10-May-2023

ପାଟଣାଗଡ଼(ଦିଲୀପ ପଣ୍ଡା ): ଳୋକ ଉନ୍ନତି ସଙ୍ଗଠନ ପକ୍ଷରୁ ମହିଲା ମାନେ ମଘାମରା ଗାଁ ସହ ଅଞ୍ଚଳର ବିଭିନ୍ନ ସମସ୍ୟାକୁ ନେଇ ପାଟଣାଗଡ଼ ବିଡ଼ିଓ  ଙ୍କୁ ଏକ ଦାବିପତ୍ର ଦେଇଥିବା ଯଣାପଡିଛି । ଳୋକ ଉନ୍ନତି ସଙ୍ଗଠନର ମହିଲାମାନେ ବ୍ରାହ୍ମପୁରା ଛକ ଠାରୁ ଏକ ଶୋଭାଯାତ୍ରାରେ ବାହାରି  ମଘାମରା ଗାଁ ତଥା ଏହି ଅଞ୍ଚଳରେ ଥିବା ବିଭିନ୍ନ ସମସ୍ୟାକୁ ନେଇ ପାଟଣାଗଡ଼ ବିଡିଓ ସୁମନ୍ତ କୁମ୍ଭାର ଙ୍କୁ ଏକ ଦାବିପତ୍ର ପ୍ରଦାନ କରିଥିଲେ । ଦାବିଗୁଡିକ ମଧ୍ୟରେ ପାଟଣାଗଡ଼ ଅଞ୍ଚଳ ତଥା ମଘାମରା ଗାଁରେ ଚାଲିଥିବା ବିଭିନ୍ନ ଉନ୍ନତି ମୂଳକ କାର୍ଯ୍ୟ ଠିକ୍ ମୁତାବକ ‌ହେଉନଥିବା ,ଅଞ୍ଚଳରେ ଶିକ୍ଷକ ଶିକ୍ଷୟିତ୍ରୀ ଙ୍କ ଅଭାବ, ଅଙ୍ଗନୱ।ଡି କେନ୍ଦ୍ରରେ କୋମଲମତି ଶିଶୁ ମାନଙ୍କୁ ଦିଆଯାଉଥିବା ପୃଷ୍ଟିକର ଖାଦ୍ୟର ଅନିୟମିତତା , ତଥା ଗାଁ ମାନଙ୍କରେ ପାନୀୟଜଳର ସମସ୍ୟା ଆଦି ମୁଖ୍ୟ ଦାବିଗୁଡିକୁ ରହିଥିଲା । ଉପରିସ୍ଥ ଅଧିକାରୀ ତଥା ଦାୟିତ୍ବରେ ଥିବା ଅଧିକାରୀ ମାନଙ୍କୁ ଏହାର ସମାଧାନ କରିବାପାଇଁ ବିଡ଼ିଓ ଶ୍ରୀ କୁମ୍ଭାର ସେମାନଙ୍କୁ ପ୍ରତିଶ୍ରୁତି ଦେଇଥିଲେ । ଦାବିପତ୍ର ପ୍ରଦାନ ସମୟରେ  ଳୋକ ଉନ୍ନତି ସଙ୍ଗଠନର ମହିଳା ମାନଙ୍କ ସହ ଅଞ୍ଚଳର କିଛି ମହିଲା ସାମିଲ ଥିଲେ ।