10-Jul-2023

ବରଗଡ଼:-ବରଗଡ ଜିଲ୍ଲା ବିଜେପୁର ବ୍ଲକର ଅଗ୍ରଣୀ ସାହିତ୍ୟ ଅନୁଷ୍ଠାନ ଖଗେଶ୍ୱର ସାହିତ୍ୟ କଲା ପରିଷଦର ବୈଠକ ସଭାପତି ମୋହନସିଂ କହ୍ନେଇଙ୍କ ଅଧ୍ଯକ୍ଷତାରେ ଅନୁଷ୍ଠିତ ହୋଇଯାଇଛି। ବାର୍ଷିକ ସମଲପୁରୀ ସାହିତ୍ୟ ପତ୍ରିକା ମହକେଲ ଆଗାମୀ ଗଙ୍ଗାଧର ଜୟନ୍ତୀ ସମାରୋହରେ ପ୍ରକାଶନ ନିମିତ୍ତ ମତପ୍ରକାଶ ପାଇଥିଲା। ତେଣୁ ଲେଖକଗଣ ନିଜର ଅପ୍ରକାଶିତ ସମ୍ବଲପୁରୀ ସ୍ରୁଜନାତ୍ମକ ଲେଖା ସଂପାଦକ ଖଗେଶ୍ୱର ସାହିତ୍ୟ କଲା ପରିଷଦ ବିଜେପୁର ଠିକଣାରେ ପ୍ରେରଣ କରିବାକୁ ବୈଠକରେ ଅନୁରୋଧ କରଯାଇଛି। ଅପରପକ୍ଷରେ ପ୍ରତିବର୍ଷ ଭଳି ଗଙ୍ଗାଧର ଜୟନ୍ତୀ ପୂର୍ବରୁ ଅନୁଷ୍ଠିତ ହେଉଥିବା ହାଇସ୍କୁଲ, କଲେଜ ସ୍ତରୀୟ ପ୍ରବନ୍ଧ ଲିଖନ, ବକ୍ତ୍ରୁତା, ତର୍କ ପ୍ରତିଯୋଗିତା ଆୟୋଜନ କରାଯିବାକୁ ପ୍ରସ୍ତାବ ହୋଇଛି। ବିଜେପୁର ବ୍ଲକରେ ଅଧ୍ୟୟନରତ କିମ୍ବା ଏହି ଅଞ୍ଚଳର ଛାତ୍ରଛାତ୍ରୀ ଅନ୍ୟତ୍ର ପାଠ ପଢୁଥିଲେ ମଧ୍ଯ ଏଥିରେ ସାମିଲ ହୋଇପାରିବେ ବୋଲି ନିୟମ ରଖାଯାଇଛି। ଉକ୍ତ ପ୍ରତିଯୋଗିତା ଚଳିତମାସ ୨୮ ଶୁକ୍ରବାର ଦିନ ବିଜେପୁର ରେଡିଏନ୍ସ କଲେଜ ପରିସରରେ ଅନୁଷ୍ଠିତ ହେବାକୁ ନିଷ୍ପତ୍ତି ହୋଇଛି। ଏଥିରେ ଅଂଶ ଗ୍ରହଣ କରିବାକୁ ପ୍ରତିଯୋଗୀଗଣ ଜୁଲାଇ ୨୫ ସୁଦ୍ଧା ସଂପାଦକ ଖଗେଶ୍ୱର ସାହିତ୍ୟ କଲା ପରିଷଦ ବିଜେପୁର ମୋ ୭୬୦୮୦୮୦୯୦୯ରେ ପଞ୍ଜିକରଣ କରିବାକୁ ନିବେଦନ କରାଯାଇଛି। ଅଧ୍ୟାପକ ଡ.ପ୍ରଦୀପ କୁମାର ପଧାନ,ଉପସଭାପତି ଦିଲ୍ଲୀପ  କୁମାର ଦେବତା,କ୍ରାନ୍ତିକବି ହରିଲାଲ ସାହୁ, ସାବିତ୍ରୀ ମେହେର, କରାଟ କଳାପଟା ସାହିତ୍ଯର ସଂପାଦକ ମକରଧ୍ୱଜ ସାହୁ, ଯୁବକବି ଦିଲେଶ ମେହେର, ସଂଗଠକ ପାଣ୍ଡବ ପଧାନ, ସଂପାଦକ ରାଜେଶ୍ବର ବେହେରା ପ୍ରମୁଖ ଯୋଗଦେଇ ଆଲୋଚନାରେ ସାମିଲ ହୋଇଥିଲେ। କୋଷାଧ୍ୟକ୍ଷ ଦେବାଶିଷ ମେହେର ଧନ୍ଯବାଦ ଅର୍ପଣ କରିଥିଲେ।