28-Jul-2023

ନୂଆପଡା ଜିଲ୍ଲା ବୋଡେନ ବ୍ଲକ ଅନ୍ତର୍ଗତ ଭଇସାଦାନୀ ପଞ୍ଚାୟତ କାଞ୍ଚନପୁର ପଞ୍ଚାୟତର ଖଗେଶ୍ବର ପହରିଆଙ୍କ ପରିବାର। କୌଣସି କାରଣରୁ ଗାଁ ବସ୍ତିରେ ଥିବା ଘର ଭାଙ୍ଗିଗଲା ଏବଂ ନିଜସ୍ୱ ଜାଗା ନଥିବାରୁ ବାସହରା ହୋଇଯାଇଥିବା ପରିବାର ବାଧ୍ୟ ହୋଇ ଭାଗ୍ୟକୁ ଆଦରି ଗାଆଁ ଠାରୁ ପାଞ୍ଚ କିଲୋମିଟର ଦୂରରେ ଘଞ୍ଚ ଜଙ୍ଗଲ ମଧ୍ୟରେ ଏକ କଞ୍ଚା ଚାଳ କୁଡ଼ିଆରେ ରହିବାକୁ ଲାଗିଲେ। ସାମନ୍ୟ ଦିନ ମଜୁରିଆ ହିସାବରେ କାମ କରୁଥିବା ଖଗେଶ୍ୱରଙ୍କ ସ୍ୱଳ୍ପ ରୋଜାଗାର ଏବଂ ପଞ୍ଚାୟତ ତରଫରୁ ମିଳୁଥିବା ୩୫ କେଜି ଚାଉଳରେ ଅତ୍ୟନ୍ତ କଷ୍ଟରେ ଚଳୁଛନ୍ତି ଛଅ ପ୍ରାଣୀ କୁଟୁମ୍ବ। ପ୍ରତିଦିନ ଘଞ୍ଚ ଜଙ୍ଗଲର ଅନ୍ଧାର, ହିଂସ୍ର ଜନ୍ତୁଙ୍କ ଆତଙ୍କ ଓ ନିଜ ଅସହାୟ ପଣିଆ ସହ ସଂଗ୍ରାମ କରୁଛନ୍ତି ଖଗେଶ୍ବର ଓ ତାଙ୍କ ପରିବାର। ଦାରିଦ୍ର୍ୟତାର ତାଡନାରେ ପିଲାମାନଙ୍କ ଶିକ୍ଷାରେ କେବେଠୁ ଡୋରି ଲାଗି ସାରିଲାଣି। ସମସ୍ତ ପ୍ରକାର ସରକାରୀ ସହାୟତାରୁ ବଞ୍ଚିତ ହୋଇ ଜଙ୍ଗଲର ଅନ୍ଧାରରେ ଭୟାତୁର ବତାବରଣରେ ବିପଦପୂର୍ଣ୍ଣ ଭାବେ କାଳାତିପାତ କରୁଥିବା ଖଗେଶ୍ବରଙ୍କ ପାଖରେ ପହଞ୍ଚିଥିଲା ସମସ୍ତଙ୍କ ବିପଦରେ ଛିଡା ହୋଉଥିବା ଅନୁଷ୍ଠାନ ବିପଦର ବନ୍ଧୁ ଓଡିଶା ଅନୁଷ୍ଠାନ। ଖବର ପାଇବା ମାତ୍ରେ ଅନୁଷ୍ଠାନର ନୂଆପଡା ଶାଖାର ସଦସ୍ୟ ମାନେ ସେମାନଙ୍କ ପାଖରେ ପହଞ୍ଚି ସେମାନଙ୍କ ଅବସ୍ଥା ଅନୁଧ୍ୟାନ କରିଥିଲେ l ଭଇସା ଦାନୀ ପଞ୍ଚାୟତ ର କାଞ୍ଚନପୁର ଗାଁ ର ଖଗେଶ୍ୱର ପହଁରିଆ ଜଣେ ଅସହାୟ ଲୋକ ଆଜି ଆମେ ଆମ ବିପଦର ବନ୍ଧୁ ଓଡିଶା ଅନୁଷ୍ଠାନ ତରଫ ରୁ ତାଙ୍କୁ ଗୋଟେ ମାସ ର ରାସନ ସାମଗ୍ରୀ ଓ ତାଙ୍କ ଘର ଘୋଡ଼େଇବାପାଇଁ ପଲିଥିନ ଏବଂ ତାଙ୍କ ପରିବାର ପାଇଁ ନୂଆ ବସ୍ତ୍ର ଦେଇଥିଲୁ ଆଉ ଆଗକୁ ମଧ୍ୟ ଏମିତି ସମସ୍ତଙ୍କର ସାହାଯ୍ୟ କରୁଥିବୁ ଏହି ସମୟରେ ରେ ଆମ ନୂଆପଡା ଶାଖା ର ସଦସ୍ୟ ରାଜେଶ୍ୱର ଦର୍ଜୀ ସଞ୍ଜୟ ଦର୍ଜୀ ଓ ରେବତୀ ନାୟକ ଉପସ୍ଥିତ ଥିଲେ l ନୂଆପଡ଼ା ଜିଲ୍ଲାରୁ ବିଶି ଚନ୍ଦନ ମାଝୀ ରିପୋର୍ଟ୍