28-Jul-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ସରପଞ୍ଚ ସଂଘ ଆଜି ତାଙ୍କର ବିଭିନ୍ନ ସମସ୍ୟା ନେଇ ବିଡ଼ିଓ ଆକାଶରଞ୍ଜନ ସାହୁ ଙ୍କ ଜରିଆରେ ମୁଖ୍ୟମନ୍ତ୍ରୀ ଙ୍କୁ ଦାବିପତ୍ର ପ୍ରଦାନ କରିଛନ୍ତି l ସଂଘ ର ମୁଖ୍ୟଦାବୀ ହେଲା ଆମ ଓଡିଶା ନବୀନ ସରକାର ଯୋଜନା ର ପ୍ରକଳ୍ପ ଚିନ୍ହଟ ଗ୍ରାମସଭା ମାନଙ୍କରେ କରାଯାଇଥିବା ସିଧାସଳଖ ଗ୍ରାମପଞ୍ଚାୟତ କୁ ଏହି ଯୋଜନା କାର୍ଯ୍ୟକାରୀ କରିବା ପାଇଁ କ୍ଷମତା ପ୍ରଦାନ, ଭତ୍ତା ପାଇବାକୁ ଥିବା ଯୋଗ୍ୟ ହିତାଧିକାରୀ ଙ୍କୁ ରାସନ କାର୍ଡ ଯୋଗାଇ ଦେବାପାଇଁ କ୍ଷମତା ପ୍ରଦାନ l ସବୁ କ୍ଷେତ୍ରରେ ସରପଞ୍ଚ ମାନଙ୍କ କ୍ଷମତାରେ ଅଣଦେଖା କରାଯାଉଛି ଏଣୁ ସରକାର ଏ ଦିଗରେ ପଦକ୍ଷେପ ନିଅନ୍ତୁ l ପଂଚାୟତ ର ସରପଞ୍ଚ, ୱାର୍ଡ ସଭ୍ୟ/ସଭ୍ୟା ଙ୍କ ବ୍ଲକ ଗସ୍ତ ଖର୍ଚ୍ଚ ବୃଦ୍ଧି କରାଯାଉ l ପଂଚାୟତ ର ବିଭିନ୍ନ ପ୍ରକଳ୍ପର ବିଲ ପେମେଣ୍ଟ ପାଇଁ ଅଯଥା ବ୍ଲକ କୁ ଦୌଡିବାକୁ ପଡୁଛି ଯେହେତୁ ପଂଚାୟତ ଏକ ସ୍ଥାୟୀତ୍ୟ ସଂସ୍ଥା ବ୍ୟବସ୍ଥା ପଂଚାୟତ କାର୍ଯ୍ୟକ୍ରମ ରେ ଏହି ବ୍ୟବସ୍ଥା ରହୁ l ଡ଼ିଏସସି ଗ୍ରାମ ପଂଚାୟତ ରେ କାର୍ଯ୍ୟକାରୀ ହେବାପାଇଁ ତୁରନ୍ତ ପଦକ୍ଷେପ ନିଆଯାଉ l ମନରେଗା ପ୍ରକଳ୍ପ ର ସମସ୍ତ କାର୍ଯ୍ୟକାରୀ ବ୍ୟବସ୍ଥା ଗ୍ରାମ ପଂଚାୟତ କାର୍ଯ୍ୟାଳୟ ରେ ହେଉ l ଏହାର ସୁ ପଦକ୍ଷେପ ପାଇଁ ଲୋଇସିଂହା ସରପଞ୍ଚ ସଂଘ ଲିଖିତ ଜଣାଇଲେ l ଦାବିପତ୍ର ବେଳେ ସରପଞ୍ଚ ସଂଘ ସଭାପତି ସଞ୍ଜୟ ଗଡତିଆ, ଉପ ସଭାପତି ସୁଦିପ ସା, ସମ୍ପାଦକ କସ୍ତୁବ ସାହୁ, ନବକିଶୋର ନାଏକ, ଲକ୍ଷ୍ମୀ ପଧାନ, ରମାକାନ୍ତ ବିଶ୍ୱାଳ, ବିଜୁଳି ପଧାନ ସହ ବ୍ଲକ ର ଅନ୍ୟାନ୍ୟ ସରପଞ୍ଚ ମାନ ଉପସ୍ଥିତ ଥିଲେ l