23-May-2023

ମୁରିବାହାଲ (ସୁଦାମ ଚରଣ ବଘାର): ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ସଦର ମହକୁମାରେ ଥିବା ରାଧାକ୍ରିଷ୍ଣ ଓ ଶିବ ମନ୍ଦିର ପରିଚାଳନା କମିଟି  ତରଫରୁ ୧୧ ତମ ଶୀତଳ ଶଷ୍ଠି ମହୋତ୍ସବ ପାଇଁ ଦେବ ନିମନ୍ତ୍ରଣ ସହ ପତରପେଣ୍ଡି କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ଏହି ଅବସରରେ ସୋମବାର ମୁରିବାହାଲ ଶିବ ମନ୍ଦିରରେ ରୀତିନୀତି ଅନୁଯାୟୀ ପୂଜାର୍ଚ୍ଚନା କରାଯାଇଥିଲା। ପରେ ଚଳିତବର୍ଷ ବରପିତା ହୋଇଥିବା ସୁମନାନନ୍ଦ ଖାମାରୀ ଓ ତାଙ୍କ ସ୍ତ୍ରୀ ପ୍ରମୋଦିନୀ ଖମାରୀ  ସ୍ଥାନୀୟ ଜଗନ୍ନାଥ, ହନୁମାନ, ରାଧାକ୍ରିଷ୍ଣ ମନ୍ଦିର, ମା ମାହେଶ୍ୱରୀ ପୀଠ ସହ ଦେବ ନିମନ୍ତ୍ରଣ କାର୍ୟ୍ଯ କ୍ରମ ଅନୁଷ୍ଠିତ ହୋଇ ଯାଇଛି।କନ୍ୟା ପିତା ଗୁଣନିଧି ଧାରୁଆ ଓ ତାଙ୍କ ସ୍ତ୍ରୀ କୁମୁଦିନୀ କୁଂଆରଙ୍କ ବାସଭବନରେ ପତରପେଣ୍ଡି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି |ଭଗବାନଙ୍କ ପିତାମାତା ହୋଇଥିବାରୁ ନିଜକୁ ଧନ୍ଯ ମନେ କରିଥିବା କହୁଛନ୍ତି କନ୍ଯା ପକ୍ଷ ଓ ବରପକ୍ଷ। ଆସନ୍ତା ୨୪ତାରିଖ ଶିବ ବିବାହ ଓ ୨୫ ତାରିଖ ଦିନ ନଗର ପରିକ୍ରମା ସହ ଯୁଗଳ ମୂର୍ତ୍ତି  ଦର୍ଶନ କରାଯିବ ବୋଲି କମିଟି ସୂତ୍ରରୁ ପ୍ରକାଶ l ପରିଚାଳନା କମିଟି ସଭାପତି ରାଜୀବ କୁମାର ମହାନ୍ତି, ଉପସଭାପତି ଭିଷ୍ମରାଜ ମେହେର, ସାଧାରଣ ସଂପାଦକ ସୁଧିର ପାଣୀ, ଚିନ୍ତାମଣି ମହାରଣା, ସୁଧାଂଶୁ ଶେଖର ପୋଡ ଯାଦବ, କ୍ରୁତିବାସ ଦାସ, ପ୍ରବୀର କମ୍ପ, ତରୁଣ ପୋଢ କାର୍ଯ୍ୟକ୍ରମ ପରିଚାଳନାର ନେତ୍ରୁତ୍ଵ ନେଇଥିବା ଜଣାଯାଏ।