11-Jul-2023

ବଙ୍ଗୋମୁଣ୍ଡା /ସିନ୍ଧେକେଲା (ଅନୀଲ କୁମାର ତ୍ରିପାଠୀ ): ପଶ୍ଚିମ ଓଡିଶାର ପ୍ରସିଦ୍ଧ ଶୈବପୀଠ ବଲାଙ୍ଗିର ଜିଲ୍ଲାର ରାଣୀପୁର ଝରିଆଲ ଠାରେ ଶ୍ରାବଣ ମାସର ପ୍ରଥମ ସୋମବାର ରେ ବୋଲବମ ଭକ୍ତଙ୍କ ପ୍ରବଳ ଭିଡ ଦେଖିବାକୁ ମିଳିଥିଲା । ଆଖପାଖ ଅଞ୍ଚଳ ସମେତ ରାଜ୍ୟ ତଥା ରାଜ୍ୟ ବାହାରୁ ଶହ ଶହ ସଂଖ୍ୟାରେ ଶ୍ରଦ୍ଧାଳୁ ରାଣୀପୁର ଝରିଆଲ ସ୍ଥିତ ସୋମେଶ୍ୱର ପୋଖରୀରେ ସ୍ନାନ କରି ଜଳ ଉଠାଇ ମନ୍ଦିର କୁ ଯାଇ ପୂଜାର୍ଚ୍ଚନା କରିବା ପରେ ଜଳାଭିଷେକ କରିଥିଲେ । କାଉଡ଼ିଆଙ୍କର ବୋଲବମ ବୋଲବମ , ଭୋଲେ ବାବା ପାର କରେଗା , ଜଟାଧାରୀ ପାର କରେଗା ଆଦି ବିଭିନ୍ନ ନାରା ଧ୍ୱନୀରେ ପୁରା ଅଞ୍ଚଳ ଚଳଚଞ୍ଚଳ ହୋଇଥିଲା । ସୋମେଶ୍ୱର ମନ୍ଦିର ରେ ସକାଳୁ ବୋଲବମ ଭକ୍ତଙ୍କ ଲମ୍ବା ଧାଡି ଦେଖିବାକୁ ମିଳିଥିଲା । ରାଣୀପୁର ଝରିଆଲ ମନ୍ଦିର କମିଟି ପକ୍ଷରୁ ଭକ୍ତଙ୍କ ପାଇଁ ବ୍ୟାପକ ବ୍ୟବସ୍ଥା କରାଯାଇଥିଲା । ମନ୍ଦିର ପୂଜକ ଜଗମୋହନ ତ୍ରିପାଠୀ ପୂଜା କାର୍ଯ୍ୟ ସମ୍ପାଦନ କରିଥିବାବେଳେ

କମିଟି ସଭାପତି ମାଣିକ ଚନ୍ଦ ଜୈନ , ଆବାହକ ଅନିଲ ତ୍ରିପାଠୀ , ଗୋପୀନାଥ ସାହୁ, କ୍ଷୀରସିନ୍ଧୁ ଭୋଇ , ପରମାନନ୍ଦ ଭୋଇ , ସନ୍ୟାସୀ ଭୋଇ , ପ୍ରହଲ୍ଲାଦ ସାହୁ , ମଂଜେସ ମେହେର , ଯୁବରାଜ ବାଗ , ନିତ୍ୟାନନ୍ଦ ପୃସେଠ ପ୍ରମୁଖ ମୁଖ୍ୟ ଭୂମିକା ଗ୍ରହଣ କରିଥିଲେ । ସିନ୍ଧେକେଲାର ଜଣେ ଧାର୍ମିକ ବ୍ୟକ୍ତି ସମସ୍ତ ବୋଲବମ ଭକ୍ତଙ୍କୁ ଅର୍ଣ୍ଣଭୋଗ ଦେଇଥିଲେ ।