12-Jun-2023

ବଲାଙ୍ଗିର (ପ୍ରେରଣା ଖବର ): ବେଆଇନ ଗଞ୍ଜେଇ କାରବାର କରୁଥିବା ଅଭିଯୋଗରେ ୪ ଜଣ ଅଭିଯୁକ୍ତଙ୍କୁ ଗିରଫ କରିଛି ବଲାଙ୍ଗିର ପୁଲିସ । ଗିରଫ ହୋଇଥିବା ଅଭିଯୁକ୍ତ ମାନେ ହେଲେ  ପ୍ଯାଲେସ ଲାଇନ୍ ର ଶୁଭମ ପଟ୍ଟନାଏକ(୨୩), ଇଚ୍ଛାପଡାର କରନ ସାହୁ(୩୦), ରାଜେନ୍ଦ୍ର ପଡାର ରମିତ ସାହୁ(୨୦) ଓ ଉତ୍ତରପ୍ରଦେଶ ର ଭାଦୋୟା ଜିଲ୍ଲା ଅନ୍ତର୍ଗତ ଉଗପୁରର ୟଶ କୁମାର(୨୭) ବୋଲି ଜଣାପଡିଛି ।

 ସୂଚନା ଅନୁସାରେ  ରବିବାର ସକାଳ ୧୦ ଘଣ୍ଟା ସମୟରେ ବିଶେଷ ସୂତ୍ରରୁ ଖବର ପାଇ ଏକ ସ୍ବତନ୍ତ୍ର ଟିମ୍ କୁ ବଲାଙ୍ଗିର ସହରର ପେଲେସ ଲାଇନ କୁ ପଠାଇବାରେ ସେଠାରେ ଚାରିଜଣ ବ୍ୟକ୍ତି ଗଞ୍ଜେଇ ଚୋରା ଚାଲାଣ  କରୁଥିବା ଜଣା ପଡିଥିଲା l ପୋଲିସ ଟିମ କୁ ଦେଖିବା ମାତ୍ରେ ଚାରିଜଣ ଦୁର୍ବୃତ୍ତ  ସେମାନେ ରଖିଥିବା ଗଞ୍ଜେଇ ସହ ଫେରାର ହେବାକୁ ଚେଷ୍ଟା କଲାବେଳେ ପୋଲିସ ଟିମ ସେମାନଙ୍କୁ କାବୁ କରିଥିଲେ l  ସେମାନଙ୍କ ଠାରୁ ସମୁଦାୟ ୨୭ କିଲୋ ଗଞ୍ଜେଇ ଜବତ କରାଯିବା ସହ  ସେମାନେ ବ୍ୟବହାର କରୁଥିବା ୨ ଗୋଟି ଦାମୀ ମୋବାଇଲ ଓ ୪୬୦୦ ଟଙ୍କା ଜବତ କରାଯାଇଛି । ଗତକାଲି ଉକ୍ତ କେଶରେ  ଗଞ୍ଜେଇ ସହ ଚୋରା ଚାଲାଣ ରେ ସମ୍ପୃକ୍ତ ଥିବା ବ୍ୟକ୍ତି ମାନଙ୍କୁ ତଦନ୍ତକାରୀ ପୋଲିସ ଅଧିକାରୀ ଏସ.ଆଇ ସୁଜ୍ଞାନ କୁମାର ବାରିକଙ୍କ ଦ୍ବାରା କୋର୍ଟ ଚାଲାଣ କରା ଯାଇଛି ।