21-Jul-2023

ବଲାଙ୍ଗୀର:- କିଛିଦିନ ହେଲା ବଲାଙ୍ଗୀର ରେ ଲଗାଣ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ଜଳାର୍ଣବ ହୋଇଯାଇଛି ସହର । ସହରର ତଳିଆ ଅଞ୍ଚଳରେ ବର୍ଷା ଜଳ ପ୍ରବେଶ କରି ଥିବାରୁ ଜଳବନ୍ଦୀ ଅବସ୍ଥା ଲୋକେ ଭୋଗ କରୁଛନ୍ତି ।ଘରୁ ବାହାରିଲେ  ଆଣ୍ଠୁଏ ପାଣି । ଜିଲ୍ଲାପାଳ ଏବଂ ପୌର ପରିଷଦ ଅଧ୍ୟକ୍ଷା ଜଳବନ୍ଦୀ ଅଞ୍ଚଳ ବୁଲି ଜଳ ନିଷ୍କାସନ

ର ବ୍ୟବସ୍ଥା ରେ ବ୍ୟସ୍ତ । ସହରରେ ଅପ୍ରାକୃତିକ ବନ୍ୟା ଦେଖାଦେଇଛି ।ବର୍ଷ ବର୍ଷ ଧରି ବଲାଙ୍ଗୀର ସହରର ନାଳ ନର୍ଦ୍ଦମା ସଫା ହେଉ ନ ଥିବାରୁ ସହରର ଜଳ ନିଷ୍କାସନ ହୋଇପାରୁ ନ ଥିବା ଏହାର ମୁଖ୍ୟ  କାରଣ ।ଅସରାଏ ବର୍ଷା ରେ ବଲାଙ୍ଗୀର ସହର ଉବୁଟୁବୁ ହେଉଥିବା ବେଳେ ସାଧାରଣ

ଜନତା ଅନେକ ଅସୁବିଧାର ସମ୍ମୁଖୀନ ହେଉଥିବା ପରିଲକ୍ଷିତ ହୁଏ।ତୁହାକୁତୁହା ବର୍ଷା ହେଉଥିବାରୁ ସହର ଭିତରେ ଥିବା ଗଳିକନ୍ଦି ରାସ୍ତା ମୁଖ୍ୟ ରାସ୍ତା ଠାରୁ ବିଚ୍ଛିନ୍ନ ହେବାକୁ ବସିଲାଣି ।ସହରର ପୋଖରୀ ଗୁଡ଼ିକ ପୋତି ହେବାକୁ ବସିଲାଣି । ଏଣୁ ବର୍ଷା ଜଳ ପୋଖରୀ ମାନଙ୍କରେ ସଂରକ୍ଷିତ ହୋଇ ରହି ପାରୁନାହିଁ । ବେଳ ଥାଉ ଥାଉ ଜିଲ୍ଲା ପ୍ରଶାସନ ଜଳ ନିଷ୍କାସନ ର ସ୍ଥାୟୀ ବ୍ୟବସ୍ଥା କଲେ ସହରରେ ଅପ୍ରାକୃତିକ ବନ୍ୟା କୁ ରୋକାଯାଇ ପାରିବ ।

 (ବଲାଙ୍ଗିରରୁ ବାଳକୃଷ୍ଣ ଷଡ଼ଙ୍ଗୀଙ୍କ ରିପୋର୍ଟ )