10-May-2023

ବରଗଡ(ପ୍ରେରଣା ଖବର) – ବିକାଶ ଲ’ ସ୍କୁଲରେ ବିଶ୍ୱ ରେଡ୍‌କ୍ରସ୍ ଦିବସ ପାଳିତ ହୋଇଛି । ପ୍ରଥମେ ବିଏ ଏଲ୍‌.ଏଲ୍‌.ବି ପ୍ରଥମ ଓ ଦ୍ୱିତୀୟ ବର୍ଷର ଛାତ୍ରଛାତ୍ରୀ ସ୍ୱାଗତ ସଙ୍ଗୀତ ପରିବେଷଣ କରିଥିଲେ । ଏହି କାର୍ଯ୍ୟକ୍ରମରେ ଲ’ ସ୍କୁଲ ଅଧ୍ୟକ୍ଷ ଡ. ବିକ୍ରମ କୁମାର ଦାସ ପୈାରହିତ୍ୟ କରିଥିଲେ । ଡ. ଦାସ ପ୍ରତ୍ୟେକ ବ୍ୟକ୍ତି ନିଜ ଜୀବନକୁ ସେବା କାର୍ଯ୍ୟରେ ନିୟୋଜିତ କରିବା ଉଚିତ ବୋଲି କହିଥିଲେ । ଏହି କାର୍ଯ୍ୟକ୍ରମରେ ମୂଖ୍ୟ ଅତିଥି ଜଗବନ୍ଧୁ ଦାସ ଡିଗ୍ରୀ ମହିଳା ମହାବିଦ୍ୟାଳୟ ବରପାଲି ର ଓଡିଆ ବିଭାଗର ମୂଖ୍ୟ ତଥା ୟୁଥ୍ ରେଡ୍‌କ୍ରସ୍ କାଉନ୍‌ସେଲର, ଫାଷ୍ଟ୍ ଏଡ୍ ମାଷ୍ଟର ଟ୍ରେନର୍ ଯତୀନ୍ଦ୍ର କୁମାର ସାହୁ ରେଡ୍‌କ୍ରସ୍ ଦିବସ ଓ ଯୁବ ବର୍ଗର ଭୂମିକା ସମ୍ବନ୍ଧରେ ବକ୍ତବ୍ୟ ପ୍ରଦାନ କରିଥିଲେ । କାର୍ଯ୍ୟକ୍ରମରେ ପ୍ରଥମ ବର୍ଷର ଛାତ୍ର ଲଲାଟେନ୍ଦୁ ବେହେରା ଓ ଅକାଶ ପଟ୍ଟନାୟକ ବିଶ୍ୱ ରେଡ୍‌କ୍ରସ୍ ଦିବସର ମହତ୍ୱ ଓ ତାର ଇତିହାସ ଉପରେ ଆଲୋକପାତ କରିଥିଲେ । ଲ’ ସ୍କୁଲ ସଂଯୋଜକ ଶିବାନନ୍ଦ ସାହୁ ମଂଚ ପରିଚାଳନା ଓ ଅଧ୍ୟାପକ ଜୈମିନି କୁମାର ସାହୁ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମକୁ ବିକାଶ ଗ୍ରୁପର ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଡି. ନାଗେଶ୍ୱର ରାଓ ଓ ଡାଇରେକ୍ଟର ଡ. ସମରେନ୍ଦ୍ର ନାଥ ପଣ୍ଡା ପ୍ରଶଂସା କରିଥିଲେ । କାର୍ଯ୍ୟକ୍ରମରେ ଅଧ୍ୟାପକ ଅଭିନନ୍ଦନ ଖୁଂଟିଆ, ଅଭିନବ ସ୍ୱାଇଁ, ଅଧ୍ୟାପିକା ସ୍ୱାଗତିକା ସାହୁ, ସାଗରିକା ବିଶ୍ୱାଳ, ରୋଜି ମେହେର ଓ ରଜତ ବରିହା ସହଯୋଗ କରିଥିଲେ ।