10-Jul-2023

ବରଗଡ଼:-ବରଗଡ ଜିଲ୍ଲା ବିଜେପୁର କୃଷି ସେବା ସମବାୟ ସମିତି ଲିଃ ରେ ଆଜି ଅନୁଷ୍ଠିତ ହେବାକୁ ଥିବା ବୋର୍ଡ ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲର ଅନ୍ତିମ ଦିବସ ଥିଲା।ହେଲେ ଏଠାକାର ଚାଷୀକୁଳ ହତାଶା ନିରାଶା ମଧ୍ୟରେ ଗତି କରିଚାଲିଥିବା ସମୟରେ ସରକାର ନିର୍ବାଚନ କରିବା ଏକ ପ୍ରକାରର ଚ୍ୟାଲେଚ ଅଟେ।ଅଦ୍ୟାବଧି ୨୦୨୧ର ଖରିଫ ବୀମା ରାଶି ଚାଷୀକୁଳ ପାଇ ପାରିନଥିବାରୁ ବାଧ୍ୟହୋଇ ନିର୍ବାଚନ ବାତିଲ କରିବା ପାଇଁ ବିଜେପୁର ସମବାୟ ସମିତି ପରିସରରେ ଧାରଣା ଦେଇ କାର୍ଯ୍ୟାଳୟକୁ ଘେରିଥିଲେ।ବୀମା ନାଇଁ ତ ଭୋଟ ନାଇଁ ଦାବିରେ ଚାଷୀ ଅଡି ବସିଛନ୍ତି।ପରେ  କୃଷକ ସଂଗଠନର ସଭାପତି ସୁବାଷ ପଧାନଙ୍କ ସଭାପତିତ୍ୱ ଓ ଜୟନ୍ତ

ଗଡତୀୟାଙ୍କ ସଂଯୋଜନାରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା।ଏକ୍ରମରେ ବିଜେପୁର ଜମିଦାର ସନତ କୁମାର ଗଡତୀୟା, ପାଣ୍ଡବ ପଧାନ,ରଜନୀକାନ୍ତ ଗଡତୀୟା,ରଞ୍ଜିତ ପଟେଲ,ଦେବାନନ୍ଦ ଗଡତୀୟା,ଚୁଡ଼ାମଣି ସାହୁ,ଜିଲ୍ଲାପରିଷଦ ସଦସ୍ୟ ସୁଶାନ୍ତ ଗଡତୀୟା,ବାବୁଲୁ ପଧାନ,ନରସିଂହ ପୂଜାରୀ,ଜୟକୃଷ୍ଣ ଡନସନା ପ୍ରମୁଖ ଶତାଧିକ ଚାଷୀ ଏହାକୁ ଦୃଢ଼ ସମର୍ଥନ ଜଣାଇ ନିଜନିଜ ମତାମତ ଉତ୍ଥାପନ କରିଥିଲେ।ଆଗାମୀ ଦିନରେ ଏଇ ନିର୍ବାଚନ ପ୍ରକ୍ରିୟା କୁ ବୀମାରାଶୀ ଚାଷୀ ନ ପାଇବା ପର୍ଯ୍ୟନ୍ତ ନିର୍ବାଚନ କୁ ସ୍ଥଗିତ ରଖିବାକୁ ଫେକ୍ସ ସମ୍ପାଦକ ଏବଂ ନିର୍ବାଚନ ଅଧିକାରୀଙ୍କୁ ଜଣାଇଦିଆଯାଇଛି।ଉକ୍ତ ଅଧିକାରୀ ବୃନ୍ଦ ଆଜିକାର ନିର୍ବାଚନ କୁ ବାତିଲ କରାଗଲା ବୋଲି ମତପ୍ରଦାନ କରିଥିଲେ।