30-Jul-2023

ବୀରମହାରାଜପୁର,  (ବିନୋଦ ପାଣ୍ଡେ )  ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକରେ ପ୍ରହଶନ ପାଲଟିଛି ମହାତ୍ମାଗାନ୍ଧୀ କର୍ମନିଯୁକ୍ତି ଯୋଜନା। ବ୍ଳକର  ଅନେକ ସ୍ଥାନରେ କର୍ମନିଯୁକ୍ତି ଯୋଜନାରେ ଶ୍ରମିକ ବଦଳରେ ମେସିନ ଦ୍ବାରା କାମ କରୁଥିବା ଦେଖିବାକୁ ମିଳିଛି। ଏହି ଅଞ୍ଚଳରେ ଶ୍ରମିକ ମାନେ କାମ ଧନ୍ଦା ନ ପାଇ ଦାଦନ ଯାଉଥିବା ଦେଖିବାକୁ ମିଳିଛି। ଭୁତ ଶ୍ରମିକ ନାମରେ ଟଙ୍କା ଉଠୁଥିବା ବିଭିନ୍ନ ସମୟରେ ଅଭିଯୋଗ ହେଇ ଆସୁ ଅଛି। କେବଳ ନାମକୁ ମାତ୍ର ମନରେଗା ସାମାଜିକ ସମୀକ୍ଷା ବୈଠକ ଅନୁଷ୍ଠିତ ହେଉଥିବା ବିଭିନ୍ନ ମହଲରେ ଚର୍ଚ୍ଚାର ବିଷୟ ପାଲଟିଛି। ବୀରମହାରାଜପୁର ବ୍ଲକ କଲ୍ୟାଣ ମଣ୍ଡପ ଠାରେ ମହାତ୍ମାଗାନ୍ଧୀ ନିଶ୍ଚିନ୍ତ କର୍ମ ନିଯୁକ୍ତି ଯୋଜନାର ସାମାଜିକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ବୀରମହାରାଜପୁର ଗୋଷ୍ଠୀ ଉନ୍ନୟନ ଅଧିକାରୀ ମୋତିଲାଲ ସୁଲିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ସୁବର୍ଣ୍ଣପୁର ଜିଲ୍ଲା ଜିଲ୍ଲାପରିଷଦ ପ୍ରକଳ୍ପ ଅଧିକାରୀ ନିହାର ରଞ୍ଜନ କହଁର ସମସ୍ତ ପ୍ରକଳ୍ପର ସମୀକ୍ଷା କରିଥିଲେ l ଉକ୍ତ କାର୍ଯ୍ୟକ୍ରମ ରେ ବୀରମହାରାଜପୁର ବ୍ଲକ ର ୧୫ ଗୋଟି ଗ୍ରାମପଞ୍ଚାୟତର ମନରେଗାରେ ହୋଇଥିବା କାର୍ଯ୍ୟ ର ସମୀକ୍ଷା କରିବା ସହିତ ବନ ବିଭାଗ, ଜଳଛାୟା ବିଭାଗ, ଉଦ୍ୟାନ ବିଭାଗ ଅଧୀନରେ ଥିବା କର୍ମନିଯୁକ୍ତି ର ସମୀକ୍ଷା କରିଥିଲେ l ଉକ୍ତ ସମୀକ୍ଷା ବୈଠକ ରେ ଜିଲ୍ଲା ପରିଷଦ ସଦସ୍ୟ ଲବ କୁମାର ସାହୁ, ବ୍ଲକ ଉପାଧ୍ୟକ୍ଷ ନାରାୟଣ ଲୁହା,ବ୍ଲକ ସାମାଜିକ ସମୀକ୍ଷା ସଦସ୍ୟ କିଶୋର ହୋତା, ପ୍ରଭଞ୍ଜନ କର୍ମୀ, ସୁରୁ ନାରାୟଣ ମହାକୁର, ଜିଲ୍ଲା ମନରେଗା ଅଧିକାରୀ ସୁବ୍ରତ ମହାକୁର ମନରେଗା ବ୍ଲକ ସମୀକ୍ଷକ ଚୈତନ୍ୟ ମଲ୍ଲିକ, ଗ୍ରାମ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ , ଜୁନିୟର ଇଂଜିନିୟର, ସହକାରୀ ଯନ୍ତ୍ରୀ,ଜି ଆର ଏସ, ଭି ଆର ବି, ପି ଆର ଆଇ ସଦସ୍ୟ ଉପସ୍ଥିତ ଥିଲେ l ଉକ୍ତ କାର୍ଯ୍ୟକ୍ରମ କୁ ଅତିରିକ୍ତ କାର୍ଯ୍ୟକ୍ରମ ଅଧିକାରୀ ସମିତ ମହାକୁର ପରିଚାଳନା କରିଥିଲେ l