30-Jul-2023

ବରଗଡ଼:-ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ପଥର୍ଲା ଠାରେ  ଭାରତୀୟ ଜନତା ପାର୍ଟି ପକ୍ଷରୁ ପଞ୍ଚାୟତ ସ୍ତରୀୟ ଜନସମ୍ପର୍କ ଅଭିଯାନ ସହ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି।ରାଜ୍ୟ କାର୍ଯ୍ୟକାରିଣୀ ସଦସ୍ୟ ଜମିଦାର ସନତ କୁମାର ଗଡତୀୟାଙ୍କ ନେତୃତ୍ୱରେ ଏଇ କର୍ମୀ ସମ୍ମିଳନୀ ଅନୁଷ୍ଠିତ ହୋଇଥିଲା।ଭାରତ ସରକାରଙ୍କ ନୀତି, ବିକାଶ ମୂଳକ ଯୋଜନା,ଭିତ୍ତିଭୂମି ନିର୍ମାଣ,ଶିକ୍ଷା,ସ୍ୱାସ୍ଥ୍ୟ,ପ୍ରାକୃତିକ ବିପର୍ଯ୍ୟୟ ମୁକାବିଲା ସହିତ ଓଡ଼ିଆ ଲୋକଙ୍କୁ ଜାତୀୟ ସ୍ତରରେ ସ୍ୱିକୃତି ପ୍ରଦାନକୁ ପ୍ରାଧାନ୍ୟ ଦେଉଛନ୍ତି।ବିଗତ ୯ବର୍ଷ ଶାସନ କାଳରେ ପ୍ରଧାନମନ୍ତ୍ରୀଙ୍କ ନେତୃତ୍ୱ,କର୍ତ୍ତବ୍ୟ ପ୍ରତି ଅବିଚଳିତ,ପ୍ରତିବଦ୍ଧତା ଦେଶର ବିକାଶକୁ ନୂଆ ପରିଭାଷା ଦେଇଛି।ପୁଣି ଦେଶରେ ସେବା, ସୁଶାସନ,ଐତିହ୍ୟ ଏବଂ ବିକାଶ ତଥା ଗରିବ କଲ୍ୟାଣର ଏକ ଧାରା ପ୍ରବାହିତ ହୋଇଛି

ବୋଲି ବରିଷ୍ଠ ନେତା ଶ୍ରୀ ଗଡତୀୟା ଆୟୋଜିତ କର୍ମୀ ସମ୍ମିଳନୀରେ ଉଦବୋଧନ ଦେବା ସହ ଜନସମର୍ଥନ ଲୋଡିଥିଲେ।ଏହି କର୍ମୀ ସମ୍ମିଳନୀରେ ଦର୍ଲିପାଲି ଓ ପଥର୍ଲା ଗ୍ରାମର ସର୍ବଶ୍ରୀ-  ପୂର୍ଣ୍ଣଚନ୍ଦ୍ର ମହାନନ୍ଦ,ପାନାଲାଲ ଡନସନା,ବାବୁଲାଲ ନାଏକ,ହେମନ୍ତ ବରିହା,ଗୁରୁ ପୋଢ,ଆଶିଷ ପୋଢ,ଆଲୋକ ମାଝି,ଲିଙ୍ଗ ବରିହା,ଟେକଚାନ୍ଦ ତାଣ୍ଡି,ଆଖମରା ତାଣ୍ଡି,ଲକ୍ଷ୍ମଣ ନାଏକ,କର୍ଣ୍ଣ ତାଣ୍ଡି,ପ୍ରକାଶ ପଧାନ,ଜଲପ୍ରସାଦ ବାଗ,ଲଲିତ ବିଗାର,ରାଜ ବିହାରି ସାହୁ,କୀର୍ତ୍ତି କଠାର,ପ୍ରକାଶ ଚନ୍ଦ୍ର ସାହୁ,ପାଣ୍ଡବ ବରିହା,ଗୁଣନିଧି ନାଏକ ଭାରତୀୟ ଜନତା ପାର୍ଟି ର ବିଚାରଧାରା ତଥା ଜମିଦାର ସନତ ଗଡତୀୟାଙ୍କ ନେତୃତ୍ବରେ ଅନୁପ୍ରାଣିତ ହୋଇ ବିଧିବଦ୍ଧ ଭାବେ ବିଜେପି ଦଳରେ ସାମିଲ ହୋଇଥିଲେ।ପଥର୍ଲା ଗ୍ରାମପଞ୍ଚାୟତ ର ହିରେନ ପଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମାବେଶରେ ଅନ୍ୟମାନଙ୍କ ମଧ୍ୟରେ ସାଂସଦ ପ୍ରତିନିଧି ମହେଶ ଦେବତା ସଭାରେ ସଂଯୋଜନା କରିଥିବାବେଳେ,ଶେଷରେ ବାହାଦୂର ମେହେର ଧନ୍ୟବାଦ ଅର୍ପଣ କରିଥିଲେ।