01-Jul-2023

ବଲାଙ୍ଗୀର, ଆଜି ସକାଳେ ବଲାଙ୍ଗୀର ପେଲେସ ଲାଇନ ବାସୀନ୍ଦା ତଥା ଆଇନଜୀବୀ ସଂଜୀବ ହୋତାଙ୍କ ଧର୍ମପତ୍ନୀ ମହିଳା ଆଇନଜୀବୀ ଶ୍ରୀମତୀ ସ୍ୱାଗତିକା ମିଶ୍ର  ଙ୍କ  ମାତ୍ର ୪୨ବର୍ଷ   ବୟସରେ ପରଲୋକ ହୋଇଯାଇଛି । ଶ୍ରୀମତୀ ଦୀର୍ଘ ଦିନ ଧରି କର୍କଟ ରୋଗରେ ପୀଡିତ ଥିଲେ । ଆଜି ସକାଳେ ମୁମ୍ବାଇ ଠାରେ ଚିକିତ୍ସାଧୀନ ଅବସ୍ଥାରେ ସ୍ୱାଗତିକା ମିଶ୍ର ଙ୍କ ପରଲୋକ ହୋଇଯାଇଛି ।  ସ୍ୱାଗତିକାଙ୍କ  ସ୍ୱାମୀ ସଂଜୀବ ହୋତା ମଧ୍ୟ ଜିଲ୍ଲା ଓକିଲ ସଂଘର ଜଣେ ସଭ୍ୟ ଅଛନ୍ତି ।  ସ୍ୱାଗତିକାଙ୍କ ପିଲା ଦିନରୁ  ସଙ୍ଗୀତ ଓ କଳା ପ୍ରତି ଗଭୀର ରୂଚି ଥିଲା ।   ଆଜି ସ୍ଥାନୀୟ ବାର୍ ହଲ୍ ଠାରେ ଶ୍ରୀମତୀ ସ୍ୱାଗତିକା ମିଶ୍ରଙ୍କ ଅକାଳ ବିୟୋଗରେ ଏକ ଶୋକସଭା ଅନୁଷ୍ଠିତ ହୋଇଥିଲା । ସଂଘର ସଭାପତି ଅମରେଶ ତ୍ରିପାଠୀଙ୍କ ଆବାହକତ୍ୱରେ ଅନୁଷ୍ଠିତ ଏହି ସଭାରେ ପ୍ରଥମେ  ଅମର ଆତ୍ମାର ସଦ୍‌ଗତି ପାଇଁ ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା । ଏହି ଶୋକସଭାରେ ଜିଲ୍ଲା ଓକିଲ ସଂଘର ବହୁ ସଭ୍ୟ, ସଭ୍ୟା ଯୋଗ ଦେଇ ସ୍ୱର୍ଗତ ସ୍ୱାଗତିକା ମିଶ୍ର ଙ୍କ ସ୍ମୃତିଚାରଣ କରିଥିଲେ ।