01-Jul-2023

ତୁଷୁରା (ପଞ୍ଚାନନ ନାଏକ) ବଲାଙ୍ଗିର ଜିଲ୍ଲା ପ୍ରଶାସନ, ଏଡ଼ ଏଟ୍ ଏକ୍ସନ୍ ଓ ୟୁନିସେଫ ଦ୍ୱାରା ତୁଷୁରା ଏନ୍ ଏ ସି କାର୍ଯ୍ୟାଳୟ ଠାରେ  ବିଭିନ୍ନ ସଂଗଠନର ସଦସ୍ଯ ମାନଙ୍କୁ ନେଇ ଶିଶୁ ଶ୍ରମିକ ଉପରେ ଏକ ସଚେତନତା କାର୍ଯ୍ୟକ୍ରମ ଆୟୋଜନ କରାଯାଇଛି | ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଏନ୍ ଏ ସି ଅଧ୍ୟକ୍ଷ  ଅଜୟ ଜୟଶ୍ବାଳ, କାର୍ଯ୍ୟନିର୍ବାହୀ ଅଧିକାରୀ ବିପିନ ବିହାରୀ ଦୀପ, ଗୁଡ଼ଭେଲାବ୍ଳକ ସିଡ଼ିପିଓ ପ୍ରତିମା ଚୋପଦାର୍, ଏଡ଼ ଏଟ୍ ଏକ୍ସନ୍ ର ଜିଲ୍ଲା ସଂଯୋଜିକା ସନ୍ଧ୍ୟାରାଣୀ ପତି ଏବଂ ବିଭିନ୍ନ ୱାର୍ଡର କାଉନସିଲର, ସ୍ଵୟଂ ସହାୟକ ମହିଳା ସଂଘ, ଅଙ୍ଗନୱାଡି କର୍ମୀ, ବ୍ୟବସାୟିକ ସଂଘ ଏହି ସଚେତନତା କାର୍ଯ୍ୟକ୍ରମରେ  ଯୋଗ ଦେଇଥିଲେ। କାର୍ଯ୍ୟନିର୍ବାହୀ ଅଧିକାରୀ  ଶ୍ରୀ ଦୀପ୍ କାର୍ଯ୍ୟକ୍ରମ କୁ ପରିଚାଳନା କରିଥିବା ବେଳେ ଶ୍ରୀମତୀ ପତି ଶିଶୁ ଶ୍ରମିକ ଆଇନ ବିଷୟ ରେ ବୁଝେଇବା ସହ ଶିଶୁ ଶ୍ରମିକ କୁ ନିୟୋଜିତ କରୁଥିବା ବ୍ୟକ୍ତି କୁ ୫୦ହଜାର ଟଙ୍କା ଜୋରିମାନା ସହ କାରାଦଣ୍ଡ ମଧ୍ୟ

ଭୋଗିବାକୁ ପଡ଼ିଥାଏ ବୋଲି ସୂଚନା ଦେବା ସହ ଓଡିଶା ରାଜ୍ୟ ଶିଶୁ ସୁରକ୍ଷା ଆୟୋଗ ର ନିର୍ଦେଶାବଳୀ ବିଷୟରେ କହିଥିଲେ।  ଅଧ୍ୟକ୍ଷ ଶ୍ରୀ ଜୟଶ୍ବାଳ ଅଂଚଳରେ ପୋଷ୍ଟର ତଥା ଡ଼ାକବାଜି ଯନ୍ତ୍ର ମାଧ୍ୟମରେ ସୂଚନା ଦେବା ସହ କିପରି ଭାବରେ ଅଞ୍ଚଳକୁ ଶିଶୁ ଶ୍ରମିକ ମୁକ୍ତ କରିହେବ ତାହା ବିଷୟ ରେ ଆଲୋକପାତ କରି ଆଇନ କଡାକଡୀ ଭାବରେ କାର୍ଯ୍ୟକାରୀ କରାଯିବ ସେହି ବିଷୟ ରେ ବୈଠକ ରେ ନିଷ୍ପତି ନେଇଥିଲେ। ବୈଠକରେ ଆସିଥିବା ବିଭିନ୍ନ ବ୍ୟବସାୟିକ ସଂଘ ନିଜ ମତାମତ ପ୍ରକାଶ କରିଥିଲେ I