01-Jul-2023

ବିନିକା(ହିମାଂଶୁ ଶେଖର ପୁଟେଲ): ଆସନ୍ତା ଜୁଲାଇ ୪ତାରିଖରେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବ୍ୟକ୍ତିଗତ ତଥା ୫ଟି ସଚିବ ଭି.କେ.ପାଣ୍ଡିଆନ ବିନିକା ଗସ୍ତରେ ଆସୁଛନ୍ତି ।ତାଙ୍କ ଗସ୍ତ ପୂର୍ବରୁ ଆଜି ସନ୍ଧ୍ୟାରେ ରାଜ୍ୟ ବିଜୁ ଜନତା ଦଳ ସାଂଗଠନିକ ସାଧାରଣ ସମ୍ପାଦକ,ଯାଜପୁର ବିଧାୟକ ତଥା ଓଡ଼ିଶା କ୍ରିକେଟ ଏସୋସିଏସନର ସଭାପତି

ପ୍ରଣବ ପ୍ରକାଶ ଦାଶ(ବବି) ବିନିକା ଗସ୍ତରେ ଆସି ବିଜୁ ପଟ୍ଟନାୟକ ଷ୍ଟାଡିୟମ ଓ ପର୍ଯ୍ୟଟନ ସ୍ଥଳୀ ପୁଣ୍ୟପୀଠ ପାପକ୍ଷୟ ଘାଟ ପରିଦର୍ଶନ କରିଥିଲେ । ସ୍ଥାନୀୟ ମହାନଦୀ ସେତୁ ନିକଟରେ ଥିବା ବିଜୁ ପଟ୍ଟନାୟକ ଷ୍ଟାଡିୟମକୁ ପହଞ୍ଚିବା ପରେ ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର ଶ୍ରୀ ଦାଶଙ୍କୁ ଉପଡୋକନ ଦେଇ ସମ୍ବର୍ଦ୍ଧିତ କରିଥିଲେ।ସେହିପରି ଶ୍ରୀ ଦାଶଙ୍କ ସହ ଆସିଥିବା ମାନ୍ୟବର ମନ୍ତ୍ରୀ ନିରଞ୍ଜନ ପୂଜାରୀ,ବୀରମହାରାଜପୁର ବିଧାୟକ ପଦ୍ମନାଭ ବେହେରା,ବରଗଡ଼ ବିଧାୟକ ଦେବେଶ ଆଚାର୍ଯ୍ୟଙ୍କୁ ମଧ୍ୟ ସ୍ପୋର୍ଟସ କ୍ଲବର କର୍ମକର୍ତ୍ତା ମାନେ ସମ୍ବର୍ଦ୍ଧିତ କରିଥିଲେ । ବିଜୁ ପଟ୍ଟନାୟକ ଷ୍ଟାଡିୟମ ଉନ୍ନତିକରଣ ପାଇଁ ଶ୍ରୀ ଦାଶ ତାର ପରିସର ଦେଖିବା ସହିତ ସମସ୍ୟା ଉପରେ ସ୍ପୋର୍ଟସ କ୍ଲବ ସଭାପତିଙ୍କ ଠାରୁ ପ୍ରାଞ୍ଜଳ ଭାବେ ଅବଗତ ହୋଇଥିଲେ ।ପରେ ପର୍ଯ୍ୟଟନ ସ୍ଥଳୀ ପାପକ୍ଷୟ ଘାଟ ପରିଦର୍ଶନ କରି ଏହାର ଏତିହ୍ୟ କିମ୍ବଦନ୍ତୀ ଉପରେ ଅବଗତ ହୋଇଥିଲେ ।ଏହି ଅବସରରେ ବିନିକା ନଗରପାଳ ସୁବାସ ଚନ୍ଦ୍ର ଭୋଇ,ବିଜୁ ଜନତା ଦଳ ଜିଲ୍ଲା ଯୁବ ସଭାପତି ଅଶୋକ ନନ୍ଦ,ପାପକ୍ଷୟ ଘାଟ ପରିଚାଳନା କମିଟି ସଭାପତି ସନ୍ତୋଷ

ପଣ୍ଡା,ଆଇନଜୀବୀ ସୁଧାଂଶୁ ଶେଖର ଦାଶ,ବିଜେଡ଼ି ବ୍ଲକ ସଭାପତି ଦ୍ବାରିକାନାଥ ସାହୁ,ବିଜେଡ଼ି ସଂଗଠକ ଭୀମସେନ ସାହୁ,ବିନୋଦ ବିହାରୀ ନାୟକ,ଶେଖର ଶର୍ମା,ପୀତବାସ ମେହେର,ବିହାରିଲାଲ ମିଶ୍ର,ଧର୍ମେନ୍ଦ୍ର ଥନାପତି,ଧର୍ମରାଜ ପଣ୍ଡା,ସନ୍ତୋଷ ସାହୁ,ଆନନ୍ଦ ହୋତା,ନାରାୟଣ ଲୁହା,ଦୀନବନ୍ଧୁ ମେହେର, କେଦାର ପଣ୍ଡା,ମାନସ ବେହେରା,ପ୍ରଦୀପ ସେଠୀ,ରବୀନ୍ଦ୍ର ପାତ୍ର,ସ୍ପୋର୍ଟସ କ୍ଲବ ସମ୍ପାଦକ ମନୋଜ ଦାସ,କୋଷାଧ୍ୟକ୍ଷ ହିମାଂଶୁ ଶେଖର,ଉପ ସଭାପତି ବୁଲୁ ଦଣ୍ଡିଆ,ପ୍ରତାପ ସାହୁ,ବିଶେଶ୍ୱର ଦଣ୍ଡସନା ପ୍ରମୁଖଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ,କ୍ରୀଡା ପ୍ରେମୀ ଓ ବିଜୁ ଜନତା ଦଳର କର୍ମୀ ଉପସ୍ଥିତ ଥିଲେ ।