12-May-2023

 ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ଗୁରୁବାର ଅନୁଷ୍ଟିତ ପଞ୍ଚମ ରାଉଣ୍ଡର ଚତୁର୍ଥ ମ୍ୟାଚରେ କମ୍ରେଡକୁ ହରାଇ ସିଦ୍ଧିକ୍ଷା ରେବେଲସ ଚମତ୍କାର ବିଜୟ ହାସଲ କରିଛି।ଟଚ ଜିଣି କମ୍ରେଡ ପ୍ରଥମେ ବ୍ୟାଟିଂ କରି ୧୦ଓଭରରେ ୭ୱିକେଟ ହରାଇ ୫୬ରନ କରିଥିଲା ତାର ଜବାବରେ ସିଦ୍ଧିକ୍ଷା ଦଳ ୯.୩ ଓଭର ମଧ୍ୟରେ ୫୭ରନ କରି ବିଜୟୀ ହୋଇଥିଲା । ମ୍ୟାଚକୁ ପ୍ରଦୀପ ମହାଳିଂ ଓ ଜିତେନ୍ଦ୍ର ମାହାଣା ପରିଚାଳନା କରିଥିବା ବେଳେ ସ୍କୋରର ଭାବେ ହାଡୁ ବଢେଇ,ଆଲୋକ ସେଠୀ ଏବଂ ମ୍ୟାଚର ଧାରାବିବରଣୀ ଗୋପାଳ ସାହୁ ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ଉପ ସଭାପତି ବୁଲୁ ଦଣ୍ଡିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବରେ ବିଶିଷ୍ଟ କଣ୍ଠଶିଳ୍ପୀ ତଥା ଓଡ଼ିଶା ନାଟକ ଏକାଡେମୀ ସଦସ୍ୟ ଶାଶ୍ଵତ କୁମାର ତ୍ରିପାଠୀ,ସ୍ଵତନ୍ତ୍ର ଅତିଥି ଭାବେ ନୃତ୍ୟ ନିର୍ଦ୍ଦେଶକ ତଥା ଆଲବମ ଅଭିନେତା ଅମିତ ବିକ୍ରମ ମିଶ୍ର,ସମ୍ମାନିତ ଅତିଥି ଭାବେ ବିଶିଷ୍ଟ କଳାକାର ତଥା କଂସ ମହାରାଜ ଗୋପାଳ ଚନ୍ଦ୍ର ଦାଶ,କଳାକାର ଜଗନ୍ନାଥ ସାହୁ ପ୍ରମୁଖ ଯୋଗଦେଇ ବିଜେତା/ଉପ ବିଜେତା ଦଳ,ମ୍ୟାନ ଅଫ ଦି ମ୍ୟାଚ,ବେଷ୍ଟ ବ୍ୟାଟ୍ସମ୍ୟାନ କିରଣ ରାଉତଙ୍କୁ ପୁରସ୍କାର ଦେଇ ସମ୍ମାନିତ କରାଯାଇଥିଲା ଆଜି ଶୁକ୍ରବାର ଅପରାହ୍ନରେ ପିସିସି ବନାମ ବାଦୀ ବ୍ରଦରସ

ମଧ୍ୟରେ ସଂଘର୍ଷ ପୂର୍ଣ୍ଣ ମ୍ୟାଚ ଅନୁଷ୍ଠିତ ହେବ। ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ସେମାନଙ୍କୁ ପୁରସ୍କାର ପ୍ରଦାନ ପାଇଁ ଅତିଥି ଭାବରେ ଏ ୱାନ୍ ଟିଭି ରିପୋର୍ଟର ଶାନ୍ତନୁ କୁମାର ପଣ୍ଡା, ନିଉଜ୍ ସେଭେନ  ରିପୋର୍ଟର ଦଧିବାମନ ନାୟକ,ପ୍ରମେୟ ବ୍ଲକ ପ୍ରତିନିଧି ମୁକେଶ ବଗର୍ତ୍ତି ପ୍ରମୁଖ ଯୋଗଦେବେ ବୋଲି ଆୟୋଜକ ବିନିକା ସ୍ପୋର୍ଟସ ତରଫରୁ ପ୍ରକାଶ ।