12-Jun-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ଜିଲ୍ଲାର ଡୁଙ୍ଗୁରିପାଲି ଥାନା ରେ ମୋ- ସରକାର ଆନୁକୂଲ୍ଯରେ ଏକ ବିଶାଳ ରକ୍ତ ଦାନ ଶିବିର  ଅନୁଷ୍ଠିତ ହୋଇଯାଇଛି l ଶିବିରକୁ ଅନୁଷ୍ଠାନିକ ଭାବେ ମୁଖ୍ୟ ଅତିଥି ମାନ୍ୟବର ସ୍ୱାସ୍ଥ୍ୟ, ପରିବାର କଲ୍ୟାଣ ଓ ସାଂସଦୀୟ ବ୍ୟାପାର ମନ୍ତ୍ରୀ ନିରଞ୍ଜନ ପୂଜାରୀ ଉଦଘାଟନ କରି ରକ୍ତର ଅଭାବରେ ଯେମିତି କୌଣସି ରୋଗୀଙ୍କ ମୃତ ନ ହେବ ସେଥି ପାଇଁ ପ୍ରତି ଗ୍ରାମରେ ରକ୍ତଦାନ ଶିବିର ଆୟୋଜନ କରିବା ସକାଶେ ଆଗେଇ ଆସିବା ଉଚିତ ବୋଲି କହିଥିଲେ।  ସାମ୍ମାନୀତ ଅତିଥି ଜ଼ିଲ୍ଲା ପରିଷଦ ଅଧ୍ୟକ୍ଷ ଶ୍ରୀମତୀ ସୁପାର ଠେଲା, ଜ଼ିଲ୍ଲା ପୋଲିସ  ଆରକ୍ଷୀ ଅଧିକ୍ଷକ ଅମରେଶ ପଣ୍ଡା, ରାମପୁର ଶ୍ରୀରାମ ମହାବିଦ୍ୟାଳୟ ପରିଚାଳନା କମିଟି ସଭାପତି ରମେଶ ପୂଜାରୀ, ଡୁଙ୍ଗୁରିପାଲି ଆଇ ଆଇ ସି ସତ୍ୟନାରାୟଣ ପଧାନ, ଡୁଙ୍ଗୁରିପାଲି ବ୍ଲକ ଉପlଧ୍ୟକ୍ଷ ମକରଧ୍ବଜ ସାହୁ ଉପସ୍ଥିତ ରହି ରକ୍ତଦାତା ମାନଙ୍କୁ ଉତ୍ସlହିତ କରିଥିଲେ l ଜିଲ୍ଲା ପୋଲିସର ରକ୍ତ ସଂଯୋଜକ ମନୋଜ ପଣ୍ଡା ଓ ବିଭୁଦତ୍ତ ବିଶ୍ବାଳ ସଭାକାର୍ଯରେ ମଞ୍ଚ ପରିଚାଳନା କରିଥିଲେ । ଡୁଙ୍ଗୁରିପାଲି ଥାନା ଅନ୍ତର୍ଗତ ସମସ୍ତ୍ ସାମାଜିକ ସଂଗଠନ ମାରୱାଡ଼ି ଯୁବମଞ୍ଚ, ଓଁକାର ସଂଘ , ଓଡ଼ିଶା ଡ୍ରାଇଭର ମହାସଂଘ, ପତଂଜଳୀ ସମିତି, କୋଶଳ ସେନା, କୋଶଳ ସାମ୍ବାଦିକ ସଙ୍ଘ , ବଣିକ ସଂଘ, ସମସ୍ତ ଜନ ପ୍ରତିନିଧି ମିସନ ଶକ୍ତି ଆଦି ବହୁ ବଦାନ୍ୟ ଲୋକଙ୍କ ସହାୟତାରେ  ଆଜି ଏ ଶିବିର ଓଡ଼ିଶା ରେକର୍ଡ ସୃଷ୍ଟି କରି ପାରିଛି। ଆଜିର ଏହି ଶିବିର ରେ ୫୩୩ଜଣ ରକ୍ତଦାତା ଙ୍କ ମଧ୍ୟ୍ୟ ରେ ୯୨ ଜଣ ନୂତନ ରକ୍ତ ଦାତା ଓ ୧୨୪ ଜଣ ମହିଳା ରକ୍ତ ଦାନ କରିଥିଲେ । ଡୁଙ୍ଗୁରିପାଲି ର ଏସ ଆଇ ଟଙ୍କଧର ଛତରିଆ, ହାବିଲଦାର ଦୟାନିଧି ବେହେରା , ପିତାମ୍ବର ବୁଡେକ ପ୍ରମୁଖ ରକ୍ତଦାନ ଶିବିର ରେ ସହୟୋଗ କରିଥିଲେ। ସୁବର୍ଣ୍ଣପୁର ରକ୍ତକେନ୍ଦ୍ରକୁ ୯୫ ଓ ବୁର୍ଲା ରକ୍ତକେନ୍ଦ୍ର କୁ ୨୪୨, ବରଗଡ କୁ ୯୩ ଓ ବଲାଙ୍ଗିର କୁ ୧୦୩ ୟୁନିଟ ରକ୍ତଦାନ କରାଯାଇଛି । ପ୍ରତି ରକ୍ତକେନ୍ଦ୍ରର ଅଧିକାରୀ ଡାକ୍ତର ଅର୍ପିତା ପାଣ୍ଡିଆଙ୍କ  ନେତୃତ୍ବରେ ଦେବାଶିଷ ମିଶ୍ର, ଟିଟୁ ଭୋଇ, ଭୁବନେଶ୍ଵର ସାହୁ,

ରଂଜନ ବର।ଟ ପ୍ରମୁଖ ରକ୍ତ ସଂଗ୍ରହ କରିଥିଲେ । ଏହା ପୂର୍ବରୁ  ଏସପି ଶ୍ରୀ ପଣ୍ଡା ଙ୍କ ପ୍ରତ୍ୟକ୍ଷ ତତ୍ୱାବଧାନରେ ସୋନପୁର ଥାନାରେ ୩୬୪ ୟୁନିଟ ଓ ଉଲୁଣ୍ଡା ଥାନା ପକ୍ଷରୁ 509 ୟୁନିଟ ରକ୍ତ ସଂଗ୍ରହ କରି  ଦିନିକିଆ ରକ୍ତଦାନ ଶିବିରରେ ଓଡିଶା ରେକର୍ଡ ସୃଷ୍ଟି କରିଥିଲା l ଏସବୁ ସଫଳତାର ଶ୍ରେୟ  ଏସପି ଶ୍ରୀ ପଣ୍ଡା ଙ୍କ ସମେତ ସମସ୍ତ ଥାନା ଅଧିକାରୀ କର୍ମଚାରି, ଓ ମନୋଜ ପଣ୍ଡାଙ୍କ ଭଳି ଉଦ୍ୟୋକ୍ତl, ସମାଜସେବୀ ସଂଗଠନ ଓ ନୁଆଁ ଯୁବ ରକ୍ତଦାତାଙ୍କୁ ଯିବ ନଶ୍ଚିତ l