10-May-2023

ବଲାଙ୍ଗିର (ଦେବାଶିଷ ବହିଦାର ): ଲୋକ ଉନ୍ନତି ସଂଗଠନ ତରଫରୁ ସଦର ବ୍ଲକ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯିବା ସହ  ମୁଖ୍ୟମନ୍ତ୍ର୍ରୀଙ୍କ ଉଦେଶ୍ଯରେ ସଦର ବିଡିଓ ଙ୍କୁ ଦାବିପତ୍ର ପ୍ରଦାନ କରାଯାଇଛି । ଆଜି ଲୋକ ଉନ୍ନତି ସଂଗଠନର ସଭାନେତ୍ରୀ ତପସ୍ୱିନୀ ବେହେରାଙ୍କ ନେତୃତ୍ୱରେ ସଂଗଠନର ଶତାଧିକ ସଭ୍ୟ ସଭ୍ୟା ବଲାଙ୍ଗିର ସଦର ବିଡିଓ ଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ l
ସଦର ବ୍ଲକ ଅଧୀନରେ ଥିବା ଆନେକ ଗାଁ ରେ ଲୋକେ ନିଜ ମୌଳିକ ସୁବିଧାରୁ ବଞ୍ଚିତ ହୋଇଛନ୍ତି l  ଶିକ୍ଷା, ସ୍ୱାସ୍ଥ୍ୟ ଓ ପାନୀୟ ଜଳ କ୍ଷେତ୍ରରେ ସଦର ବ୍ଲକ ର ଅନେକ ଗ୍ରାମକୁ ଉପେକ୍ଷା କରାଯାଇଛି । ଅନେକ

ସ୍କୁଲରେ ଭିତ୍ତିଭୂମିର ଅଭାବ ଓ ଶିକ୍ଷକ ନଥିବାରୁ ପାଠପଢା ବାଧାପ୍ରାପ୍ତ ହେଉଥିବା ଅଭିଯୋଗ ହେଉଛି l ସେହିଭଳି କୃଷି କାର୍ଯ୍ୟ ପାଇଁ ଆସୁଥିବା ସାର ଓ ବିହନ ଚାଷୀ ଙ୍କୁ ପ୍ରଦାନ କରାଯାଉ ନାହିଁ । ଏମିତି ରେ ଚାଷୀଙ୍କୁ ହଇରାଣ ହେବାକୁ ପଡୁଛି ।  ଏହି ସବୁ ସମସ୍ୟାର ସମାଧାନ ତଥା ସମାଜର ଦଳିତ,ପଛୁଆ ବର୍ଗ ଓ ଅବହେଳିତ ଲୋକଙ୍କୁ ତାଙ୍କର ହକ୍ ପ୍ରଦାନ ଦାବି ନେଇ ଏହି ବିକ୍ଷୋଭ ପ୍ରଦର୍ଶନ କରାଯାଇ ଓଡିଶା ମୁଖ୍ୟମନ୍ତ୍ରୀଙ୍କ ଉଦ୍ଦ୍ୟେଶରେ ସଦର ବିଡିଓ ଙ୍କୁ ଦାବିପତ୍ର ପ୍ରଦାନ କରାଯାଇଥିଲା  । ଦାବି ପୂରଣ ନହେଲେ ଆଗାମୀ ଦିନରେ ଲୋକ ଉନ୍ନତି ସଂଗଠନ ଆନ୍ଦୋଳନକୁ ଜୋରଦାର୍ କରିବ  ବୋଲି ଚେତାବନୀ ଦେଇଛି ।