11-Jul-2023

ବଙ୍ଗୋମୁଣ୍ଡା /ସିନ୍ଧେକେଲା (ଅନୀଲ କୁମାର ତ୍ରିପାଠୀ ): ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ତହସିଲ ଅନ୍ତର୍ଗତ ସିନ୍ଧେକେଲା ଅଞ୍ଚଳ ଦେଇ ବହି ଯାଇଥିବା ଉନ୍ଦେର ନଦୀର ବାଳି ଚାଳାଣ ଏବେ ଅଞ୍ଚଳବାସୀଙ୍କ ପାଇଁ ଦୁଃଖ ସାଜିଛି। ସିନ୍ଧେକେଲା ଅଞ୍ଚଳର ଲାଇଫ ଲାଇନ କୁହା ଯାଉଥିବା ଉନ୍ଦେର ନଦୀର ବିଭିନ୍ନ ବାଲିଘାଟ କୁ ଟେଣ୍ଡର କରି ଠିକା ଦିଆ ଯାଇଛି। ହେଲେ ଚିନ୍ତାର ବିଷୟ ପ୍ରତିଦିନ ଶହଶହ ଟ୍ରିପ କେବଳ ଉନ୍ଦେର ନଦୀର ବାଳି ଟ୍ରକ, ଟ୍ରାକ୍ଟର ଓ ହାଇୱା ରେ ଜିଲ୍ଲା ତଥା ଜିଲ୍ଲା ବାହାରକୁ ଓ ତା ସହିତ ରାଜ୍ଯ ବାହାରକୁ ମଧ୍ଯ ଉନ୍ଦେର ନଦୀର ବାଲି ଚାଲାଣ ହେଉଛି । ଏଥିପାଇଁ ପ୍ରତିଦିନ ସିନ୍ଧେକେଲା ମୁଖ୍ଯ ରାସ୍ତାରେ ଘୋର ଟ୍ରାଫିକ ଜାମ ର ଶିକାର ହେଉଛନ୍ତି ରାସ୍ତାରେ ଯାତାୟାତ କରୁଥିବା ଲୋକେ ହସ୍ପିଟାଲକୁ 

ଆସୁଥିବା ରୋଗୀ, ବ୍ଯବସାୟୀ, ପୋଲିସ ଷ୍ଟେସନ, ରାଜସ୍ବ ନିରୀକ୍ଷକ, ପ୍ରାଣୀ ଚିକିତ୍ସାଳୟ , ବ୍ୟାଙ୍କ, ସ୍କୁଲ କଲେଜ ଆସୁଥିବା ଛାତ୍ରଛାତ୍ରୀଙ୍କ ଠାରୁ ଆବାଳବୃଦ୍ଧ ବନିତା ସମସ୍ତେ ହଇରାଣ ହରକତ ହେଉଛନ୍ତି ଲୋକେ। ସିନ୍ଧେକେଲା ବାସୀଙ୍କ ହଇରାଣ ହରକତ ବଦଳରେ ଜଦି ଉଚିତ ରାଜସ୍ବ ବି ସରକାରୀ ତହବିଲକୁ ଯାଉଥାନ୍ତା ତେବେ କିଛି କଥା ନାହିଁ କିନ୍ତୁ ମିଳିଥିବା ସୁଚନାନୁଯାଇ ବଙ୍ଗୋମୁଣ୍ଡା ତହସିଲ ଅଞ୍ଚଳରେ ମାଟି ଇଟାର ରୟାଳ୍ଟି , ପଥର ଖାଦାନ ଓ ବାଲିଘାଟ ଗୁଡିକର ଠିକା ତଥା ଫାଇନ ଓ ଅନ୍ଯାନ୍ଯ ମାଧ୍ୟମରେ ଆର୍ଥିକ ବର୍ଷ ୨୦୨୨/୨୩ ରେ ସରକାରୀ ତହବିଲ କୁ ମାତ୍ର ୨ କୋଟି ୯୫ ଲକ୍ଷ ପାଖାପାଖି ଟଙ୍କା ରାଜସ୍ବ ଆଦାୟ ହୋଇଥିବା ଜଣାପଡିଛି। ଏଠାରେ ଚିନ୍ତାର ବିଷୟ ପ୍ରତିଦିନ ଶହଶହ ଟ୍ରିପ କେବଳ ଉନ୍ଦେର ନଦୀର ବାଳି ଟ୍ରକ, ଟ୍ରାକ୍ଟର ଓ ହାଇୱା ରେ ଜିଲ୍ଲା ତଥା ଜିଲ୍ଲା ବାହାରକୁ ଓ ତା ସହିତ ରାଜ୍ଯ ବାହାରକୁ ମଧ୍ଯ ଉନ୍ଦେର ନଦୀର ବାଲି ଚାଲାଣ ହେଉଥିବା ବେଳେ ମାତ୍ର ୨ କୋଟି ୯୫ ଲକ୍ଷ ଟଙ୍କାର ରାଜସ୍ବ ଆଦାୟ ସମୁଦ୍ର କୁ ଶଙ୍ଖେ ପାଣି ସଦୃଶ ନୁହେଁ କି। ଏ ଉପରେ ବିଭାଗୀୟ ଅଧିକାରୀ ମାନେ ଆନ୍ତରିକତା ଦେଖାଇଲେ ରାଜସ୍ବ ଆଦାୟ ବେଶ ବଢିପାରିବ। ତା ମଧ୍ଯରେ ୨୦୨୨/୨୩ ଆର୍ଥିକ ବର୍ଷରେ  ଫାଇନ ରୁ ପ୍ରାୟ ୧୫ ଲକ୍ଷ ଟଙ୍କା ମାତ୍ର ଆଦାୟ ହୋଇଛି। ତଥାପି ପ୍ରଶାସନ କାହିଁକି କେଜାଣି ନିରବ ଦ୍ରଷ୍ଟା ହୋଇ ନିଜ କାମ ସାରି ଦେଉଛି। କୋଉ ଠିକାଦାର କେତେ ଏରିଆ ଲିଜ ନେଇଛି କେତେ ବାଳି ଉଠାଇ ସାରିଲେଣି ତାହା ବୋଧେ କେବଳ କାଗଜ କଲମ ରେ ହିସାବ ହେଉଛି । କାହିଁକିନା  ଲଘୁଖଣିଜ ଦ୍ରବ୍ଯର ସ୍ବତନ୍ତ୍ର ଆଇନକୁ ଦଳି ଚକଟି ଦିନ ରାତି ମେସିନ ସାହାଯ୍ଯରେ ବାଳିଚାଳାଣ ହେଉଥିବା ରାଜସ୍ବ ନିରୀକ୍ଷକ ଙ୍କ ଠାରୁ ତହସିଲଦାର ପର୍ଯ୍ୟନ୍ତ ସମସ୍ତଙ୍କ ଜ୍ଞାତସାରରେ ଥିବାବେଲେ କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନାହିଁ ତାହା ଚିନ୍ତାର ବିଷୟ। ଏ ଉପରେ ପ୍ରଶାସନ ତୁରନ୍ତ ପଦକ୍ଷେପ ନେବାସହ ସିନ୍ଧେକେଲାରେ ହେଉଥିବା ଟ୍ରାଫିକ ଜାମ ପାଇଁ ବାଳିଚାଳାଣ କରୁଥିବା ଗାଡି ଗୁଡିକର ସମୟ ନିର୍ଧାରିତ କରାଯିବା ପାଇଁ ଦାବି ହେଉଛି।