୟ।ବଲାଙ୍ଗୀର ଜିଲ୍ଲାରୁ ଅନେକ ସମୟରେ

ଗୋଚାଲାଣ ହେଉଥିବା ବେଳେ ଜିଲ୍ଲାପ୍ରଶାସନ ର ଦୃଷ୍ଟି ଆଢ଼ୁଆଳରେ ରହିଯାଉଛି।ବଲାଙ୍ଗୀର ଜିଲ୍ଲାରୁ ଦିନକୁ ଦିନ ଗାଈ ସଂଖ୍ୟା କମିବା ଦେଖିବାକୁ ମିଳୁଛି।ଗାଈ ବଞ୍ଚାଇବା ଅଭିଯାନ ଜିଲ୍ଲାର ସମସ୍ତ ଅଞ୍ଚଳରୁ ଆରମ୍ଭ କଲେ ଗାଈ ଚାଲାଣ କୁ କିଛି ମାତ୍ରାରେ ରୋକାଯାଇ ପାରିବ। ଇତି ମଧ୍ୟରେ ବଲାଙ୍ଗୀର ପୋଲିସ ସୂଚନା ପାଇ ଦୁଇ ଗୋଟି କଣ୍ଟେନର ଯେଉଁଥିରେ ଗାଈ ମାନଙ୍କୁ ଚାଲାଣ କରାଯାଉଥିଲା ଧରି କିଛି ଲୋକଙ୍କୁ ଅଟକ ରଖିଛି।କିଛି ମଲା

ଗାଈ ଙ୍କ ଶରୀର କଣ୍ଟେନର ରୁ ମିଳିଛି। ଗାଈ ମାନଙ୍କୁ କେତେବେଳେ ଟ୍ରକ୍ ରେ, ଛୋଟଗାଡ଼ି ରେ ତ କେତେବେଳେ ୪୦୭ ଗାଡ଼ିରେ ତ ଆଉ କେତେବେଳେ ଶହ ଶହ ଗାଇ ମାନଙ୍କୁ କିଛି ଲୋକ ଚଳାଇ ଚଳାଇ ଦୂର ଦୁରାନ୍ତ କୁ ନେଉଥିବା ଅନେକ ସମୟରେ ଗଣମାଧ୍ୟମ ପୃଷ୍ଟା ମଣ୍ଡନ କରିଛି ଏବଂ ଚର୍ଚ୍ଚା ମଧ୍ୟ ହୋଇଛି। ତେବେ ଏହି ଗାଈ ମାନଙ୍କୁ କେଉଁ ରାଜ୍ୟ କୁ କେଉଁଥିପାଇଁ ଚାଲାଣ କରାଯାଉଛି ପୋଲିସ ତଦନ୍ତ ପରେ ଜଣାପଡ଼ିବ।ସମସ୍ତ ହିନ୍ଦୁ ତଥା ବିଶ୍ଵ ହିନ୍ଦୁ ପରିଷଦ ବେଆଇନ ଗୋଚାଲାଣ କୁ ତୀବ୍ର ବିରୋଧ କଲେ ଆଗାମୀ ଦିନରେ ଗୋ ସମାଜ ସୁରକ୍ଷିତ ରହିବେ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି।