12-Aug-2023

ବରଗଡ:- ଲାଲା ଲଜପତ ରାୟ ଆଇନ ମହା ବିଦ୍ୟାଳୟ ସମ୍ବଲପୁର ର ଜନୈକ ଶେଷ ବର୍ଷ ଛାତ୍ରୀ ଙ୍କ ଅକାଳ ବିୟୋଗ ହୋଇ ଯାଇଛି । ସେ ହେଲେ ବରଗଡ ଜିଲା ପାଇକମାଲ ବ୍ଲକ ଜର୍ଜଗଡ଼ ଗ୍ରାମର ଅନିତା ପ୍ରଧାନ (୨୨) ତାଙ୍କ ପିତା ପୁରୁଷୋତ୍ତମ ପ୍ରଧାନ ଶ୍ରୀ ନୃସିଂହନାଥ ମନ୍ଦିରର କାର୍ଯ୍ୟନିର୍ବାହୀ ଅଧିକାରୀ ଭାବରେ କାର୍ଯ୍ୟରତ ଅଛନ୍ତି । ତାଙ୍କର ସାନ ଝିଅ ଅନିତାକୁ ଭଲ ନ ଲାଗିବାରୁ ବୁଧବାର ବିକାଶ ଘରୋଇ ନର୍ସିଂ ହୋମରେ ଚିକିତ୍ସା କରାଇଥିଲେ ଓ ଟାଇଫଏଡ଼ ବୋଲି ଜଣା ପଡିଥିଲା। ପରେ ତାଙ୍କୁ ବୁର୍ଲା ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା  । ସେଠାରେ ଚିକିତ୍ସାଧୀନ ଅବସ୍ଥା ରେ ଶୁକ୍ରବାର ମଧ୍ୟ ରାତ୍ରରେ ଅନିତାର ଅକାଳ ବିୟୋଗ ହୋଇଥିଲା । ତାଙ୍କର ଶେଷକୃତ୍ୟ ସମ୍ପନ୍ନ ନିଜ ଗ୍ରାମ ଜର୍ଜଗଡ଼ରେ ହୋଇଛି । ତାଙ୍କର ବାପା ଶ୍ରୀ ପ୍ରଧାନ ମୁଖାଗ୍ନି ଦେଇ ଥିବା ବେଳେ ତାଙ୍କର ସବାଧାର ରେ ସହ ସହ ଲୋକ ଏକତ୍ରିତ ହୋଇ ଥିଲେ । ଅନିତା ଜଣେ ମେଧାବୀ ଛାତ୍ରୀ ଥିବାବେଳେ ମେଳାପୀ ମିଷ୍ଟଭାଷୀ ଓ ଭଗବାନ ନୃସିଂହନାଥଙ୍କ ଭକ୍ତଥିଲେ ।ତାଙ୍କ ବିୟୋଗରେ ଅଂଚଳରେ ଶୋକର ଛାୟା ଖେଳିଯାଇଛି ।