12-Jun-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ଗତକାଲି ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ  ନିରଞ୍ଜନ ପୂଜାରୀ ସନ୍ଧ୍ୟାରେ ସୋନପୁରର ଶ୍ରୀ  ଗୋପାଳଜୀ ତଡିତ ମନ୍ତ୍ର ଶ୍ୱାସ ଯୋଗାଳୟ ପରିଦର୍ଶନ କରିଥିଲେ l ମନ୍ତ୍ରୀ ଶ୍ରୀ ପୂଜାରୀଙ୍କୁ ଯୋଗାଳୟ ମୁଖ୍ୟ ଫାଟକ

ରୁ ଅନୁଷ୍ଠାନର କର୍ମକର୍ତ୍ତା ସ୍ୱାଗତ କରି ପାଛୋଟି ନେଇଥିଲେ l ସଭାପତି ହରିହର ଶତପଥୀଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ମୁଖ୍ୟ ଅତିଥି ଭାବେ ମନ୍ତ୍ରୀ ଶ୍ରୀ ପୂଜାରୀ ଯୋଗ ଦେଇ ଅନୁଷ୍ଠାନ ବାତାବରଣ ପରିବେଶ ଓ ସଭ୍ୟଙ୍କ ଉତ୍ସର୍ଗକୁ ଖୁବ ପ୍ରଶଂସା କରି  ନିଜ ଉଦ୍ୟମରେ ଏଭଳି ଏକ ସୁନ୍ଦର ଓ ଭବ୍ୟ ଅନୁଷ୍ଠାନ ନିର୍ମାଣ ମୁଁ ପ୍ରଥମ ଥର ଦେଖି ଆଶ୍ଚର୍ଯ୍ୟ ହୋଇଛି ବୋଲି କହିଥିଲେ l ଏବଂ ଆଗାମୀ ଦିନରେ ମୁଁ ଅନୁଷ୍ଠାନରେ ସାମିଲ ହୋଇ ଯୋଗାଭ୍ୟାସ କରିବି ବୋଲି କହି ସୋନପୁର ସହରକୁ ମୁଁ ଖୁବ ନିକଟରୁ ଦେଖିଚି ବୋଲି କହିଥିଲେ l ଏ ଅନୁଷ୍ଠାନ ର ରାସ୍ତା ଓ  ଯୋଗ ପ୍ରଶିକ୍ଷଣ ହଲ କୁ ଖୁବ ଶୀଘ୍ର ନିର୍ମାଣ ପାଇଁ ପ୍ରତିସୂତୀ ଦେଇଥିଲେ l ଶିକ୍ଷାବିଦ ପ୍ରଦୀପ ପୁରୋହିତ ଅତିଥି ଆମନ୍ତ୍ରଣ କରି ସ୍ୱାଗତ ଭାଷଣ ଦେଇଥିବା ବେଳେ  ଭାରତ ସରକାରଙ୍କ ପ୍ରଚେଷ୍ଟାରେ ଯୋଗ ଉପରେ ଜାତି ସଂଘରେ ମାନ୍ୟତା ମିଳିବା ପରେ ଆନ୍ତର୍ଜାତୀୟ ଯୋଗ ଦିବସ ପାଳନ କରୁଛି ତେଣୁ  ଆପଣଙ୍କ ସ୍ୱାସ୍ଥ୍ୟ ଭଳି ଗୁରୁତ୍ୱ

ପୁର୍ଣ ବିଭାଗ  ପକ୍ଷ ରୁ ଏ ଯୋଗ ପୀଠର ବହୁ ବିକାଶ ଆଶା କରୁଛି ବୋଲି କହିଥିଲେ l  ଅନୁଷ୍ଠାନର ଅଧ୍ୟକ୍ଷ୍ୟ ସନ୍ତୋଷ  ପାଢ଼ୀ, ସମ୍ପାଦକ ଆର୍ତ୍ତ ତ୍ରାଣ ବାବୁ, ସହ ସମ୍ପାଦକ ଜ୍ୟୋତି ରଞ୍ଜନ ପଟ୍ଟନାୟକ ମଞ୍ଚlସିନ ରହି ଅନୁଷ୍ଠାନର ବିବରଣୀ ପାଠ କରି ବିଭିନ୍ନ ଦାବି ଉପସ୍ଥାପନା କରିଥିଲେ l ଅନୁଷ୍ଠାନର ଶୁଭେଛୁ ଶ୍ରୀବତ୍ସ ମଲ୍ଲିକ ଓ ସଂଯୋଜକ ନିରଞ୍ଜନ ତ୍ରିପାଠୀଙ୍କ ଦ୍ୱାରା ଫୁଲ ତୋଡ଼ା ଓ ଉପଢୌକନ ପ୍ରଦାନ ପୂର୍ବକ ମନ୍ତ୍ରୀଙ୍କୁ ସ୍ୱାଗତ କରାଯାଇଥିଲା l ଶେଷରେ ଜ୍ୟୋତି ରଞ୍ଜନ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ l   ଏଠାରେ ଅନୁଷ୍ଟାନ ର  ସମସ୍ତ ସଭ୍ୟ ଓ ସହର ର ବହୁ ବରିଷ୍ଠ ନାଗରିକ ବୁଦ୍ଧିଜୀବୀ ଯୋଗ ଦେଇଥିଲେ l