10-May-2023

ବଲାଙ୍ଗିର(ପ୍ରେରଣା ଖବର)-ବଲାଙ୍ଗିର ମାଲପଡା ୱାର୍ଡ ନଂ. ୧୫ ଓ ୧୬ ର ଉନ୍ନତିକରଣ ଓ ସମସ୍ୟାକୁ ନେଇ ସଭାପତି ଯୁଧିଷ୍ଟିର ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ବିଶେଷତଃ ଲୋକଙ୍କ ପାନୀୟ ଜଳ, ରାସ୍ତାଘାଟ ଉନ୍ନତିକରଣ ଇତ୍ୟାଦି ଉପରେ ସଭ୍ୟମାନେ ଆଲୋକପାତ କରିଥିଲେ । ପଡାର ରାସ୍ତା, ଖାଲ ଢିପରେ ପରିପୂର୍ଣ୍ଣ ହୋଇଥିବାରୁ ନାଳ ନର୍ଦ୍ଦମା ସଫା ସୁତୁରା ନିୟମିତ କରିବା ପାଇଁ ପ୍ରସ୍ତାବ ହୋଇଥିଲା । ଟିକ୍ରାପଡା ପ୍ରହରି ଛକ ଠାରୁ ଆଶୁତୋଷ ଛକ ପର୍ଯ୍ୟନ୍ତ ପିଚୁ ରାସ୍ତା ନିର୍ମାଣ ପାଇଁ ଓ ନାଳ ନର୍ଦ୍ଦମା ପ୍ରଶସ୍ତିକରଣ ପାଇଁ ସିମେଣ୍ଟ ନାଳ ପୌର ପାଳିକାଙ୍କୁ ଅନୁରୋଧ କରାଯାଇଥିଲା । ମାଲପଡା ସ୍କୁଲର ଗୃହ ଭାଙ୍ଗି ଯାଇଥିବାରୁ ନୂତନ ଭାବେ ନିର୍ମାଣ ପାଇଁ ପ୍ରସ୍ତାବମାନ ଦିଆଯାଇଥିଲା । ଉକ୍ତ ଆଲୋଚନାର ସଭା ମାଧ୍ୟମରେ ଉପଦେଷ୍ଟା ତରୁଣ ମିଶ୍ର, ଉପ-ସଭାପତି ଗୋପବନ୍ଧୁ ପୁରୋହିତ, ଶ୍ୟାମ ସୁନ୍ଦର ଆଚାର୍ଯ୍ୟ, ସଂପାଦକ ପଂଚାନନ ସେଠ ଆଲୋଚନାରେ ଭାଗ ନେଇଥିଲେ । ଶ୍ରୀ ସେଠ ଗତ ମାସର ବିବରଣୀ ପାଠ କରିଥିଲେ । ଉକ୍ତ ସଭାରେ ପଡାର ସମସ୍ତ ବରିଷ୍ଠ ସଭ୍ୟ ଭବାନୀ ଶଙ୍କର ଶତପଥି, ବସୁଦେବ ନାଗ, ଅଶୋକ କୁମାର ଚାନ୍ଦ, ଆକୁଳ ବେହେରା, ଦେବଜ୍ୟୋତି ଯୋଷୀ, ଛବିଲାଲ ବେହେରା ଆଦି ସମସ୍ତେ ଆଲୋଚନାରେ ଭାଗ ନେଇଥିଲେ । ପରିଶେଷରେ ସଂପାଦକ ପଂଚାନନ ସେଠ ଧନ୍ୟବାଦ ଅର୍ପଣ କରିଥିଲେ ।